抗戰廿一年

轉眼又一年，不經不覺廿一年。。。 不想回憶，未敢忘記。。。相隔廿一年，仍然歷歷在目當晚某地發生過的事。。。

遺憾是。。。 小Be 將不會有言論自由、新聞自由。。。泣!!  不過佢將會知道 1989 發生過得人和事!!

Q's Gallery (2)

又到 Q's Gallery 嘅時間喇!! 相隔一個月, 小Be 嘅勞作又進步咗 1cm 咁多喇!!

第六堂 (29/5/2010) 作品 : 大耳牛馬騮打鼓 ~~  

第七堂 (5/6/2010) 作品 : 甩耳傻豬豬 ~~

第八堂 (12/6/2010) 作品 : 污穢甲蟲母子 ~~

第九堂 (19/6/2010) 作品 : 大鼻孔牛牛 ~~

在校賴屎篇

喺上星期五晚 (6月11日), 小Be 一見到我, 即刻同我講 : ｢mame, 我今日喺學校賴屎呀!!｣  

Mame :  ｢ 唔係嘛!! 賴屎??你夜晚急急, 你都識起身叫我同你去厠所架喎!! 點解會賴屎架?? ｣

小Be : ｢係呀! 兩次呀! ｣ 仲要豎起兩隻肥手指仔 ->

Mame :  ｢兩次!!! 點解會賴兩次架?? ｣

小Be : ｢係囉... 啲屎屎喺蘿pat 度走咗出嚟, 跌咗落底褲度... 所以污穢咗囉... ｣

Mame :  ｢囝, 呢個唔係賴屎原因, 你只係講緊賴屎嘅過程, 你知唔知道呀?? ｣

小Be : ｢哦... 跟住呢... 我賴完屎呢... 卓嵐俾咗張紙巾我呀! ｣

Mame :  ｢俾紙巾你做咩呀??｣

小Be : ｢俾我抺汗囉...｣

Mame :  ｢抺汗 ... 咁你賴屎嗰時個有無肚仔痛??｣

小Be : ｢有肚仔痛呀!!｣

Mame :  ｢咁係你自己舉手話俾老師聽? 定係老師發現架??｣

小Be : ｢老師發現 ... ... ... ｣

Mame :  ｢咁點解仲會賴第二次架?? ｣

小Be : ｢... ... ... ｣ 咋咋帝走咗...

根據我當晚同翌日嘅觀察... 佢真係有啲唔多妥... 都仲有肚瀉... 不過無賴屎咁嚴重...

學習課題 : 端午節

年小Be 喺學校學識咗端午節同扒龍舟, 連扒龍舟嘅動作姿態都識得模仿.  仲學會用普通話講duān wǔ jié (端午節) 同埋 lóng zhōu (龍舟)添  good good good!!!

校內龍舟勞作

小義工日 ~ '10 端午節篇

相隔大半年, 小Be 又有機會做小義工喇!! 多謝心爸 ~ Ken 哥嘅邀請, 令小Be可以回饋社會!! 是日任務係派糉俾獨居老人, 今次我哋嘅服務對象係3位婆婆. 第一位係 85歲嘅熊婆婆、第二位係 67歲嘅黃婆婆同第三位嘅 x 婆婆.  我哋只係探到第一、二位婆婆, 但第三位就聯絡唔到, 所以無去探訪. 

同上次一樣, 除咗送糉之外, 我哋會同婆婆傾下偈同埋做一份該位婆婆最新資料問卷.  經過上一次 (中秋) 經驗, 我哋今次做得好咗、快咗好多.  所以仲有時間嘆返個 tea 添!!

下午二時到達會堂等收指示 

我哋要貼上 label 俾婆婆辨認我哋係送糉人

袋禮物有兩隻糉、一包米粉、一條毛巾

出發喇!! 出發喇!!

嘩!!嘩!!嘩!! 五樓呀!! 二樓呀!! 比起上次, 今次呢三户住嘅層數算低架喇... 
難為啲婆婆要成日上落...
  

做完嘢, 嘆個西多士下午茶先!!

等車返企 lu!!  (上次呢兩位小朋友又係挨住呢條欄杆玩架!!)

送我哋去土瓜灣嘅義工就係超爸爸喇!! 

數碼港爆炸??!!

尋晚睇談情說案，劇情出現數碼港爆炸（我都想。。。），小Be即刻話媽咪公司爆炸, 好危險，叫我唔好返工!! 

到今朝, 小Be 知我返工，佢要求我唔好返工，因為佢仲記得尋晚談情說案嘅劇情，佢好驚我返公會受傷，我惟有安撫佢應承佢我去爸爸間公司返工，唔去數碼港，佢先安心咋。

我哋喺港鐵站分手時，佢都提多我一次千其唔好返公司！

Be乖乖!!!

睡相...

小Be 由細到大, 異常反瞓 ... 個睡相仲好奇怪添 ...

睡相一 ~ O腳睡姿

睡相二 ~ 趴地棟腳式睡姿

睡相三 ~ 足球小將 / 凶案現場人形姿勢 (啋! 啋! 啋! 大吉利是!!!)