Show Time～瞓覺都可以食飯

今日小Be 啲咳咳同感冒仲未清，所以我同爸爸同佢去睇醫生，跟住就同爺爺去飲茶．唔知係唔係因為食咗藥，小Be 好眼瞓，居然上映咗一幕～食飯食到瞓咗覺，超級搞笑！搞到我地忍唔住拍低咗，去片～～                      

 http://hk.video.yahoo.com/video/video.html?id=857735

奶粉廣告履歷表

超爸同事搵我, 話有個朋友想搵幾個小朋友拍奶粉廣告, 問我有無興趣.  我話都有架!! 姑且試吓啦!! 都未必得, 因為都有好多對手...

ah Be 個人檔案及近照

姓名 : ah Be

年齡 : 2X個月

星座 : 獅子座

高度 : 約82cm    體重 : 13.x kg

嗜好 : 笑, 食嘢, 唱歌, 玩, 瞓覺

近照如下 :  

2008 日本之旅 ~ 第六天

行程 : 池袋 -> 原宿 -> 渉谷神宮前 -> 南青山 -> 渉谷 -> 池袋

今日係超級 hea hea 日, 只係喺上述地點游嚟游去, 一時又搵間 cafe 仔坐下, 一時又入去啲舖仔混吓吉同買吓嘢.  小Be 依然好情緒高漲... 同超級扭計, 周圍走!!

無意中影倒小Be 嘅一張相, 睇下!! 幾得人驚!!! 攰到臉容扭曲...

為咗聽日要去輕井沢, 我哋決定今晚早啲返酒店同小Be 調整佢嘅情緒.  令佢回復正常先得. 

約傍晚七點, 我哋即刻返酒店放低啲戰利品, 然後 turbo 腳落樓下食拉麵.  食飽飽之後, 即刻返上房.  小Be 入房之後, 發 "攰癲", 大聲喪喊, 搞到我要出手好好教訓佢.  佢好快就入眠... 希望佢聽日會乖啲啦!!!

幾型!! 拎住個 Head Porter ~ 紙袋!!

食 tea ~ 超 hea!!!!

我好鍾意呢間 cafe 架 ~~ 特別係 outdoor 個裝修!!!

喺涉谷神宮前喪跑.......................

媽咪, 快啲啦!! 唔等你架喇!!    

幾爽!! 自己行!!!          

癲到花都唔放過.....

返啲食完拉麵啦!!! 要休息喇!!!!!

2008 日本之旅 ~ 第五天

行程 : 品川 -> 橫滨麵包超人館 -> 品川水族館-> 池袋 -> 無敵家 -> 酒店

嚟到今日, 要同其他同事講 bye-bye! 因為五天團將要結束.  我哋一家亦正式離團.  同 Sue 食過早餐之後, 我哋即刻坐特急去橫滨嘅麵包超人館去也... 小Be 開始出現疲態, 坐唔夠一半路程就覺覺豬.  今日天氣麻麻, 天陰有大雨...   約十一半去到爸爸好鍾意嘅麵包超人館.  小Be 好似聞到浸 "除" 咁即刻彈起身.  我哋非常雀躍同開心, 周圍行.  不過, 小Be 又鬧情緒, 有啲失控同唔肯影相.  我哋睇咗好多嘢, 同埋玩好多遊戲, 仲睇埋麵包超人劇場.  跟住去咗玩大波波.  真係快樂不知時日過, 成三點半先去餐廳食 tea 當飯... 我哋買咗4個唔同人物嘅麵包同特飲慢慢歎!!!   跟住嘅節目梗係 ~ 喺場內 crazy shopping 啦!! 成五點先離開!!! 買咗啲咩?? 有雨褸、幾件衫、玩具同文具添!!!

跟住又係坐特急返品川, 小Be 又係瞓著咗.  我哋返酒店前仲去咗品川水族館睇魚同睇海豚表演. 海豚表演比香港嘅海浪公園嘅規範大好多!! 都幾好睇架!! 跟住返酒店攞返啲行李轉去池袋嘅酒店 ~ Grand City Hotel. 一出池袋站, 我哋 turbo 腳去無敵家吃拉麵, 我覺得ok 啦! 又唔係傳聞中咁好味囉 ... 失望中... 最後, 我哋拖住行李, 掟住小Be 去新酒店 check-in.  小Be 梳洗完, 好快就瞓咗, 爸爸去便利店買我至愛 ~~ 雪糕三文治俾我吃 (可惜香港無得食... 泣...)

到喇! 到喇!! 到咗橫滨嘅車站喇!!

買入場卷先!! 爸爸個樣幾興奮!!!!

不停玩!!不停玩!!

食咩呀你????

睇咩睇得咁入神??? 咪麵包超人劇場囉!!!

咦! 佢做咩呀 ? 掉轉玩嘅!!!

我好鍾意嗰杯有星星菠蘿嘅特飲, 好味道又靚靚!!! 爸爸杯咖啡都好靘架!!!