K1親子體操日

今日係小Be 學校嘅親子體操日, 但我同爸爸都各有公事忙... (其實我真係好想去....)  唯有喺 facelook 誠徵媬姆, 多得 Mini 相助代表我哋參加.  仲有婆婆嘅捧場, 令小Be 喺失落之中帶點安慰...  睇下小Be 跳得幾精靈!!

 http://hk.video.yahoo.com/video/video.html?id=1911328 (睇唔倒, click 呢條 link啦! 唔該!!)

排隊進場時打"呵欠"... 真失禮...

準備中... 加油!! 加油!!!    

小Be 個 friend ~ 卓嵐!!!

特別嗚謝 : Mini 姐姐、婆婆及其他有心人 (曾報名代父、代母的各方好友)

直立式洗頭

唔講大家唔知! 平時曳曳嘅小Be, 係唔可以直立式洗頭 (即花洒淋頭), 每次水未掂頭已經大喊特喊, 極麻煩...

每次洗頭都要抱住佢先洗得... 真係手都斷 (講緊手斷嘅人, 當然係我同姐姐啦).  但無論點氹佢或用硬功, 佢都唔肯妥協用直立式洗頭.  我哋大家都苦惱咗好一陣子... 再咁落去, 我手斷時, 佢都會頸斷架喎!!! 

我靈機一閃...

搵駿駿哥哥示範一次咪得囉!!! 所以,上星期六, 我哋去咗如姨媽屋企, 要求駿駿哥哥或橋橋妹妹示範 :
表妹示範一次如果直立式洗頭俾 ah Be 睇.  再由威姨丈操刀同佢沖一次涼... 當威姨丈用花洒淋 ah Be 個頭, 嚇到佢死, 但又唔敢喊、唔敢叫、唔敢發爛渣!!! 只係, 係咁縮身兼細細聲叫唔好! 好好笑!! 換著平時, 佢發咗爛渣好耐 lu... 

由上星期六到今日, 呢五日小 Be 都係直立式洗頭 , 唔使抱喇!!! 好嘢!!! 我同姐姐甩難啦!!

隻手唔使斷啦!!!

特別鳴謝 : 橋橋妹妹示範洗頭及駿駿哥哥從旁打氣!! 多謝 ~ 謝氏一家!!!

學校小手工~貓貓臉具

學校派回小手工~貓貓臉具!! 一看 ~ 手工唔錯!! 如果係小Be 自己造, 就叻叻豬啦!!!

meow ~ meow ~

漲爆 bebe 臉... 好肥美耶...

新畫班

ah Be 由前日 (17/4) 起轉咗嚟呢間畫室學 baby painting (2.5歲 ~ 3.5歲).  就嚟4歲仲學 baby painting??? 唔係嘛...  其實我同心悠媽排咗7個月隊先到我哋. 係就係超齡咗啲, 不過可以打好個底先, 唔使未學行先學走吖嘛!!! 我哋會俾佢兩個學 baby painting 3個月先, 然後再上另一個階段.  間畫室個門面係咪好靚呢??

未夠鐘上堂, 玩一陣玩具先熱下身先!!

今堂作品 ~~ 復活蛋 !!!

 真係 ah Be 畫嘅?? 唔係嘛!!! 

睇真啲... 打開個雞蛋殼 ~~ 原來有隻雞仔呀!!!

你哋都唔鍚我嘅...

今晚, ah Be 唔知做乜鬼  喺床度碌來碌去都瞓唔著 (但其實佢又好眼瞓架喎...), 一時起身攪喱攪路, 一時又講不停... 無論我用軟功或硬功都無咩用, 攪到我咩都做唔到 激死我啦!!!! 最後, 我嬲咗佢, 唔同佢講嘢, 出咗嚟拖地!!!   佢隻衰嘢跟住走咗出嚟, 飄嚟飄去, 博我睬番佢!! 我 ~ 緊係當佢 "透明" 啦!!!

到超爸爸問佢究竟瞓唔瞓覺, 佢居然搖頭.  爸爸叫佢坐喺梳化到, 坐到佢瞓著覺為止.  ah Be 坐咗一陣頂唔順, 話要我陪佢瞓, 我就梗係唔理佢啦!  最後, 超爸爸同佢入房, 不過 ah Be 好扭計, 一時話要媽咪唔要爸爸, 一時又話叫爸爸出去, 一時又叫返爸爸入房, 因為怕黑, 攪咗一陣先瞓得著 ...  

之後, 爸爸同我講, 唔好再當 ah Be 係小朋友, 佢嘅思想超乎我哋嘅想像... 同埋唔好俾佢睇咁多電視... 此話何解  原來 ah Be 臨瞓前對住公仔講傾訴... 內容如下 :

ah Be 一邊摸著公仔頭、一邊講 : ｢我唔開心呀... 你哋都唔都鍚我嘅, 淨係識得鬧我... ｣

我真係好驚... 點解佢識得俾說話人聽嘅!!!!

晨早起床清新開朗... 等車是也!!

3歲8個月 ~ 轉奶粉啦!!

眨吓眼, ah Be 已經3歲8個月!  喺呢44個月, ah Be 一直都係飲 ｢雪印 ｣ (Bean Stalk) 嘅, 由細仔飲到大仔.  到咗而家, 佢仲 keep 住每日食 2 - 3 餐奶 (唔使返學嗰日就要 3餐奶), 2餐飯. 真係食窮我哋架...

到咗今日, ah Be 開始轉奶粉啦!! 轉飲 ｢和光堂 ｣ (Wakodo) 啦!! 點解?? 我哋覺得飲咗 ｢雪印 ｣都3年幾, 有啲啲悶, 加上每罐 ｢和光堂 ｣平 $7, ah Be 又話好味, 咁咪轉下囉!!  仲每兩罐送一包 80 張厚手濕紙巾添!! 抵呀!!!

ah Be 話齋 : mame, 新奶奶好味道呀!!!!

暗瘡 = 迷你倉???

是晚, ah Be 睡前與我一席話... 佢指著我臉部嘅暗瘡問 ...

ah Be : ｢媽咪, 呢啲咩嚟架? 痛唔痛架? ｣

媽咪 : ｢唔痛架, 係暗瘡嚟架!! ｣

ah Be : ｢暗瘡?? 唔係暗瘡嚟架! 呢啲係時昌迷你倉嚟架!!｣

媽咪 : ｢唔係時昌迷你倉嚟架, 呢啲叫暗瘡! ｣

ah Be : ｢唔係呀! 係蘋果迷你倉先啱呀!!｣

媽咪 : ｢唔係, 係暗瘡!｣ @@ (*´ｪ`;)

ah Be : ｢唔係呀! 係迷你倉呀!!! ｣

媽咪 : ｢是但啦! 係迷你倉啦!!!｣ 投降啦....

 你話咩就係咩... 就嚟玩死我...

ah Be : ｢係囉! 迷你倉囉... ｣

媽咪 : ｢... ...  ｣

今日喺婆婆屋企上香時, 俾香頭灼傷了...