2010 壽頭日

Happy Birthday to me!!!

唔經唔覺又係我的壽辰日!! 嘻嘻...

今日好忙呀!! 中午同超爺爺飲茶, 下午同婆婆去 tea 一 tea, 順便俾小Be 放下電!! 好幾個月無玩過呢架電單車嘞, 估唔到小Be 嘅控車能力大躍進咗!!! 真係小朋友, 大得好快!!!

得得戚戚個衰樣!!!!  其實都幾可愛嘅!!!

一如以往, 會同父母親大人影相. 不過... 今年... 只剩母親大人... 這個生日有點...

so sweet...  有我同佢哋影低溫馨時刻!!!

我大個啦!! 識叫 "幫我影低佢"!!! so sweet too...

送婆婆返家後, 去咗契爺屋企幫契媽整聖誕吊飾!! 跟住一齊去銅鑼灣食飯!! 噢... 點解有花收嘅?? 超爸爸唔 like 架喎!!!

哦... 係契媽送俾我架!! 好靚呀!!! 我好鍾意呀!!!!

我哋今晚吃天婦羅同壽司, 唔多啱小李 san 吃.  所以叫咗個牛肉定食佢吔!

以下款式都好好味!! 特別係最底右手邊嘅炸蝦餅飯, 真係好好味呀!!!

小Be 食完佢自己個 set墮, 仲要食我哋啲壽司呀!! 真係好似佢生日咁!!!

小Be 第一次攞花就入型入格... 到佢大個咗... 真係無眼睇...

好似樣呀!!! 估唔到... 負負得正! (你唔明我講咩?? 嘻嘻)

開心時刻 ~~ 與友相聚 (11月之星)

又係我哋四友聚嘞!!! 今次主題係11月之星 ~ 燒記同我而吃飯嘅!!! (我哋四人, 兩人係11月生日, 另外兩人係3月生日架)  今晚, 我同小Be 撇低超爸爸, 一齊坐港鐵去銅鑼灣, 是晚食飯地點係世貿5/F.  食物一般, 環境唔錯!!!

睇下! 小Be 一見小龍, 開心到見牙唔見眼!!

小Be 攝影下的可愛小龍

點解喊得咁激動?? 咪係佢要用我部相機影相, 我呃佢俾咗 Sue 姨姨部新相機 ~ G12 佢, 點知隻豬仔真係識分別 G11、G12.  所以咪激到大喊囉!!!

影完呢張相無耐...

見到 超爸爸呀!!  佢帶埋小蛋糕、禮物嚟玩 surprise 呀!!!

噢!!! My dream watch 呀!!!

Thanks to Chiu Baba!!

Happy birthday to you ~ Happy birthday to you ~ Happy birthday to Sil & me ~ Happy birthday to uuuuuuuuu ~~

合家照 ~~ sweet sweet

多謝各位同事!!!

多謝各位同事!!!

上圖張咭同兩個蛋糕係咪好靚呢?? 係我親愛嘅 teammate 為我生日而準備架!!! 好多謝佢哋!! 我呢三年嘅生日都喺佢哋嘅心思下度過... 我真係好開心呀!!!

Team A 嘅合照 ~ 我好鍾意你哋呀!!!

Team B 嘅代表 ~ 多謝你哋對我嘅支持!!!

Team C 同手作仔朋友 ~ 海玲 ~ 多謝你哋對我嘅愛護!!

Team D ~ 多謝 Wendy 幫我清潔啲 "屎" 同 Michael 呢半年嚟默默幫我!!!

Team E ~ 多謝你哋同 Da 姐嘅幫忙!!!

今日嘅生日飯局同迷你生日會令我好開心!! 同驚喜!! (尤其係張 MILK 嘅迪迪尼 3D 封面咭)  我會好好收藏佢架!!!

ah Be 唔開心!!

今朝一早 8:00 撇低未醒嘅 ah Be, 出門口去開會... (我都唔想... 亦唔想佢陪我咁早起身) 

到下午, 喺公司收到超爸嘅 msn.  超爸話今朝佢同 ah Be 出門口時傾偈, ah Be 同超爸講 : ｢我唔開心, 因為mame 唔理我、唔帶我去街、唔帶我去開會、唔帶我去婆婆到、唔帶我返屋企、又唔同我玩... ｣

 我咁大罪... 點算呢???

好彩今日開晒兩個大會, 我可以急急腳放工返婆婆屋企帶佢返屋企, 同佢玩啦!!! ah Be 真係大個仔咗好多!! 有佢自己囓感受, 唔再係一舊飯咁 lu!!!

不文明制度

致X記電視 :

｢可以癈除這每年一度的不文明制度嗎??? 此不文明制度令參與者起碼短夀十年... 泣... ｣

受害人上

補充 : 每年十一月都因要為翌年廣告預定, 而喪開 OT... 搞到我人唔似人, 家不成家... 泣... 真係得個搞字... (仍在 OT 中...)

第一次買郵票

ah Be 由細到大都叫郵局做 ~ 信信局、郵件車 ~ 信信車同埋郵筒 ~ 信信箱.  之前喺畫班姐姐教過何謂郵局、郵筒, 佢開始改口叫番正名 lu.  今日買餸時經過郵局, ah Be 好好奇, 於是我講解一下郵局有啲咩特別, 仲俾咗2蚊佢試下自己用售票機買郵票.

入錢錢 (你夠唔夠高呀 ~ 小朋友??)

攞郵票先, 要大力少少架

佢喺度做咩?? 等找錢呀 ~~

個窿好細, 手指好肥, 好難攞添...

ah Be 唔開心!!

今朝一早 8:00 撇低未醒嘅 ah Be, 出門口去開會... (我都唔想... 亦唔想佢陪我咁早起身) 

到下午, 喺公司收到超爸嘅 msn.  超爸話今朝佢同 ah Be 出門口時傾偈, ah Be 同超爸講 : ｢我唔開心, 因為mamI 唔理我、唔帶我去街、唔帶我去開會、唔帶我去婆婆到、唔帶我返屋企、又唔同我玩... ｣

我咁大罪... 點算呢???

好彩今日開晒兩個大會, 我可以急急腳放工返婆婆屋企帶佢返屋企, 同佢玩啦!!! ah Be 真係大個仔咗好多!! 有佢自己囓感受, 唔再係一舊飯咁 lu!!!

小Be 喺暑假畫班參加咗由  ｢蒲公英(香港)兒童文化中心｣ 舉辦嘅 ｢第四屆世界兒童呼喚和平繪旗比賽 ｣  主題係 ~ 和平的旗幟.  小Be 烏 sir sir 咁畫咗一幅連佢自己都講唔出佢畫過咩嘅圖畫...

喺九月中嘅一個星期五晚, 我收到畫班通知... 小Be 獲得 ｢銅獎 ｣

唔係嘛!! 咁開心??!! 即刻打電話問問心悠媽先!! 好開心呀! 心悠都獲得 ｢銅獎 ｣呀!!  哦... 原來係太公分豬肉獎!! 不過唔緊要啦!! 置在參予, 令小Be 見識、見識啫!!!

到十月尾, 正式收到通知喺12月12日有一個頒獎禮!! 我真係好想睇下小Be 畫咩東東... 去參加比賽... 最後... 我姑且問問畫班姐姐找尋小Be 幅畫過我睇下!!  佢話要試吓搵, 未必有存底...   點知... 若干日後... 真係收到畫班姐姐嘅e貓呀!!!  

登 ~ 登 ~ 登 ~ 凳 

▼

▼

▼

▼

▼

▼

▼

▼

▼

▼

▼

好似幾靚喎!!