2008年9月30日 星期二

Be的第一本 Thomas 書

聽日係國慶假期, 所以放工後同小Be 去咗apm 食飯同行街街, 因為冷氣凍得滯, 小Be 又凍親又流鼻水啦!!  喺等飯(pepper lunch) 到期間, 超爸帶小Be 去書店睇書, 然後買咗小Be人生中第一本 Thomas 書, 小Be開心到不得了... 有相為証架!!
睇下, 啲表情開心得嚟幾"浮誇" ... ... (唔知喺邊度學架呢!!!???)

2008年9月21日 星期日

家好月圓

劇集~"家好月圓"已經播影完畢! 落幕後最失落嘅人應該係小兒 ~ 小Be啦!  唔知係咪套劇成40集, 所以佢對套劇上心咗.  上心事有以下例子 :
例子一 : 識得講劇名 : 家好月圓
例子二 : 一見到宣傳片, 就會指住電視機講 : 家好月圓呀!家好月圓呀!
例子三 : 會跟住開埸主題曲唱 .... 無心... 害你...
例子四 : 平時唔鐘意睇劇情嘅小Be, 竟然會跟住劇中人講對白... , 例如會跟住紅姨講 : 奶奶, 奶奶!!
我諗由聽日開始, 一到2線劇時間佢一定好失落... ... 不過, 我相信時間係可以沖淡一切嘅!
請欣賞家好月圓主題曲 ~ 無心害你                  
午夜歌聲~~                                       

2008年9月12日 星期五

熙熙又一次打敗仗

今朝小Be返學都好乖, 自動自覺入學校, 唔扭計, 唔喊. 仲好開心同我笑住講bye-bye!
今晚係迎月前一日, 我同爸爸, sue 返婆婆屋企做節, 大家都食得好開心同好飽 !! 但返到屋企見到小Be時, 覺得好驚恐... 因為我見到小Be ~ 流鼻水呀!!!  仲有啲發燒呀!! 救命呀!小李生一病"流鼻水" 就好難好得返架!!! 救命呀!我諗係喺學校傳染返嚟嘅 . . .
流鼻鼻~ 無晒心機啦!!
唔好扁扁嘴啦! 唔舒服係咁架啦!
咁我試吓睇糯米慈(thomas) 同飲水水, 分散主意力先!!!

2008年9月11日 星期四

N1開學的第六~九天

第六日(8/9) ~ 今日小Be 入校門時, 喊得地犀利, 攬到我實一實, 唔肯放手.  要校長強行抱佢入課室.  不過, 根據我嘅觀察, 小Be 一入課室已經收聲... 
第七日(9/9) ~ 今日出門前, 我同小Be 講, 返學咁開心, 唔好再喊啦, 好唔好?
小Be 答 : 好呀! 咁我哋咪開開心心出門口囉. 
去到學校附近, 小Be要自己行到學校門口, 跟住好順勢咁入校門, 最後同校長入埋課室 tim.  整個過程非常順利!! yeah!!! 
第八日(10/9) ~ 我嘅心情有啲緊張!! 因為唔知今日小Be 入校門會唔會喊呢?? 我送小Be返學途中嘅心情異常忐忑!! 
喺學校附近時, 小Be 要我抱佢, 我個心一涼 (莫非今日佢會攬實我喊??) 
好彩, 小Be 喺校門前要落地地, 原來佢要自己行入學校!!! 小Be 真叻仔!! 我要喺度送粒俾佢!!! yeah!!!! 成功!!!
第九日(11/9) ~ 今日小Be 除咗自己行入學校外, 仲回頭同我揮手講 bye-bye tim, 然後同老師擁抱.  我真係好開心呀!!! 俾想像中容易handle. 小Be 好乖仔啊!! 
根據我同爸爸呢兩日嘅觀察 (其實係靜靜雞由窗外裝入課室), 小Be嘅校園生活如老師所講, 係鍾意企埋一邊望住同學玩, 然後自己喺度笑, 傻傻的...
等的士等到無晒心機 ... 
每朝早都會出現呢個瞓唔醒嘅 look!! 死未!!!

2008年9月8日 星期一

說話篇+學習進度

9月8日或之前講 ~ 呀超 (叫爸爸個名), 單車, 電單車, 腳趾, 咩呀, 去街街, 地鐵站, 商場, 鍾意, 等埋你呀, KFC, MeBox (mega box) samsungsonic (samsung), banana, thank you, happy birthday, 糯米慈, (thomas), 播完, 搵老師, 返學呀? 慢吞吞, 奧運, 煮飯飯, CC村, 唔知喎, 唔使呀, 湯湯, 出去呀, 電視睇 (睇電視), 車車坐 (坐車車), 其實佢好多嘢都掉轉講架!!
識唱 ~ 1. 國歌嘅 ... 起來.起來.起來. ... 前進.前進.前進.進.
          2. 有仔雀仔趺落水
          3. 家好月圓主題曲~無心害你.....  (異常驚嚇!!)
          4. HAPPY BIRTHDAY TO YOU
          5. 打開蚊帳
              6. 世界真細小      
戒片進度 ~ 日常家裹活動 (不包括外出) 都不用著片, 不過偶有失手, 在睡眠時間要著片, 大大亦能表達和拿potty 到厠板上同叫我們抱他用.
7月30日或之前講 ~ 撞車, 瞓覺, 唔該媽咪, 33樓 (婆婆住33樓), 痛痛, 唔好呀, 爸爸嚟呀, 爸爸/ 媽媽返工呀!
識哼 (未識唱) ~ 三隻白白豬 (唱到頭兩行) 
7月6日或之前識講 ~ 聖火 (奧運), 麥當奴 (以前係講奴奴), 豈有此理 (跟廣告), 快活 (大快活), 他他 (維他奶), 藥藥好味道喎, 唔該借借, 私家車, 識叫老師, 靚靚, 開門, 關門, mimi (叫姐姐), 食糖糖, 無車喎, 契爺, 契媽, 唔要, 下次見, 你好嗎? 趺咗, 無車, 等埋呀... ...
識唱 ~ 1. dun dun 轉, 菊花園, 炒米餅, 糯米慈 ... ...
          2. 點蟲蟲, 蟲蟲飛, ... ...
          3. 婆婆鄉下兒歌 (我唔識繹番廣東話) ... ...
          4. 豈有此理 ~ 廣告歌
戒片進度 ~ 戒片進行中, 日常家裹活動 (不包括外出) 不著片, 但差不多每日都有失手, 在睡眠時間要著片. 大大時, 會有表達, 但會失手

2008年9月7日 星期日

星期日-上playgroup時間

本來小Be已經返學了, 係唔需要在上playgroup嘅.  但我見小Be上playgroup上得好哋哋, 唔上好似好唔知點咁, 咁咪上多幾個月先.  況且, 小Be都開始溶入上堂時嘅大家庭 (雖然有時仲係做咗山頂上嘅朋友), 但佢都算肯跟老師嘅指示... 佢上堂時投入咗好多架, 肯唱歌, 跳舞同拍手. 
好似好眼瞓咁喎... (係呀! 上堂時間係平時午睡時間嚟架!!)
老師, 餅餅, 唔該!!!

食完餅餅, 仲眼瞓... ZZzzzzzzzzzzz

2008年9月6日 星期六

郊外一日遊

尋晚同Connie 同 Bonia食晚飯,Connie仲帶咗諾諾姐姐嚟玩 tim,小Be 實開心啦!因為有得食.食.食.同埋可以同姐姐玩.玩.玩.
今日同小Be 去咗西貢食下午茶同瞓晏覺,跟住去咗Sue 屋企,再上山頂食晚飯.食晚飯時仲發生咗件趣事,以下係外藉waitress 同小Be 嘅對話:
Waitress:Hi!What's your name?
小Be:??!!??(完全唔明,唯有望住外藉姐姐甜甜的傻笑)
Waitress:What's your name?
小Be:um...食 mum mum ar!!!(所有人躂低晒啦!)
食完飯,又返Sue 屋企,同小龍,阿Sil 食糖水!非常盡興!!小Be 就仲盡興,因為佢同小龍,阿Sil 姨姨玩到傻晒!!!

2008年9月5日 星期五

N1開學的第三~五天

呢3日係小Be自己上堂嘅日子,每朝早我同小Be都風塵僕僕咁搭的士返學!特別係喺星期三(3/9),嗰日大落雨,又無的士又無小巴,真係好傍偟...最後咪遲到囉... 
呢3日小Be都喺入學校時喊,但老師話佢入課室已經收晒聲.咁我又問吓老師小Be嘅上課情況,老師話Be嘅表現都 ok,不過就少同同學玩,成日自己玩同坐埋一邊,最好笑係小Be成日坐埋一邊睇其他小朋友,跟住喺度傻笑... 
每日小Be都同我講返學好好玩,又成日提住老師,老師.我諗小Be其實都幾鍾意返學,只係未適應同我分開.希望下星期會好啲啦!!

2008年9月2日 星期二

N1開學的第二天

今日係小Be 返學嘅第二日,表現都ok 啦!都會聽老師話,玩完大車車之後泊返車車埋原位!仍然係唔肯做體操囉!同仍然唔肯同同學玩囉!
時日茶點係~粟米粥.到放學時,老師又準備咗一份"小禮物"俾各位小朋友,份禮物係 ~一把米奇老x手扇
 唔該爸爸!
運動服 look!
又係玩大車車,厭唔厭架!
茶點好味道!
喂!係係!好!Bye-bye!
狗狗,你好 ma!
畫畫先!!

2008年9月1日 星期一

N班開學的第一天

今日 (1-9-2008) 係小Be 人生好重要嘅一日 ~ N1 預備班開學日.一早 8:10 起床,然後飲奶奶同梳洗,再換校服,一行3人 (爸爸,媽媽) 喺 8:45 出發 lu!返到學校小Be 嘅表現都算ok 啦!耐唔耐走過嚟拖住我,(因為爸爸,媽媽喺第1,2日可以陪佢) 佢都算肯聽老師話,不過唔肯做體操囉!
雖然只係返一個鐘頭學 (今個星期每日只需要返學一個鐘 9:00~10:00),但都做咗好多嘢.首先喺遊戲室玩 -> 做體操 -> 排隊去洗手間 -> 入課室吃小食 -> 玩玩具 -> 放學.放學時老師仲準備咗一份"香港迪x尼玩具"作見面禮俾各位小朋友 tim!
今晚喺瞓覺時,我問小Be 鍾唔鍾意返學,對答如下:
媽咪mo:Bebe 鍾唔鍾意返學呀?
小Be:鍾意返學呀!
媽咪mo:鍾唔鍾意老師呀?
小Be:鍾意老師呀!
媽咪mo:鍾唔鍾意同同學玩呀?
小Be:@#$%^&*()_+~ (係無正面作答!! 仲要成身扭來扭去 tim)
到我叫佢送個"Goodnight Kiss" 俾我,有以下內容:
媽咪mo:Bebe可唔可以鍚媽咪一啖呀?
小Be:唔得!
媽咪mo:嗚...嗚...嗚...嗚..... (我唯有扮喊啦!)
小Be:媽咪mo,唔好喊!乖!唔好喊! (佢行埋嚟,好似輕輕攬住我,一邊拍我肩膀,一邊講!跟住錫番我!)
媽咪mo:好呀!(我用咗佢嘅語氣回答,同偷偷哋奸笑 tim!)

喂!婆婆,我要返學啦!
爸爸抱!
媽咪 mo,你做咩呢?
初嚟步到,玩啲文靜啲嘅玩具先!
我好鍾意玩呢架車架喎!
喂!同學仔,咪撞過嚟,好危險架喎!
茶點時間,有cereal+牛奶,好味道!
姨媽,做咩呀?
好叻仔喎!識得自己食mum mum!
食完mum mum,執完碗,玩多陣先.
玩車車先...
請問有無見過咁為食嘅小朋友呢?茶點完仲要扮食嘢!!
時間到!放學 lu!bye-bye!聽日見!