超烏龍的一個週末... ... ...

烏龍事第一則

星期五晚

坐的士返屋企

遇著 Be 瞓著咗...

到屋企時唔願起

我同超爸擾攘一輪

最終拖到Be落車

我回望坐位空空是也

關車門

返到家中

超爸問起西裝褸喺邊??

頂... ... ...

百密一疏

西裝褸跌咗落櫈底...

我好內疚...

嗰件係超爸七月在日買嘅 best buy item...

佢好傷心...

只係著咗兩次...

再加當日見完一班人

有好多其他人嘅名片喺褸袋中

佢好擔心啲名片落喺壞人手中...

影響到佢哋...

我呢幾日都好忐忑...

希望的士叔叔會按超爸公司電話搵佢啦...

(我係咪諗得太多呢??)

*** *** ***

烏龍事第二則

早一個月前

契女話佢會有表演@香兒合唱團

我哋一家應承會去捧佢場

契女媽速去買票

尋日係表演日

契女媽話表演地點係大會堂

我話咁要分開去

因為唔順路

第二個電話再傾下傾下

咩要過海呀??

再講下講下...

咩尖沙咀大會堂呀??

大會堂一路都係喺中環架喎...

哦... 原本係文化中心...

(差好遠喎... 阿姐...)

*** *** ***

烏龍事第三則

當我接過契女媽嘅票

一望... 一呆... 。。。( ☉_☉)

點解時間係 2:45 ???

唔係睇 7:45 架咩 ???

契女媽氣定神閒地答 : 唔使驚, 個表演係由下午開始, 可以由2點幾睇到散場架!

我心諗... 咁荀!!!

好!! 你睇過好幾次!!

我信你!! 

到七點幾入場時

我發覺唔多對路...

海報寫明有 2:45 同 7:45 兩場...

問一問工作人員

頂!! 真係買錯咗時間呀!!!

三大兩小齊齊企咗喺度!!

超爸決定一場嚟到

再買過票入場...

契女嗰組~~

契女表演完

喺全埸最安靜時

Be 突然企起身大嗌一聲 : 阿豬 (契女暱稱) + 拍掌

跟住...

咪全場大笑

Be 仲俾其他觀眾人肉搜尋咗出嚟...

Be 即時滿臉通紅

好鬼尷尬...

最後喊咗出嚟呀!!

陰公豬...

中秋節 x 天兔日

中秋節正日(19/9/2013)

好忙

走幾場

下午放工後返屋企同 Be 做功課

然後返老媽家飲碗湯

再到超老爸家做節

最後去 Pat 姨媽家 BBQ

*** *** ***

翌日~追月日(20/9/2013)

參加咗超哥公司嘅迪住尼夜場遊

今次夜場遊係主要目的係 ~ 

帶超老爸同我老媽去一次迪住尼

夜場四點開始

我哋同兩老+超哥姐下午一點幾出發

去咗同老鼠+狗s一齊食下午茶自助餐

唔知點解老鼠+狗s 唔多嚟我哋張枱

老鼠+狗s 一嚟親

隔離附近枱啲小朋友又會衝埋嚟影相

至搞笑係...

啲家長會協助啲小朋友影相

完成唔覺得有問題...

仲要 "Jeep Jeep" 聲俾我哋聽

嫌我哋阻住佢哋影相...

(真係好家教...)

三爺孫

嗰日我同超爸一人推一架輪椅

雖然有啲辛苦

見兩老咁開心

都值得嘅~~

我哋玩到成十一點至走呀!!

攰死... 我...

*** *** ***

天兔日

之前一日

我哋一家神早去咗買餸  

(費事同人迫吖嘛...)

準備慶祝天兔嘅來臨

今日 (天兔正日)

天兔真係一隻食神兔

自家三文魚扒午餐

(巧巧味呀~~)

食完午餐

我出咗去幫插花師朋友手

佢喺 Fashion and mami 個 event 度教插花

我就幫手執頭執尾

準備花材

佢喺台上講解如何插花

我就喺台下幫手指導一下參加者點做

呢啲作品都幾靚架~~

五點幾完畢

我極速歸家~~

是日晚餐

日式火鍋 shabushabu 

好味到唔停得口... (￣∀￣*)ゞ

老老實實

我真係好鍾意天兔(Usagi - 兔) 呢個名

好優雅~~ (要讚一讚翻譯員, 加個天字, 靚晒...)

好可愛~~ kawaii~~

今日一睇報紙登咗香港改嗰啲颱風名...

真係飯都嘔埋出嚟... 

10 個名中, 有... 珊珊、玲玲、欣欣、婷婷... ←_←

唔知翻譯員點將呢啲名譯得靚啲呢??

如果唔係

真係好鄉土味囉... 

(個人感覺... 不喜勿插...)

2013 暑期班活動

由 Be 三歲起

我都會同 Be 報讀一啲暑期班

目的係 ~ 俾佢打發時間、避暑

以興趣班為主

今年加插咗一樣學術科 ~ 數學

上完數學暑期班後

Be 對數字敏感咗好多

仲有亳外收獲 

培養出興趣添!!

興趣班 - 電子昆蟲

(都幾得意, 入電之後會郁架! Be 好鍾意上呢堂)

興趣班 - 小煮角

(Be 指定項目, 一定要參加)

興趣班 - 游泳班

(因國慶船難事件, 令我哋要 Be學識游水一技傍身

超爸給 Be 指定項目, 一定要參加)

雖然 Be 未至愛上游泳, 至少唔抗拒

佢仲話 : 姐姐好溫柔 (圖中) 我好鍾意上堂~~ 

電子昆蟲同小煮角喺邊度上堂??

喺婆婆屋企附近啲青少年中心上

又好玩

價錢又平

魂魄唔齊...

自暑假起

我家少爺完完全全活在自己嘅世界裡面 (大雄... 上身...)

陷入一個腦放假狀態

(如果唔係, 又點會一個暑假肥成六、七磅肉吖...)

將之前學過嘅嘢

一次過 delete 咗...

雖然已經同佢 keep 住溫習...

但佢一啲都無入過個腦...

加上"懶懶蟲"+"多口曳曳蟲"上身...

呢個暑假真係激到我好似個癲婆咁... ...  

好頹...（￣へ￣）

佢完全係挑戰緊我嘅 EQ 極限

嬲到想講粗口 (兜口兜臉醒佢嗰隻...)

當然佢都得到適當、合理、可接受嘅 ~ 體罰啦!!

(唔係虐兒呀吓!!)

佢有幾唔掂當?? 

*** *** ***

腦放假, 例一 :

Be 在做暑期功課時問 : mamemo, 我有個字唔識, T-R-E-E 係咩字? 點讀? 點解??

 真係作死佢吖!! 係咪想死吖!!

腦放假, 例二 :

｢喜愛｣寫成｢起愛｣

｢吃｣ ...  已經唔記得點寫...

*** *** ***

懶懶蟲, 例一 :

唔願做功課或拖住做

懶懶蟲, 例二 :

求求其其做

懶懶蟲, 例三 :

佢可能想"應節" ~ (盂蘭節)

啲字寫到鬼劃符咁...

功課啲字真係好似寫符咁

從未咁衰...

*** *** ***

多口曳曳蟲, 例一 :

一同佢講嘢就駁嘴... 或用嬉皮笑臉式重複我講嘅說話一次或以上

多口曳曳蟲, 例二 :

姐姐放假, 無人湊佢時... 有幾日帶埋佢返工

啲同事見到佢, 問 : Be 返暑期工呀?

Be : 唔係呀! 係媽咪迫我返嚟知嘛!! (+賴皮樣)

(零家教...)

多口曳曳蟲, 例三 :

食飯時, 好似餓鬼咁...

(又係想"應節"...)

話極唔聽...

多口曳曳蟲, 例四 :

出街食飯

個屁股好似生釘

坐唔定或"棟"高對腳...

仲要叫佢唔好咁做

佢偏要做...

*** *** ***

佢啲曳嘢...

真係多到數唔晒...

好似想追返過去七年無做過嘅衰嘢...

*** *** ***

經過我呢三個星期嘅 "杜蟲"

情況開始好轉

腦放假 - 康復中

開始記返少少學業上嘅事...

懶懶蟲 - 由危殆變為嚴重

1. 寫字不再寫符

2. 有點自動自覺做功課+認真

3. 不再拖住做功課 (速度仍比其他人慢...)

**用藥 : 

1. 半鼓勵半恐嚇

~ 當佢做得好時 : 大讚賞

~ 當佢死蛇爛蟮時 : 限時收工, 做唔完自己同老師交代

2. 搵返K2 剛學寫字時啲功課簿俾佢睇
佢自己睇完 K2 啲字, 都唔多好意思...

2. 印仔獎勵計劃 

~ 如能態度認真+字體端正+依時完成功課+溫習

可以2個印仔

隻齊50個

可自選一架車仔 ($30以下)

(雖然呢個方法我唔多想用, 不過都要一試...)

多口曳曳蟲 - 由嚴重到普通

減少嬉皮笑臉/ 軟皮蛇嘴臉/ "棟"高腳

**用藥 : 

1. 同佢解釋何謂 "尊重別人尊重自己"

(佢一格衰, 我就變 "嫦娥"... 尊重別人尊重自己)
2. 要佢用受害人或第三者身份想一想感受

3. 屢勸不聽, 會有肢體處分

 *** *** ***

無法啦!!

撞著個 "奀皮" 嘅...

咩方法都要試...

要設法招返佢個魂返嚟...

如果太耐

好難調教返正常...

保佑我...

囝變囡

上週末嗰三日

Be 飽受手足口摧殘

星期五~日不能進食

只食少量牛奶粟米片

(體重急跌6磅... 由65磅跌落59磅)

星期六朝再睇醫生

何醫生決定加重藥

所以星期六日兩天

Be 出現大昏迷

呢幾日亦係佢咁大個人

第一次出現食藥時扭計, 發皮四...

何醫生代求情

話佢自己都試過手足口病

真係好辛苦

喉嚨真係好痛... 吞口水都痛

所以Be 發皮四係正常嘅...

(其實我都試過兩次免疫系統出錯滿口尾甲咁大嘅痱子

生到落喉嚨椗... 我明嘅...)

好! 既然何醫生出到聲

我忍...

我就有限度俾 Be 扭吓...

嗰幾日Be 除咗特別扭之外

仲特別嗲!!

Be由仔變咗個女

嗲到暈~~ 

瞓都要繑住

今日星期二 (10/9)

Be 復課啦!!

啲功課有排追...

真係得閒死唔得閒病...

陰公... (我)...

開學文具

今年開學

我哋都無咩特別準備

所有文具、書包都係用返上學年的

木顏色筆同鉛筆都係用到短短哋

特別係鉛筆

喺小一最後一日

老師向每位同學派發咗4至5支鉛筆 + 1塊擦紙膠

呢啲全部都係校工在班房打掃時發現嘅失物

所以一次過分配俾返小朋友

今個學期可以慳返幾支鉛筆同擦紙膠

唔置新文具、書包俾佢

係因為啲嘢未爛或未爛到唔用得

想教佢唔浪費

佢亦知啲用品未爛又換新用品

係唔環保

所以佢收到姑媽送俾佢嘅新書包

佢都叫收起

遲啲舊嘅書包爛晒

先用新書包

多口小二生

話說 Be 喺星期二 (開學第二天)

新一年教科老師續一出場

佢話當佢知道小一教佢常識嘅 Mr Lo

會喺今年教佢數學

佢非常開心

開心到亂講嘢...

居然坐喺個位度, 嘟住個嘴同 Mr Lo 講 :

｢Mr Lo, 我好開心喺度見到你~~ 我好掛住你呀~~｣ ←_←'

(佢模仿當時個樣同聲線出嚟俾我睇時, 我都想打佢...)

跟住 Mr Lo 答 : ｢Be 同學, 而家上緊堂, 唔該你正經啲! ｣

Be : ｢哦! 知道! ｣

我聽完佢嘅描述... 真係忍唔住... 汗顏...

喺佢學校... 多嘴係大忌...

唯有同佢講, 下次喺課室發言一定要先舉手

同埋唔好講無謂嘢...

真係滴晒汗...

我們的主題曲~~

早兩個星期的某一天

有個小朋友突然問咗我一個問題

Be 問 : ｢mamemo, 你記唔記得我哋嘅主題曲 ??｣

我  : ｢主... 題... 曲...?? 咩... 主題曲 ??｣

Be : ｢我哋一家三口嘅主題曲, 你唔記得嗱??｣

我  : ｢乜... 我哋... 一家三口... 有... 主題曲架咩 ??!!｣

Be : ｢咪係 "家事香港"囉...｣

我 : ｢吓! "家事香港"... ｣

Be : ｢ Eason 同張學友唱, 電視有播架! 你唔記得咗??｣

我 : ｢哦... 同舟之情...  知啦!!｣

Be : ｢係呀! 以後我哋隻主題曲就係"家事香港", 記住啦!!｣

跟住下一幕係...

佢... 大聲高唱... 

還有希望能前往   還有親善眼光

騰躍於鬧市海港   愛狂舊城窄巷

誰也經歷過迷惘   人間的恩怨幾許已淡忘 ...

手足口病毒....

八月尾起

病君入宅...

Be 近呢一年好少病

點知...

臨返學前一星期

嚟一個氣管敏感

天呀!! 成年無氣管敏感喎!!

搞咩呢??!!

食咗成個星期藥

連抗生素都食埋...

都無好轉呀!!!

點算呀!!

開學了...

*** *** ***

九月三日

(開學第二日)

放學返嚟

做做下功課

叫住話要瞓覺...

(um... 又係懶蟲蟲上身...)

入房睇吓佢

咦! 個樣唔多掂喎...

去瞓, 去瞓...

佢瞓醒之後

一摸佢額頭

好慶... 喎...

咋咋林食藥...

之後就無再燒

*** *** ***

九月四日

放學返嚟

表姐打電話俾我

話佢有啲唔多妥

做做下功課走咗去瞓覺...

手有紅點...

我返去表姐屋企接佢

真係發燒呀!!

最弊傢伙係...

睇開嗰兩位醫生都放假...

諗咗一陣

都係去睇開間診所

起碼有佢病歷吖嘛...

一睇...

醫生確診係... 手足口病毒...

死囉...

好辛苦架喎...

無藥食架喎...

陰公豬...

*** *** ***

上圖 : 氣管藥 ; 下圖 : 手足口+氣管藥

*** *** ***

最新瘦身廣告

二天減五磅 (重點肚腩)

左圖 : 減肥前  ;  右圖 : 瘦身中 (二天後...)