無限輪迴2019。5... (續)

無限輪迴 2019。5 

只係為一連串嘅PK揭開序幕!!! 

8月尾某日... 同媽媽外遊時

差錯腳... 又PK了

傷勢嚴重過上一次...

手臂、手側、雙膝

痛足一個月都埋唔到傷口

11月尾某晚

同朋友食完飯

黑麻麻的街上...

又再一次差錯腳... 又PK了

今次直情係... 跪嗰下聽到好清脆嘅｢扑｣一聲... 

再向前打咗兩個關斗...

傷勢嚴重過上一次...

手臂、手側、雙膝 仲要大瘀... ...

褲都穿埋!!

痛足三個月都埋唔到傷口

而家都仲隱隱痛... ...

舊年犯太歲... 由5月起每3個月仆一次... ...

重創

無限輪迴2019。5

命中註定身體差

手、腳、口、腦不協調

4月中前始不停落雨

日日出街時

不停提醒自己

小心地滑

唔好PK 呀!!

終於... ... 領嘢... ...

5月8日

參觀完 Vendor 新公司

喺銅鑼灣地鐵站

啱啱落完樓梯 (心裡不停叫自己小心)

突然一野跪低

媽呀!!😭😭😭 好肯痛呀!!! 😭😭😭

忍痛9秒9企起身

我驚後面啲人剎唔切制

撞C人

一路痛到飛起... ...

心知呢嘢有手尾跟

一定磨薑... ...

第二日

背脊由膊到後腳好痛

急住去脊醫急救

脊醫都忍唔住叫我小心

一星期後...... 

磨薑位表面結焦

但入面仲係好痛

經驗話我知發炎

做好晒消毒

用針一挑......

膿+血湧出嚟

第二日去睇醫生

5日抗生素... ...

膝頭再痛多個幾星期......

留疤痕😭😭

至於背脊

到今日都未完全好番... ...

繼續一星期兩次脊醫

不一樣的母親節

今年母親節同老豆有個約會

老媽準備齋菜

我準備靚靚大菊花 + Chiu ba由馬拉帶回來的貓山王

老豆一定食到心心眼

拜完老豆

老媽話要返屋企午睡

因為今晚同姐姐去佛法大會

約六點

細佬打電話俾我話姐姐搵佢老婆

姐姐甩底... 唔同老媽去法會

老媽知道... 😲😲 一定嬲死... ...(點解佢 (姐姐同細佬) 唔自己搵老媽🙄🙄??)

蠱蠱惑惑🤔🤔

我打電話俾老媽......

老媽反應當然係嬲嬲豬啦!!!

老媽：之前問咗佢肯唔肯陪我去，佢話肯我至買飛架。。。

（下刪百字．．．．．．）

最後... ... 喺老爺屋企倒咗啲飯落肚

然後一家護送太后去紅館

我陪太后入埸

聽完衍空大師一席話

心舒暢 ~ ~

法會完咗

Be 同 Chiu ba嚟接我哋去食糖水

老媽開心晒!!

臨送佢入家門前

溫馨提示佢 : 記住唔好話姐姐, 要以德報怨

老媽笑笑口... 哦! 哦!

希望佢真係做得到啦!!

3D版

上星期六

喺商場搭𨋢時

BaBa 突然問：係咪3D?

我同Be 😳😳

我：吓... ... 咩玩法?? 逆流仲要3D？點3D...... 會嘔喎⋯⋯

仨人對望... ...  然後... ... 狂笑🤣🤣

Marvel 後遺症... ... 

逆流大叔 - 一套70後(男人)真實心聲電影... ...

人到中年真係好容易變成一條鹹魚

笑中有淚... ..

#逆流大叔

#支持真香港電影

#真香港電影

電影

新開鎖佬

好恐怖!

今晚7點半

突然勁行雷＋閃電🌩＋大風同落大雨🌧️

我即刻出露台執拾 （露台係由Be房穿出）

突然聽到嘭一聲

Be 房門俾風吹到關門兼反鎖... ...

我被困Be房中

Be 喺房外

點開都開唔到度門

個儍Be 居然撞門 （睇得電視劇多得濟... ...）

我叫佢停 ～

突然「嚓！」一聲

門開了～～

見Be 拎住把𠝹刀望住我儍笑 (變態佬式儍笑）

原來

Be 用𠝹刀篤住個匙孔開鎖

佢真係大個仔

識得求生本能

我有點點安慰

#大個仔

雞年前的準備

恭喜發財!!

今年過年前

媽媽跌親

入院住咗個多星期

好彩係大礙

只係右手食指骨裂咗.......

加上無車同佢出入

所以今個雞年從簡

只係留超爸、我媽同二姑姐家拜年

年廿九

Be 喺屋企寫揮春

不停寫

要送俾自己一家、婆婆、爺爺、六伯伯同契媽一家....,,

今年揮春金句：一覺好瞓

寫完揮春自己執床

幫手換床單、入被單

然後叫我幫佢同公仔影全家福

年廿八深夜蒸蘿蔔糕

今年年花係~~

寸寸金 

年廿四喺花墟買 $380 十支

同契媽一人一半

靚靚水仙

年廿七喺西營盤覆診時同路邊婆婆買

同媽子一人一盆

$70 一盆 

盛開時~~ 真係靚靚

達聞西的自娛玩具

其實Be 係一個唔需要好多玩具嘅細路

我哋好少買啲大玩具俾佢

好多時係朋友送或二手嘅玩具

而佢自己都成日整玩具出嚟玩

喺長假期時打發下時間

佢成日都自稱"發明"咗啲新嘢...

成個達聞西... (國產零零漆... 嗰個...)

呢個波波球喺紙巾搓成... (有時啲紙巾係用過....  so dirty...)

通常放褲袋玩.... 

簡陋版練習簿手畫東鐵線列車 

呢條錫紙豬肉鬆條係咩東東??

其實係...... 電筒嚟嘅

點解用錫紙包住?  Be 話係用嚟保護支電筒, 仲係防震架添...

外出、旅行同床頭必備

自製餐牌 + 新產品海報

今期推介

畫車, 然係剪出立體紙樣嚟玩 (底+面)

自製廣告位... ... (細個唔畫牆... ... 大個先做...)

招租廣告

玩具箱貼上告示...

新聞報導...

平時叫我簽通告嘅 memo 中英文版