小管房

今年暑假

Be 除咗 day day cook 外

佢仲做咗小管房

因為節約能源

佢晚晚都喺開心樂園個後花園度瞓 

(拆解 : 開心樂園 = 我哋房 ; 後花園 = 地下. 全部稱號都係佢作嘅)

每晚臨睡前

佢都會幫我哋執床

有時佢仲會加啲小擺設

製造小驚喜

呢晚嘅小擺設係 ～ 佢哋！

呢晚嘅小擺設係 ～ 嘮蘇！

今個暑假 day day cook

今年暑假初

我炒咗一碟我覺得好好味嘅 ~ 揚州炒飯

Be 話好好味

佢要喺暑假學煮飯

8月日日喺婆婆屋企煮 Lunch 俾婆婆食

Be 第一次炒嘅飯

由材料、洗切到煮飯一手包辦

婆婆就慘啦....

做白老鼠... 一至五午餐... 差不多日日食炒飯...

食齋嗰日都要食炒薑飯

日日不同材料嘅炒飯!!

婆婆食齋嗰日

佢煲咗個紫菜清湯俾婆婆嘆~~ 

Be 第一次煮嘅烏冬 

事後佢話佢只用生粉醃豬肉

所以無味.

我教佢下次用咩調味醃肉

*** *** ***

上星期一 (22/8)

爸爸要交功課

放假一天

Be 親自下廚

由諗款式、買材料、洗切到煮一手包辦

我喺後面口述指點

我同爸爸的第一碗 ah Be 豬肉烏冬~~ 

都算幾好味架 

小四台灣考察團

Be 學校今年首次開辦小四台灣四天考察團

日期 : 六月十二至十五

Be 好想參加

我應承佢如果佢順利考入考察團

我會俾佢去

考試包括筆試同面試

最終Be考上了

佢勁開心~~ 自信心返晒嚟~~

好不容易等到六月

考完大考

出發前一晚

Be 自己執行李 (我從旁指導)

六月十二日出發啦!!

晨咁早送佢去機場 ~~

大個仔~~ 自己行李自己攞~~

四日旅程

Be 每晚返到酒店

都會 whatsapp/ FB call 我哋

行程滿瀉

早出晚歸

每朝早6:30 起床... 

8:00 出發

第二日早上Be 同同房同學唔知醒

最後要老師喪拍房門佢哋先識起身

當晚老師再次提醒佢哋準時起床

二人當時如臨大敵

嚴陣以待

較好鬧鐘

同房更每朝5:00 起床兼叫Be 起身

Be 真係有啲頂佢唔順... ...

呢啲係Be 旅途中share 俾我哋兩老睇嘅相

防災博物館紀念品

十五日晚返嚟lu~~

做人阿媽嘅點都識睇人眉頭眼額嘅~~ 

準備咗歡迎紙牌俾Be~~

開心到佢呢~~

返到屋企打開喼

好有驚喜!!

執得頭頭是道喎~~

仲無執漏嘢添!!

Be 嘅手造鳳梨酥~~ yum~~

學做的藍染手巾

仲有再造紙

今次Be 帶咗 $3,500 台幣去

剩 $1,200 返

所有單據都帶返嚟 (真係估佢唔到..,)

佢買咗啲咩?

鳳梨酥 + 豬肉紙各2盒 (原來佢係安排送俾爺爺同婆婆嘅)

4本書

節目尾聲 ~~ 寫8 個景點參觀後感

Be 期待下一年的考察團

經過呢一次獨自外遊經驗

我更深信學懂獨立遠比十個興趣班學的更加多~~

爸爸回來了~~

爸爸工幹10日

昨晚11時抵港

晚飯後

我同Be 在家等爸爸回來

Be 匿喺房十數分鐘

跟住叫我入房

要我幫佢貼膠紙

同埋幫佢搵 blue tape 

原本佢為咗歡迎爸爸

做咗啲 banner~~

一張貼大門

一張貼廳

考試季節

眨下眼

Be 嘅小四生涯又過去...

今學年出post 少咗...

緊接上年學校巨變

加上... 高小課程再緊湊咗... ...

所以我都無咩時間、心機寫嘢... ...

*** *** ***

小四學期尾聲... ...

又到考試季節... ...

考試了~~

超爸由30/5 起公幹10日

Be 考完試當日佢先返...

即係... 我要同Be單打獨鬥 

開工前

擺好個陣~~ 開工!

首先用黑板溫習生字

Be 啲字體... 可以好衰...

如果要佢寫靚啲... 啲... 亦得... 不過我要勞氣啲...

溫溫下... 又會寫無謂嘢...

中文溫習... 要背熟呢堆生字、成語... ... (自小一起, 填充不供詞...)

常識... 今次好啲... 夾咗啲啲中文

因為係讀少少香港開埠歷史

又係要背熟呢堆生字

佢嘅 careless mistakes 情況仍然超嚴重

由小一至小四仍未改善...

閒閒地扣十幾廿分...

我每次睇測驗卷都嘔幾公升血... 

阿Q 啲諗... 好彩考試卷唔俾家長睇...

如果唔係... 我真係會激死!!!

*** *** ***

終於...

今日重光啦!! 

希望Be 順順利利!

今晚超爸回來啦!! Welcome home~~

表達能力比較好

Be 學校今年舉辦咗第一次小四台灣交流團

Be 話佢想參加 (需要面試同筆試)

我話如果Be 考到

我就俾佢參加

最終佢考到

今日回校聽行程內容

離校返家途中。。。

我問：Be，點解頭先Miss Wu喺中場成日問你問題嘅？

Be答：係呀！Miss Wu 上堂好鍾意問我問題

我問：點解？因為你成日發夢？定唔專心？

Be (充滿自信樣)答：嗯！可能我表達能力比較好啦！

我答：叻喎！(心感一沉)

**其實心諗...佢咪誤會咗老師嘅意思呢⋯⋯

P4水運會

避咗三年水運會

今年

臭Be 終於肯面對自己

要對自己有個交代

佢終於決定出戰佢人生第一個水運會~~

喺場內~~ 我同兩個姨媽都睇到佢眼中嗰團~ 火~~

個人項目 : 50米自由式

團體項目 : 4x 50米自由式接力

原本臭Be 寄望可由團體項目得到獎牌

但最後都係攞唔到獎~~

臭Be 有些少失望

我同爸爸同佢傾過下

鼓勵下佢

佢下定決心會再戰下年水運會

一定要同兩個表哥一齊站上頒獎台

加油呀臭Be!

其實佢夠膽參加... 我已經心足了...

去核心外圍睇演唱會

以前次次都會睇佢演唱會

但今次無... 

尋晚

黎明演唱會尾場

同林世伯一家一齊去核心外圍聽

兩位媽媽心情立即回到從前

而林世伯就... ... 只有無奈... ...

去到中段

Leon 一句：一半人喺入面，一半人喺出面。

核心內、外圍回應：yeah!!!!

真係冧死人唔使賠...

當年四大天王年代

四個之中我鍾意兩個 ~ 黎明、張學友

一個靚仔、一個唱歌好聽

所以兩位開演唱會實捧場~~

黎明除咗靚仔之外

仲帶點少爺脾氣

仲會自巳挖苦自己

超爆!!

個性比較直

我鍾意~~

Be 同星妹都邊玩、邊聽歌

可惜少爺今日無 Encore

22:15 散場~~

Bye bye Leon~~