2010 熊熊合唱團音樂會

日期 : 19-8-2010

呢篇 blog 坐咗好耐... 唔 post 又唔得, 驚小Be 大啲時無得睇, 而我又唔得呢件事 (無辦法... 年紀大機器壞 ...).  當日, 我哋要兩點鐘鬆啲到達屯門大會堂踏台板彩排一次 (跟 rundown), 但小Be 同 Hayden 都要喺 Lalaland 上 summer course 至十二點半先放學, 所以由接佢哋放學到食 lunch 同車佢哋入屯門都係好趕... 好趕...

準備入場踏台板跟 rundown 彩排啦~~ 好緊張呀!!! 手拖手, 做個好朋友!!!

佢哋入去彩排... 可憐嘅三對父母... 喺人生路不熟嘅屯門中心做 "老泥仔、老泥妹..." 四處遊蕩... 逛咗兩個幾鐘 ... 五點零, 要去接返三位幼熊去食晚飯, 補充體力... 三隻攰賴賴嘅幼熊真係無咩電...  飲番盒 "古古力奶" 先!!

食完晚飯, 又送番佢哋返會堂, 佢哋真係一臉倦容 (其實大人都係...) 小Be, 加油呀!!

接埋婆婆時間啱啱好!! 八點鐘開埸啦!!  Hayden 哥哥出場先!!

小Be 出場時都無機會影倒佢... 點解?? 咪一路俾前面嗰兩位小朋友遮住咗... (又左數起第四塊臉... 得1/3臉見到...)

走位時都見到佢三秒嘅...

中場休息, 小Be 佢哋返入嚟坐, 繼續睇餘下嘅表演

有雞雞、有雀雀、有龜龜、有蛋蛋

有不同嘅零食道具彈下彈下!!

十一點幾完埸, 返到屋企成點鐘... 下次熊熊可唔可以安排得好啲呢?? 起碼安排喺週日而唔係星期四囉!!! 同埋可唔可以早啲開場早啲完場架呢??

2010 熊熊合唱團音樂會綵排

日期 : 14-8-2010

今日係熊熊合唱團音樂會綵排日, 我哋同Z一家一齊出長沙灣 ~ 熊熊總部綵排.  大人唔可以入去睇綵排.  Elaine 姐姐話, 如果班馬騮仔綵排得好, 最後十分鐘可以俾我哋啲大人入去睇總綵排.  睇吓下面佢哋總綵排時嘅情況 :

綵排完, J一家邀請我哋兩家人一齊去深水埗三和田食 buffer... 好唔好食?? 見人見智啦.... 好味到... 我忍唔住喺 openrice 留咗個 post ~ 不可一... 不可再!!! 向垃圾食物說不!!!  

http://www.openrice.com/restaurant/commentdetail.htm?,commentid=2109125

時晚... ah Be 攰到... 沉沉睡了...

熊熊合唱團 ~ 音樂劇場刊

話說小Be將會參與熊熊合唱團於2010年8月19日喺屯門大會堂嘅演出.  今年主題係 ~ ｢一人至少有一個壞習慣之飲食篇 ｣.  而小Be 係幼熊組嘅關係, 佢會同其他幼熊一齊大合唱. 

上星期六收到通告, 通知可以買版位出賀稿喺場刊裹面...  版位分全版、半版、1/4版同埋1/8版呢幾種.  價錢由千幾到四佰元不等.  最好笑嘅係 ~ 有排位出名!!  盛惠 $200 大元一個... 真係當 ｢長生祿位 ｣咁賣 (啋! 啋! 啋! 大吉利是!!) 經過同心悠媽、雪浠媽一輪討論之後, 一致通過合資購買1/4版為佳, 盛惠 $800 大元吖!! 算啦!! 除開二佰幾, 都負擔得起...

我哋立即行動!! 叫三位小演員埋位! 我有理無理係咁影! 三位小姐、大少, 唔該望呢邊吖! 一、二、三笑!! 

影咗十張、八張之後, 揀咗一張相, 由J媽加工執執佢!  嘩!! 靚晒!! 咦! 仲有三個唔同嘅設計喎!!J媽又真係砌得幾靚喎!! 最後選出中圖同埋右圖呢兩張,  登喺場刊出入. 點解係兩張?? 唔好貶俾佢吖嘛!! 放得幾多得幾多啦!! 成 $800 大元架!!        

多謝J媽媽拔刀相助, 令大少可愛 100 倍!!

小Be 的第一次@Toy Story 3

就嚟4歲嘅小Be, 卒之第一次入戲院睇戲.  佢嘅第一次入戲院係獻給 ~ Toy Story 3!!

未開場, 我哋呢啲 ｢自由神｣梗係唔放過任何機會啦!! 影番幾張相留念!! (*´ｪ`)

小Be 表現都算唔錯! 係去到堆填區嗰段有啲頂唔順想走... 好彩佢都識性, 無大吵大鬧!  最後都順利睇完!! (不過要除咗個眼鏡囉... )

不得不讚 Toy Story 3!! 真係好好睇!! 好有意思!!

小Be K1 暑假班 (2010 7~8)

仲有14日, 小Be 就4歲喇!!  今年卒之可以讀暑期班啦!! 開頭只係報咗星期一、二、五下午喺婆婆屋企樓下啲社區中心嘅興趣班.  不過, 我同超爸見完家長之後, 就諗住同佢惡補一下啲英文囉!!

7月16日 - 8月27日的時間表如下 :

星期一 ~ 下午 02:15 ~ 03:15 紙黏土班

星期二 ~ 上午 10:00 ~ 12:30 Bi-lingual class、下午 02:15 ~ 03:30 大廚班

星期四 ~ 上午 10:00 ~ 12:30 Bi-lingual class

星期五 ~ 下午 02:15 ~ 03:15 圖像記憶法

8月2日 - 13日不會在上午 10:00 ~ 12:30 上Bi-lingual class. 改去另一學校上英文班 (10:00 ~ 12:00).

嗱!嗱!嗱! 唔好話我谷小Be 呀!! 下午嗰啲班全部係興趣班, 純粹俾小Be 打發時間之餘, 可以俾婆婆同埋工人姐姐抖抖氣咋!! 只有上午英文班比較學術性一啲, 希望佢上完暑假班之後, 唔好再抗拒英文啦!!

Q's Gallery (3)

眨下眼, 小Be 學咗差不多三個月畫, 又到 baby painting course 嘅尾聲.  今日已經係最後一堂, 下星期開始另一個課程.  睇下尾嗰三堂嘅作品先!!

第七堂 (26/6/2010) 作品 : 水母游呀游 ~~ 

第八堂 (3/7/2010) 作品 : 蝸牛爬下爬 ~~

第九堂 (10/7/2010) 作品 : 毛毛蟲

校園會+7、8月生日會

小Be 知道學校7月份嘅生日, 係佢有份做主角之後, 佢好開心! 早喺幾日前已經同我講星期五學校開生日會俾佢, 叫我一定要去參加佢嘅生日會.  呢個生日會係佢學校生涯第一個生日會 (上年因豬流感提前放暑假, 所以小Be 無咗學校生日會)  我都放半日假同佢一齊參加, 難得超爸都參加吖嘛!!

首先, 園會喺二點半開始.  小Be 班演唱 ｢做運動 ｣ 

各班表演演之後, 小朋友返課室同排洗.  之後各壽星家長入課室睇小朋友唱生日歌同演唱.  小Be 頂生日帽係佢自己油顏色嘅...

老師一彈某一首歌, 小朋友會即刻安靜兼伏開枱面, 等老師下一個指示.

七月之星合照!! 1 ~ 2 ~ 3 ~ 笑!!

http://hk.video.yahoo.com/video/video.html?id=1936035
唱完生日歌, 老師要大家回位, 然後重唱 ｢做運動 ｣、｢媽媽辛苦了｣
http://hk.video.yahoo.com/video/video.html?id=1936068

表演完, 所有家長都要離開課室.  超爸買咗四十幾包 Disney 餅仔送俾小Be 嘅同學.  根據小Be 放學時講, 食完蛋糕之後, 老師帶住佢派餅仔俾同學仔