口罩荒

因為有年邁媽媽

由上年12月尾起

每次經過藥房

都會睇下有無信得過嘅口罩賣

如果有

就買一盒 (非搶購)

連同台灣網購

都有7盒

最後分給媽媽細佬一家同朋友們

到1月尾

2人剩返2X 個口罩... ...

兩人默默等待1月初網訂嘅口罩

盡量留家Home office

不搶購任何日用品同口罩

2月中

分別有2位朋友打救

送我一盒日本口罩😆😆

2包超立體😄😄

雖然有口罩用

仍然要慳住同互相分享

到2月2x日

 之前訂落嘅口罩終於到步

將少部份5個一包

去街時分俾需要嘅人

呢啲係媽媽個姐姐幫手搵嘅口罩

都係分成5個一包

雖然5個一包好少

只係盡做

希望盡量幫到人

今次我哋真係要團結同自救啦!!

自求多福!!

香港人加油!!

我的低能料理 - 椒鹽肉排

今晚試煮新野 — 椒鹽肉排

又OK喎

沾沾自喜中~~

#我的低能料理

三號風球下的孩子是個寶

三號風球下

媽媽來電：阿妹，打風呀！我同你買定餸，你放工我叫姐姐拎去地鐵站俾你。

我：好呀！唔該！順便幫我買一舊薑同埋一扎蒜頭吖！唔該媽。

最後變咗3舊薑+5扎蒜頭🤣🤣

老人家始終認為多是好

#有媽的孩子是個寶

十指（趾）痛歸心 ~ 下回 (內容含恐怖血腥場面)

喺撞腳趾第二日

睇一睇傷口

只係微瘀 + 腳甲邊無咗一忽肉

諗住好少事

洗下傷口+貼膠布

等生肉埋口

差不多一星期

傷口已結焦

但傷口仲係痛...... 唔係隱隱痛

係唔郁都痛

所以我手多搣焦 ......

點知爆膿......

原來有個大包生咗喺甲同肉中間......

其實隻甲鬆鬆哋......

所以我要隔住隻甲吱膿

唯有日日清......

救命呀... ...

十指（趾）痛歸心

命中注定

每十年一遇

是禍躱不過... ...

我的右中指、右二腳趾都曾經中伏過

今晚自殺式撞腳埋牆... ... 

(其實係... ... 撞咗埋去BaBa 個啞鈴）

左二腳趾... ...

十指（趾）痛歸心😭😭

嗚...... 嗚......

除咗大瘀+腫外

佢仲要... ... 爆流血... ...😭😭

痛到爆炸

洗完傷口

貼上膠布

搵周生

短別離、後感

我諗我喺公司嘅人緣都幾ok

啲組員都有啲唔捨得我走

組頭同HR 、IT 講要留住我個位俾我

驚我喺新崗位唔慣

會發毛

所以留俾我得閒上嚟抖悶氣

感恩可以同佢地遇上

亦有finance 同事知道我離開

覺得愕然😳😳

定一定神

以為我休息無嘢做

想請我做part time 😂😂

問我介唔介意錢少少

真心覺得

好滾動 😭😭

柳暗花明... ...

原定今日３月２日

最後一個工作天~~

點知早兩個星期

我前。前工作崗位嘅現任同事

因病請辭

所以大老闆問我有無興趣轉頂佢個位。。。　。。。

我諗咗一個 weekend

同 chiu ba 商量過

佢話下一份工盡量以唔影響家庭為大前提

如果唔得，寧願休息下

我自己想法係。。。希望有工作能力都賺下錢

不過唔要困身

所以我開出重回半日工作

大老闆話可以試下

試下３個月先

好吖！試下囉～～

為咗撒退而唔影響日常運作

我喺呢組嘅 Last day 會改喺３月１３日

然後我會放一個小休

３月２６日重新上路

請祝福我。。。　。。。　

過去四個月... ...

失踪咗四個月

去咗邊??

因為公司攞咗啲新客

得老細"賞識"

由半日轉咗全日

點知由九月尾起... ...

瘋狂OT... ...

每日朝9晚8 

一星期有1/ 2日朝9晚9以上

仲試過有幾晚通頂呀

好多時因為想清嘢

星期五唔使趕返屋企

做夜啲... ...

呢四個月真係攰到一個點... ...

一空閒... 一坐底就瞓得著...

頭三個月

因為未請齊人

一隊13-15人嘅team

只有4人

忙到一個點

無時間去厠所. 飲水. 食晏... ...

一日十個會... ...

睡眠質素好差

一係失眠 一係發夢喺工司做緊嘢... ...

兩個月未夠... 瘦咗20磅... ...

M 都無咗... ...

個人完全死晒... ...

好彩睇咗一排中醫好咗好多

都而家有啲血糖不穩... ...

所以... 係時間停一停

諗諗新方向啦~~

他們今天失業了!!!

今天... 他們失業了!!

希望呢次失業係暫時性

好快可以復工

自己一直都有收集癈紙

朝早輪流分給公司附近的老人們

呢兩個星期日日背著一袋紙品 

送到老人手上

盡量將家中紙品分享

希望佢地可以賺多一分一亳

以往經過分亨癈紙時

大家已經建立一點點感情

一個眼神、一個微笑

都感受到一點點

有時加點節日特別小禮物

老人家的一個開心笑容

遠比中六合彩特別獎😆😆

做多一點點

人人快樂多一點

緣份

緣份嘅嘢... ... 信不信由你

話說舊年九月撞咗車之後

未有打算買車

所以無留原來嘅車牌 - NW_ _ _ _

隔咗幾個月

Chiu Ba 最後都係守唔住

同老人家出街好唔放便

喺一月時買咗車

二月攞車

新車牌... 好緊張呀!!!

我生命中好惹啲騎呢 no.

例如 : 167、169、444、777、分分鐘有埋689 架 

當日一見到架車

即刻睇車牌

開心到彈起!!

字母係UP!! 好意頭!!

最開心係組數字

雖然都係7來4去

但係嗰4個數字居然係... ... 我老豆個電話no. 頭4個字!!!

亦即係臭Be 而家用緊的電話no.!!!

真係緣來沒法擋

近況

呢兩個月個人狀態不穩

由二月尾到四月頭精神狀態好差

食唔到

胃氣脹

瞓唔到

每晚斷斷續續瞓兩三個鐘... ... 

仲要係淺睡嗰隻... ...

不停扎醒... ...

日頭又魂不附體... ...

極度虛脫

個幾月瘦咗十幾磅

chiu ba 叫我去 body check 下

三月尾臨出發去澳洲前

去咗睇中醫

問中醫係咪準備收經?

中醫 : 未有耐! 邊有咁快呢~~

食中藥三星期後

慢慢回復狀態

到而家叫正常返啲

至少進食後唔會胃氣脹

仍然食得少

夜晚瞓得好啲

瞓到5/6 個鐘

比起正常的我

仍然係瞓得少... ...

因禍得褔瘦咗咁多... ... 

同未生 Be 比

仲有段距離呀!!!!

希望我可以瞓得多啲... ...

縫補補伯伯(下)

經過四個星期後

縫補補伯伯已經補好兩件毛衣啦~~

老豆件 B記毛衣右肩胛位底蛀穿咗個大姑窿

依而個大窿已經補咗

了無痕跡... ... 

高手

超爸呢件 Uniqlo針織外套

右前幅心口對落穿咗個大姑窿 ~ 手指第一節咗大

補完之後

肉眼睇... ... 完成搵唔到傷口!

近距離望真啲 + 手摸!

摸到啦! 衫底比較厚

伯伯真係手工一流

係咪唔圈睇唔出呢?!

伯伯好認真架

真係走去配線色

雖然其實呢件衫好平 (最近做特價$99)

比起買件新衣

我寧願俾多幾十元

欣賞下呢門傳統手藝

縫補補伯伯(上)

1995年出走英國數週

住阿姨家

有日

姨帶我去執好嘢 ~ Burberry Factory

我買咗 1件 毛衣 ~ 爸爸

1件 大披肩 ~ 嫲嫲

2條 頸巾 ~ 媽媽同自己

所有產品 ~ made in England/ Scotland

今時今日無呢支歌仔 ~ made in England/ Scotland 唱 lu... ...

大滿足

*** *** ***

估唔到... ... 十幾年後... ...

呢幾件衫/ 巾已升值十倍

數年前

爸爸、嫲嫲走咗

舊物回到我身邊

大披肩 ~ 我自用(大愛)

毛衣 ~ 超爸

超爸一見老豆件毛衣雙眼發光

話好 Classic~~ 又係大愛... ...

不過件毛衣俾蟲注咗2個窿

尋日去咗搵補毛衣高手救救毛衣

趁伯伯寫單

閒聊幾句

我: ｢伯伯, 有無時間開班教補衫? 如果有, 我一定報名架!  ｣

伯伯: ｢無時間啦! 其實好多人都問我教唔教!  ｣

我: ｢伯伯, 我真係好想學架! 你考慮吓啦!  ｣

伯伯: ｢唏! 學嚟做咩吖! 嘥時間! 搵唔到食架! ｣

我: ｢我想學! 因為我好鍾意縫紉... ... ｣

伯伯: ｢唔好學咯! 傷眼嘥精神!｣

我: ｢哦... ... ｣

好期待完成修補後嘅毛衣

7年

7年🎈🎈。。。

一個唔長... 亦唔短嘅時間。。。。。。

但每日仍然想念您😔😔❤️

我知您每日都過得好好

我們亦一樣

因為我知道您與我們同在

您知道嗎? 

我終於克服咗您已離開我的事實

而家

我可以隨時提起我哋嘅往事而無再流淚

我可以隨時同Be提起我們仨嘅開心點滴

我已習慣經常在心裡同您傾心事... ...

希望有日我哋會相見

期待... ...

我真的很愛您 

風癩

上年冬天起

一濕凍 

(有時係乾凍+洗濕手)

對手就會起風癩

 (以前耐不耐會起)

會起不同程度嘅一粒粒、紅腫、痛

有時會上埋頸、臉...

都幾困擾... ...

有睇過西醫

只在起粒時

食抗敏感藥... ...

治標唔治本... ...

所以決定唔食藥... ...

由佢痕一陣... ...

*** *** ***

但今季起... ...

每晚煮飯、洗碗、一濕水

就起風癩

11月尾一個星期六落雨濕凍

全日起... ... 想死... 好難纏... ...

今日都唔係凍... ...

洗完碗由起... 真係日日起... 日日"發"

右手腫晒... ...

左手好啲... 只係局部關節位同指公起... ...

真係... ... 好困擾... 

我愛的星座 ~~

我好鍾意兩個星座嘅人 :

1. 人馬座 - 對佢哋可以話係惺惺相惜

2. 獅子座 - 欣賞、投契

人馬座其中一種性格 :

最射手受了傷不會躲在陰暗角落，會正面出擊，讓對方不敢再惹自己

射手是正義感十足的人，當他發現身旁的人受到欺負，絕對會站出來力挺對方。當受到欺負的對象是自己，射手受到傷害，也會選擇替自己勇敢站出來，不會躲在陰暗角落，會正面出擊，讓對方不敢再惹自己。

但雖然射手可以表現很堅強的面對攻擊，替自己出氣，但射手的內心其實很脆弱，受到傷害需要非常久的時間才能復原，會在心上築一道牆，讓人無法輕易進入，拉開與人的距離。

我覺得... 堅係我囉~~

十八年後。。。做番條好漢

喺好耐。。。好耐以前。。。

我有過捐血習慣。。。

但唔知點解中途中斷咗。。。

近呢幾年好想再捐返

但每次都擦身而過。。。

做唔到。。。

今日Ｂｅ考試早放學

同佢有機會見到流動捐血站

於是一股作氣。。。　捐血吧！！

雖然Ｂｅ只係陪我。。。　但佢極興奮。。。

太耐無捐過血。。。

心情有啲啲緊張

驗血紅素時。。。

男護一吱我隻手指

噴到成枱都係血。。。

我哋三人忍唔住小叫咗一聲。。。

阿男護都話篤咁耐手指第一次見咁多血。。。

我離枱時佢要抺枱。。。消毒。。。

然後見護士

一查之下。。。　原來停咗十八年。。。

估唔到十八年後。。。先做番條好漢

護士安慰我之前有１１次都算唔錯

叫我努力

以後繼續做

嗯！我會！

到插針喉時。。。　真係啲緊張架。。。

今次輕鬆啲３５０ｍｌ

（其實好鬼尷尬。。。瞓底先至知大鑊。。。個站設喺商場大堂中間，左右兩邊有扶手電梯

上落。。。二樓同扶手電梯上啲人眼仔碌碌望住你兼食花生。。。）

十幾分鐘搞掂～～

希望可以保持呢個習慣。。。

Ｂｅ長大後會有呢個意識

期待兩母子一齊捐血的日子～～

真相大白

2009 嗰一年

老豆走咗

老媽要用結婚証書辦啲後事

所以清空銀行保險箱

終於搵到啦!!

大家拎住張幾十年前嘅紙

懷念過去... ...

好啦! 清完舊物... ... 懷念完過去... ... 掉完垃圾... ...

老媽先發現... 結婚証書... 唔見咗!!!

吓!!! 大可樂啦!!!

點搞後事呢?? (後話... ...)

老媽不停"醒"... 我...

話我整唔見佢張結婚証書... ...

到而家... 佢都耐唔耐... "哦"... 我整唔見佢張証書架... 

其實... 係... 我咩... 

*** *** ***

上星期二... 喺屋企執執吓嘢...

見到有袋 ~ 老豆留低一疊舊日首日封同郵票... ...

拎出嚟"嗒"下! 

咦... errrr... ...

中間 "zip" 咗張紙嘅... ...

一打開嚟睇... ...

嘩! 搵返啦!!! 終於搵返啦!!!

終於唔使俾少奶"哦"我啦~

好明顯係少奶自己... "zip"埋一邊... ...

我隻死貓... ... 終於可以復活了... ...

其實我好鍾意我老豆老媽張結婚証書同埋我自己出世紙

我覺得手寫字靚啲~~ 有感情啲~~

加埋皇家蓋章

成張証書 formal 啲, decent 啲

一個字 ~ 型!

　

孻仔拉心肝

呢一年我多咗個孻仔

佢係邊個??

佢係臭Be 個契細佬~~

Be 契媽生完細佬後

細佬身體唔好一直留院

到上年年尾至可以請假回家短住

至此

我有好多時要做保母 

(我連正職, 有四個身份架!!!)

好彩佢最近姐姐到埗

我可以甩甩地身兼有時有飯黏

呢個曳曳豬好鬼甜

一擔砂糖、一擔 C

曳曳豬除黏爸媽之外

最黏嗰個就係我同 Be

佢嘅第一次 ~ 講 bye bye, 錫人, 叫姨姨都係對我做

佢阿媽嬲死... 呀!! keke

我同曳曳豬都幾有緣

佢媽咪預言... 佢個仔係我家庭以外最錫嘅仔~~　

一世都係~~ 真的嗎??!! 

上我屋企就搞搞震~~

仲會掉爛 Lego~~

我飲檸檬茶...

佢就同我掉隻青蛙仔落個杯到... ...

有時真係會俾我打蘿柚架...

今晚趁考試中場休息

又過去佢屋企黏餐

順便應阿媽要求

同佢修短髮腳同修短前額啲頭髮~~

成功!! 佢媽咪話唔好剪咁短喎... 要似女仔...