語言偽術家

香港有一位出名嘅語言偽術家

估唔到...

我家都有一個...

而家嘅臭Be

唔再一舊飯

有反叛思想

好鬼固執（由細到大都係。。。）

佢張嘴仲。。。利。。。

*** *** ***

今晚

我同超爸傾緊偈

臭Be又同我講嘢

（佢而家成日喺我哋講緊嘢嘅時候加把嘴埋嚟）

我同超爸唔理佢

跟住。。。

佢坐埋一邊

低著頭。。。幽幽的自言自語

（但我哋係會聽得好清楚。。。）

慘慘豬地講 : 我好似一隻可憐嘅小狗。。。等主人得閒嘅時間同我玩。。。

←_←’

佢又玩語言偽術。。。

我同超爸對望一眼。。。

我真係想。。。

*** *** ***

有時佢想玩電話或睇電視

佢會企喺我面前

陰陰揚揚

唇讀俾我睇佢想做啲咩

跟住我會用眼神回應佢 : 唔得!

佢會用好柔情嘅眼神 +柔情嘅聲線

答 : 媽媽, 我為你著想, 我唔玩電話(或睇電視)嘞!

/

 又或者佢會咁答 :  媽媽, 我為你好, 所以我唔玩電話(或睇電視)嘞!

嗰一刻

我真係反眼架。。。

*** *** ***

好多時

佢要求。。。玩電話或睇電視或其他

佢會好跳脫咁問 :  媽媽, 我想玩電話(或睇電視), 得唔得呀?

如果我答 : 唔得!

佢陪笑地回應 : 媽媽, 我係講緊相反詞。我係話我唔想玩電話(或睇電視)。。。

大家明唔明

我嗰一刻。。。有幾火!!!

對住佢。。。

真係鬥智鬥力

我每日死唔少腦細包。。。

數簿

上兩個星期

考試前的一天 (6/5)

老師將今年的所有功課、功課簿、工作紙派回

我喺當中發現...

臭Be 有一本... 

「數簿」

得個7歲人仔...

就要背住本數簿返學

都係慘慘...

手稿

臭Be 返學個文件袋內

成日會有一啲梅菜喺入面

啲梅菜係 ~ 佢畫嘅畫、摺嘅船

同埋一啲只有佢自己睇得明嘅嘢...

五月嘅某一天

我喺佢個文件袋內

搵到一大棵大梅菜

打開一睇~~

咦!! 大茶飯喎!!!

用咗三張功課紙貼埋嘅設計圖喎!!

我好鍾意佢畫呢啲設計圖

佢畫得好仔細

好有心機架!

因為佢喺班主任堂排住畫呢兩張畫 (底、面)

所以嗰兩日都無做功課返嚟...

不過算數啦!!

佢畫多啲呢啲 mind map

佢個腦筋都可以動多啲~~

最新畫功

臭Be 畫功好一般

風格走偏鋒... 另類...

最新一張畫 ~ 端午節

第一張水墨畫

臭Be而家畫嘅畫

好著重眼部表情

佢筆下嘅生命

好多時係用眼去表達主角嘅情感

上圖~ 端午節

佢用咗"腰果眼" ~~

呢張復活節

都好好笑

啲小雞嘅眼都好抵死...

隻隻唔同

呢張...

連企鵝對眼都... 樣衰衰咁... 

常識工作紙的 ~ 華... 蛇...

雙眼炯炯有神~~

今年小二英文閱讀報告

畫嘅畫...

溤京作馬涼

上星期

同Be 溫習默書

叫佢朗讀篇課文

Be : 媽媽把王... 王... ... 王"宛"之帶到院子裹... (←_←')

我 : 唔係王宛之呀! 豬頭炳!! 係王獻之, 貢獻嘅獻!! 知唔知? 

Be 大笑 : 知... 知...

佢成日都隨口噏 

正一山草藥...

今日

Be 做常識功課

課題 : 歷史名人知多少

佢讀題 : 華蛇 、孔子、岳飛

唔係我打錯字

如果華陀仍然在世

一定好痛心。。。

痛心之處 ～ 

有位小學雞稱他為「華蛇」。。。

將 "華佗" 讀作 "華蛇"!!!!

真係... 俾佢激死... 

Be應該有本事令華佗...

死都激返起身...

慳家仔

Be大叔自小被灌輸"慳"的概念

(我驚佢好似我咁大洗...)

好多時啲用品爛咗先同佢換新嘅

所以到佢而家大咗

要佢用新文具/ 用品會好勞氣

例如: 啲顏色筆/鉛筆已經用到短支支 (用咗一年幾)

叫佢換過啲新嘅

佢死唔肯換

我話會寫壞手

佢至焗住換

但用唔夠兩日

又轉返啲舊筆

我投降了...

到短無可短佢自己換啦...

霉過梅菜嘅

八達通套

都用咗差不多五年 (佢第一個八達通套)

啲膠開始爛了...

佢而家嘅口頭禪係 "環保啲"

希望佢大個都會有慳得就慳

不過

唔好係一個 "孤寒人哋, 闊佬自己"嘅人囉!

佢阿媽至憎呢種性格!!! 

壓力... ... ...

一向爛瞓如泥嘅Be

每朝

起床都會同周公搏鬥一番

我每日拍佢起床嘅時候

佢第一句說話

一定係 : 媽咪, 送多我5分鐘!!

19日 (考試前的一天)

佢嘅第一句說話係 : 媽咪, 我做緊第五題. 好快... 等一等...

無言... ... ...

平時 hea 讀嘅佢

原來都有壓力架...

提神

估下呢個係咩嚟嘅??

▼

▼

▼

▼

▼

一個又霉又皺嘅糖紙袋

*** *** ***

上兩個星期

我在 Be 校褲袋搵到

我正要掉咗佢時

Be 阻止我

同我講唔掉得

如果掉咗佢

佢上堂會恰眼瞓架!!

原來佢上堂時

要手插褲袋

捽住個糖紙袋 ~ 提神!!!

真係估佢唔到!!!!

*** *** ***

哦...

明白晒~~

我都無堅持要佢掉咗個糖紙袋

佢工時 (返學時間) 咁長

我應該要體諒吓 Be 嘅~~ 

想當年...

學校生活... 唔易過...

心心

唔好意思

又係肉麻嘢

(唔知仲可以寫多幾多年... 有得寫就繼續寫... )

有日在家

有個小朋友喺我身後掠過時

扮作若無其事地

拍拍我背

再指指地下

話 : ｢媽咪, 你跌咗嘢呀!!｣

我心諗... 咩料呀?? ←_←"

我喺地上執到...

▼

▼

▼

▼

▼

▼

原來係一個...

用電器鐵絲屈成嘅 "心"

真係呢...

俾佢甜死呀!!

仲要走埋嚟攬住我

問我鍾唔鍾意??

真係命都短兩年...

我梗係鍾意啦... 囝... 

想像得到...

佢第二時大咗

可以幾咁冧女朋友... (泣...)

我成日諗...

Be 在非學習時 IQ 都幾高吖...

點解在學習時 IQ 可以咁... 低... 架呢??!!!

*** *** ***

呢兩年

成日在家大喊 :

｢媽媽,我好愛你!!｣

/

｢我最愛嘅媽咪/ 媽媽!!｣

有時仲一路講... 一路扭動身體...

*** *** ***

做功課、溫習時

經常要我錫佢 (=俾能量佢...)

*** *** ***

瞓覺時

要閒談一輪...

講一個故事...

錫十幾廿啖 / 唔知要幾多十秒 (佢每晚都有不同要求...)

*** *** ***

佢大個會唔會係一個裙腳仔??

我肯定...

一定唔會...

佢一定係一個跟女朋友走的人...

嗚嗚... 

我最多可以享多三、二年呢啲甜福

到佢踏入青春期...

真係啋我都... 癲...

優異獎@璀璨的生命

上年九月

Be 參加咗 ｢2013年樊高“燦爛生命“繪畫比賽｣

(2013 Van Gogh Brilliant Life Art Competition)

畫畫姐姐話呢個比賽

認受性好高

叫我俾Be 參加

我話Be 畫功一般

畫風亦好另類

得唔得架??

姐姐話試下啦

今次啲評審委員係外國人

評審眼光好唔同

好啦! 試下啦!!

Be 經三個鐘嘅畫... 畫... 畫...

作品完成!!

*** *** ***

上年11月尾

收到主辦單位電郵通知

Be 得到優異獎

可以自費飛去荷蘭領獎

我哋唔會去啦!

成三萬幾一個人...

咪講笑啦!!!

*** *** ***

2014年2月19-21日

作品會喺尖沙嘴文化中心展覽

可以攞埋獎狀

攞到啦!!!

影返張相做紀念先~~

在沉重得小學生涯

帶來一點點鼓勵

Be 都幾開心架!!!

大字報

二月十三至十六日

我同超爸出咗 trip

 Be 到姑媽家托養

十六日

由契爺契媽帶返屋企瞓覺

當晚回家

我一入厠所

充滿霧氣的鏡上出現

｢媽媽, 我愛你! 我愛你!我愛你!!! Be 上｣

嘩!! 我開心到癲咗!!!


雖然

近呢幾個月Be成日喺鏡上寫｢我愛你｣俾我

但今次有啲唔同

小別四日

從電話對話中

我感覺唔到佢掛住我...

我唔多唔少有少少失落... 

我亦明白

佢年紀越大越唔需要我嘅道理... 

所以當我入厠所

見到呢面鏡

我開心到癲咗!!!

我特別開心!!特別癲!! 

*** *** ***

傻 Be 今晚再 encore~~

｢親愛的媽爸, 我愛你!!! Be｣

佢真係

一面天使... 一面

**P.S. 將來冧女仔, 佢一定好灑家~~