2008香港下水禮

點解標題係"2008香港下水禮", 因為2008下水禮係喺2008年2月20日嘅Bali, 亦係小Be 首次出埠.  經呢幾個星期嘅觀察, 小Be 身體已經完全康復, 所以決定同佢去游水. 今日係小Be 喺香港嘅下水禮. 天氣都幾好, 不過無太陽晒住嘅時候都幾大風同凍架! 所以玩咗1個鐘頭度, 我哋就走lu!! 跟住就去會所度tea 一 tea 啦!!

"肉照"嘅正面

"肉照"嘅後面

超爸爸, 快啲買tea 啦!

食燒賣, 好味道!

飲埋"檬檬茶", 真係人生一大樂事!!! yeah!!!!

考眼力! 請問你見唔見到pooh pooh 呢??                              

答案 : 喺pat pat 度!! 哈哈!!!

超級驚喜

今日小Be 超級百厭, 婆婆滙報話佢唔食飯 (係兩餐飯), 只係周圍走同扭計... ... 到我去接佢去表弟弟滿月宴, 佢又係唔食飯仲落地地周圍走... ... 仲要唔影相tim .

返屋企之後, 又唔肯刷牙, 又唔肯執嘢, 仲唔肯瞓覺tim... ...激到我爆炸!!  到最後我好平心靜氣問佢究竟瞓唔瞓覺, 佢好乖咁放底玩具同跟我入房上床. 佢仲同我有以下對話 :

小Be : Mummy mo

媽咪 mo : 我嬲! 我好唔開心! 因為小Be 唔聽話 (當時我打則瞓, 唔望住佢)

小Be : Mummy mo, sorry ar! (一邊講一邊用雙手轉我個頭望向佢,然後kiss 咗我一啖)

媽咪 mo : 好啦! 我原諒你啦! 下次唔好啦, 知唔知? (其實我已經冧到暈咗, hehe)

小Be : 知! (繼而相擁, 哈哈!)

跟住點?  ... ... 咪瞓覺囉!!! kaka!

娘 look 密絕曝光 ~~ (婆婆屋企著嘅短打)

9號風球~鸚鵡

原以為今日要返半日工，朝早6點幾收到七七電話，話天文台公佈8點前會掛8號風球，於是好放心咁瞓． 今日全日都無出街，出街對於小Be 嚟講實在太危險 lu，鸚鵡係一個好強嘅風暴！

中午時，小Be同我講過：媽咪mo，撇！街街！於是我問返佢想去邊，佢答我：去商場．真係俾佢激死．．．　唯有同佢講落雨唔去得，佢又OK喎，無扭計喎！喺呢一刻，我發覺小Be大個咗，原來佢都知自己想點架！！

喺食中午飯時，我要小Be 執好啲玩具，佢居然扭計唔執，我亦堅持要佢執玩具，佢就勁喊，個頭仲撞咗落堆Lego度，額頭有個圓圈印，好好笑！！　

小Be：爸爸mo，好悶呀！搵啲嘢玩吓！

爸爸：好啦！我哋一齊扮～哨牙仔！

小Be：咁都得！！！

爸爸：咁玩Pooh Pooh 啦！

小Be：好呀！

同 Pooh Pooh 嘅合照

小Be嘅Best Friend ～～

小Be：你好嗎？

小Be：呵呵！

請問見唔見倒我額頭嘅Lego印？？

一號風球現正懸掛

今朝帶小Be去地鐵站時, 我問小Be如果聽日打風, 媽咪留喺屋企陪佢好唔好, 小Be立刻大大聲答"好"!!! 好得意 ... 我都想聽日打風!!!  希望係啦!!

(拍攝於8月21日, 19日)

長隆野生"鹿鹿"動物園之旅~第2日

其實第2日嘅行程係不值一提, 因為係跟團關係, 所以係帶你去買嘢同睇咗一場好"搞笑"嘅"魔術"表演... 行程係由廣州 -> 中山 -> 深圳 ... ... 由朝早9點半上車到晚上差不多9點到深圳, 喺車上嘅時間係有大約7至8小時喺架車度, 咁小Be 喺車度做咩呢?? 好彩佢用咗9成時間覺覺豬囉, 如果佢唔覺覺豬, 我就慘啦! 最後返到屋企已經係11點9啦!!

我唔買嘢架, 唔講咁多啦! 飲啖"他他"先

你做緊咩呢?                         

唔好啦!!                                

小露寶主題曲 : 大踏步, 神情確威武!

皇上起駕... ...                          

同爺爺合照    

長隆野生"鹿鹿"動物園之旅~第1日

今朝一早(5:30)就動身出發北上, 目的地係~長隆野生"鹿鹿"動物園.  約2點到達動物園, 道先坐車車遊野生動物園, 我哋不停見到不同種類嘅鹿, 所以我叫佢做 ~ 長隆野生"鹿鹿"動物園囉! 開頭小Be 見到啲鹿, 雀雀, 羊咩, 馬騮等等... 都好有反應架, 因為太熱, 小Be 好快就無再俾反應 lu!!! 睇完野生嗰part, 我哋去咗睇其他嘅動物, 例如長頸鹿 (小Be 由七七抱佢餵長頸鹿食樹葉, 開心到佢飛起!!) 樹熊, 黑熊, 仲有嘅係熊貓 (小Be 超級開心, 因為佢見到有10隻熊貓, 不停叫 : panda, 起身! 唔好瞓覺呀!) 好好笑!! *當日氣溫 ~ 攝氏39度..., 只有樹熊館同熊貓館有空調 ...

約5點, 我哋去咗睇馬戲, 但個場係無空調架  加上小Be 瞓著咗, 所以我要抱住佢就熱上加熱, 睇咗唔夠30分鐘小Be 就醒咗, 於是我哋唔睇, 出咗去食雪條等爺爺佢哋... 到7點半到我哋就離開, 去食晚飯同返酒店

今晚嘅小Be 瞓得特別好, 無轉過身... ... 

好熱呀!媽咪mo...

熱到無心機排隊la

爸爸mo, 張椅"辣pet pet"嘅

仲要行幾耐呢??

餵長頸鹿食葉葉!!

考眼力, 請問你見唔見倒"熊貓"呢??

panda, 起身呀!

準備奧運嘅星期日

中午我哋同小Be 去影學生相, 都唔知佢搞咩, 唔肯影喎, 扭計到暈, 一張相影咗20幾分鐘... 

今日上堂好好玩, 老師安排咗個"泳裝花生show", 小Be 著咗條"短打"扮泳褲catwalk 喎... 而做手工嘅主題係雪糕, 做完之後, 小Be 居然揸住支雪糕當 "奧運聖火" ... 好興奮咁嗌 ~ "聖火呀!聖火呀!"  老師同其他家長都忍唔住笑佢...

落堂後, 我哋即出中環買絲帶, 因為我公司有一個迷你奧運會, 每一組都要準備國旗同 team photo... 所以我要準備少少啲制服用品! 出到中環, 首先要填滿五臟廟先, 但星期日嘅中環, 實在太多食店休息, 所以我選咗"x芳園", 嘩!! 蠱唔到都幾難食...  我諗無下次lu!! 多謝爸爸! 明知咁唔好食都陪我食...  食完tea, 我哋去咗石板街買絲帶, 小Be 行石板街時好驚! 拖到我實一實, 仲叫爸爸抱抱 tim!! 買完嘢, 我哋周圍逛, 小Be 仲對Bathing ape 好有興趣! 逛逛吓佢就覺覺豬咗lu!!

最後當然係返爺爺屋企吃飯啦!!

請問有無見過咁"肉酸"嘅學生相呀???

請問有無見過"肥仔"行catwalk呢??

穿"膠花", 訓練大小肌肉!!

喺"x芳園"扮遊客, 影張相先...

喺好好玩嘅石板街留倩影!!