多得 Sue 嘅邀請, 令我可以參觀我由細到大都好鍾意嘅一間區內(西區 ~ 我由出世住到嫁人的地區...)名校 ~ King's College 英皇書院. 今年係英皇書院創校85週年, 加上校舍列入古蹟, 所以以古蹟為題作開放日. 由學生帶領嘅導賞團為我哋一一介紹古蹟位置同特色. 而我嗰團嘅黃同學, 佢表現得好好, 有問必答, 就算遇到同團團友嘅奇怪/挑剔問題時 (例如 : 點解呢間課室咁細, 唔整大啲?? 入門口位要落一級嘅? 好易仆倒喎, 叫人整好啲啦!!), 佢都會好有禮貌咁嘗試解答問題.
我哋去到學校, 朋友~Y校長介紹咗 King's 校長 ~ 陳校長俾我哋認識, 我哋傾咗幾句之後, 陳校長就要同我哋分開行嘞. 因為陳校長忙於招待一班1958 年嘅畢業生 (係呀! 係1958年呀!! 所以我係見到一班伯伯囉!!) 然後我哋就跟咗由黃同學帶領嘅導賞團遊學校嘞!!
呢棵無花果樹有成八十年歷史, 不過佢而家有病, 陳校長佢哋會盡力搶救佢架!! 有一點要講一講, 原身校舍(下圖紅磚牆身)部份已列入古蹟, 但花園噴水池因十幾年前改動過, 所以唔可以列入古蹟. 其實個花園好靚、好優雅~~
啲柱係對等架~~
呢啲圓拱型關位都係特色之一
呢位就係黃同學嘞!! 真係要俾個獎佢!!!! 講得好詳細同好 helpful!!!
學校大門都好型, 好 classic!! 我好鍾意呀!!
笑話一則 ~ 喺導賞時, 再遇校長時, 校長問 ah Be : ｢小朋友, 你鍾唔鍾意呢間學校呀?? ｣ ah Be 答 : ｢麻麻哋... ｣
唔係嘛....
囝, mamemo 好鍾意喎... 如果你中學考到入去, mamemo 真係要謝袓~~ 點解我咁鍾意呢間學校?? 我覺得佢係一間平民貴族學校, 大部份學生係內儉、踏實, 唔似一般貴族學校囉...
晚上, 我同 ah Be 去咗九龍城同我可愛嘅契女 ~ 阿豬一家打個邊爐~~ 三個小鬼好醒目, 一坐低低頭係咁食, 填飽個肚仔先話要一齊玩. 佢哋三隻野玩遊戲可以好簡單, 唔使四圍走, 淨係兩張櫈都玩咗一晚~~
佢哋真係開心玩、開心笑架!! 阿妹 ~ 小魔真係好得意~~
喺25/12日, "的" 起心肝試做咗三個簡單嘅筆記簿皮俾 26/12 party 朋友. 最後都成功咗!! 
下次可以車啲花巧啲嘅筆記簿皮俾三朵金花嘞!!! 限期係下次見面之前要完成!!! 但我要快啲修理好部衣車先得....
