编劇

有日

見到Be 中文書中

啱啱教緊呢課書

問 : "吹嗎?" 點解??

Be答 : 因為"吹咩!"係粗口, 唔可以寫.  "吹嗎?"斯文啲.

我問 : "吹嗎?" 斯文啲?? "吹嗎?"同"吹咩!" 係唔同意思, 下次唔好亂寫呀!

Be答 : 知道!

我問 : 點解你會識"吹咩!"??

Be答 : 我有個同學成日講"吹咩!"! 我哋問佢問題, 佢一定答"吹咩!"

我 : 以後唔好再講"吹咩!", 好無禮貌架! 知無??

Be答 : 哦! 知道...

(我真係... 俾佢吹漲...)

**後記 : 某日, 發現佢已經擦走"吹嗎?"

夢...

最近心情一般

唔多想寫嘢、約會

奄奄悶悶

想重回正軌

但有啲難...

無mood嘢唔講啦!!

臭Be 最近的一個... 夢... 

雨傘

9月28日

個人情緒極度不安

不停流淚...

*** *** ***

9月29日

放工走過銅鑼灣

深深被感動

互不相識

守望相助

親身到場

發現學生知道自己出來嘅目的

好理性

佢哋唔係既得利益者

無名、利、權嘅框框

佢哋嘅想法俾我哋啲大人更高更遠

心感佩服

真係唔落過場睇

唔好搭訕...

*** *** ***

10月3日

心極灰...

都係嗰幾句

有人撐！亦有人反！

各有立場

各不相干

如同信仰一樣

各自各精彩

但請勿涼薄地批評運動中的學生同市民

*** *** ***

請珍惜我們的下一代

片中可見在大是大非下的下一代如何守望相助、團結一致、自律、自重

https://www.facebook.com/video.php?v=10152416843347705

好鍾意呢張小單張

撐起雨傘

我仲好鍾意呢首歌

勁粗口

但真係好正

(未滿18歲者或怕聽粗口者嚴禁進入)

Be 之炒蛋

今年暑假

Be 好多時會做幫厨

洗菜

洗米

打蛋...

開枱 / 收枱 + 洗碗

*** *** ***

今朝

佢自己炒蛋俾自己做早餐

因發雞盲...

買錯咗個 '不可用電爐嘅煎鑊'

要用電陶爐開火

所以我要幫佢開爐

Be由打久蛋至炒蛋一手包辦

Be 之炒蛋作品

佢話好好味喎!!! 

新鮮的禮物

今日

Be 放學回家後

喺學校小食袋中取出~~

"一舊嘢"

包裝極精美~~

Be 向我介紹 :

媽咪, 我有一樣好新鮮嘅禮物送俾你, 我想同你分享

你估下係咩嚟嘅?

我 : 嗯... 係蘋果?

Be : 唔係! 你再估吓!

我 : 係... 雪梨!

Be : 啱嘞! 媽咪, 點解你咁叻嘅?

=.='' (叻??)

Be 話因為第一次午餐派一個生果

(真係好監獄風雲 feel...)

個生果好新鮮

所以帶返屋企

一家人享用

Project WAO

Project WAO (Women As One)
林憶蓮

那英
張惠妹
蔡健雅

*** *** ***

到香港站啦~~

好唔好聽??

OK 啦!!

同行朋友睇咗台灣站

佢話台灣站啲歌好啲

不過

唔緊要啦!!

所有收益作慈善用途~~

我好支持架

小三生活開始了

今個暑假

臭Be 逢星期二至五朝早 (9-12)

上 Pre P3 暑期班

希望佢正式上P3 時

輕鬆啲

嗰間補習社有啲特別嘢玩架

逢星期二 / 五

有魔術表演睇

同教啲小朋友玩啲簡單魔術

臭Be 好鍾意去呢個暑期班

*** *** ***

上星期去新學年簡介會

新校長上場

聽完佢講咗一系列大改革後.... ←_←"

心中第一個念頭係...

xzy@#$%^~&*()** 囉!!

好想知教師同教材配唔配合到???

我就... 配合唔到囉...

最終目的係 : 跑好成績

其他德育, 品格...

唔知去咗邊...

我當初選呢間學校

係因為佢著重德育, 品格

成績好

但唔太多測驗/ 考試

我失眠咗幾晚...

原本係用錢買自由

先讀呢間...

但而家係... 俾錢讀津校...

頂!!!

*** *** ***

今日開始

Be 嘅小三生活正式開始啦!!

一早執好書包

終於...

用咗兩年嘅木顏色

短無可短...

要退役啦~~

除咗木顏色, 鉛筆同間呎係新嘅外

其他都係舊文具

**筆袋底嘅手冊套... 

係由K3用到依家啦...

已經爛爛哋... 應該可以用埋今年

書包... 都係舊嘅...

媽媽會陪你

又越過高山又越過谷

我地會一齊迎接新的挑戰

xzy@#$%^~&*()**

願住保佑!! 阿門...

語言偽術家

香港有一位出名嘅語言偽術家

估唔到...

我家都有一個...

而家嘅臭Be

唔再一舊飯

有反叛思想

好鬼固執（由細到大都係。。。）

佢張嘴仲。。。利。。。

*** *** ***

今晚

我同超爸傾緊偈

臭Be又同我講嘢

（佢而家成日喺我哋講緊嘢嘅時候加把嘴埋嚟）

我同超爸唔理佢

跟住。。。

佢坐埋一邊

低著頭。。。幽幽的自言自語

（但我哋係會聽得好清楚。。。）

慘慘豬地講 : 我好似一隻可憐嘅小狗。。。等主人得閒嘅時間同我玩。。。

←_←’

佢又玩語言偽術。。。

我同超爸對望一眼。。。

我真係想。。。

*** *** ***

有時佢想玩電話或睇電視

佢會企喺我面前

陰陰揚揚

唇讀俾我睇佢想做啲咩

跟住我會用眼神回應佢 : 唔得!

佢會用好柔情嘅眼神 +柔情嘅聲線

答 : 媽媽, 我為你著想, 我唔玩電話(或睇電視)嘞!

/

 又或者佢會咁答 :  媽媽, 我為你好, 所以我唔玩電話(或睇電視)嘞!

嗰一刻

我真係反眼架。。。

*** *** ***

好多時

佢要求。。。玩電話或睇電視或其他

佢會好跳脫咁問 :  媽媽, 我想玩電話(或睇電視), 得唔得呀?

如果我答 : 唔得!

佢陪笑地回應 : 媽媽, 我係講緊相反詞。我係話我唔想玩電話(或睇電視)。。。

大家明唔明

我嗰一刻。。。有幾火!!!

對住佢。。。

真係鬥智鬥力

我每日死唔少腦細包。。。

球迷

四年一度世界盃

Be共睇咗三屆世界盃

第一次 ~ 2006 喺我個肚度睇 (咁都計? 我有睇即係佢有睇)

第二次 ~ 2010 嗰年就嚟四歲, 佢有湊熱鬧一齊睇

第三次 ~ 2014 今年, 好有意欲睇, 日日叫住睇三場!!!

尋日朝六點

一叫即起

今場係佢 Mame ~ 我至愛 ~ 英格蘭 

hoohoohoo~~~

英格蘭 vs 意大利

我點解咁愛英格蘭??

我呢啲假球迷...

內心深處只係想回味一下...

在奶娘懷裡的美好時光囉...

好懷念...

數簿

上兩個星期

考試前的一天 (6/5)

老師將今年的所有功課、功課簿、工作紙派回

我喺當中發現...

臭Be 有一本... 

「數簿」

得個7歲人仔...

就要背住本數簿返學

都係慘慘...

笑爆世界盃重溫!!

2014 巴西世界盃

5小時前開鑼

唔知係咪16年無做過世界盃...

日久生疏...

啲賽前節目差到爆...

超無聊... 勁慳皮...

老實講...

對佢無期望...

今朝...

上 myworldcup 睇重溫...

一睇條料...

大家笑爆!!!

2014 世界盃開鑼賽 : 巴西 vs 克羅地亞

變咗...

2013 洲際盃賽 : 巴西 vs 日本

真係笑爆嘴!!!

真係呢...

香港會好快... 有兩個一模一樣的電視台....

新工作崗位

喺今年4月28日

我已經由公司 Group 嘅大茶飯

轉咗落其下一間公司做返老本行...

其實我難捨做大茶飯個位

大茶位自由度好大

我可以自己一個人做

新老細再俾更大嘅自由度我...

我完全無王管...

咁點解要轉職位??

因為... 我返半日工... 真係做唔完...

我有時都需要支援架嘛...

咁啱舊老細 (即係上任大茶飯老細)

要搵人... (其實都傾咗好耐... 轉... 定唔轉...)

大大大老細叫入房問 : 你想做邊個位??

嗯... 一邊鬼咁自由但無支援... 另一邊夾開... 不過要做回老本行...

嗯... 真係好難諗...

最後因為大大大老細一句:

「新位真係可以返半日搞得掂??」

我... ... 我... ... 係遇強越強嘅人...

(白啲講... 咪就係好勝囉... 超爸都係咁講... )

(不過... 只限工作上...)

我決定... ... 轉!!

*** *** ***

而家... 慘... 慘... 豬... 囉...

個位細咗超過一半...

以前用L 枱... 

而家... 用一字枱...

得... 4呎10吋闊...

連臭Be 都話 :  「媽媽, 你個位細咗好多喎...」

而家得... Amazing Summer fan 陪我咋...

臭Be 幫我裝飾個名牌

唔知佢喺邊處搵到兩張貼紙同兩粒 Blue tape嚟玩架呢??

我要努力向上, 不枉諸君寄望!!! 

感恩! 我仲可以返半日工!!!

手稿

臭Be 返學個文件袋內

成日會有一啲梅菜喺入面

啲梅菜係 ~ 佢畫嘅畫、摺嘅船

同埋一啲只有佢自己睇得明嘅嘢...

五月嘅某一天

我喺佢個文件袋內

搵到一大棵大梅菜

打開一睇~~

咦!! 大茶飯喎!!!

用咗三張功課紙貼埋嘅設計圖喎!!

我好鍾意佢畫呢啲設計圖

佢畫得好仔細

好有心機架!

因為佢喺班主任堂排住畫呢兩張畫 (底、面)

所以嗰兩日都無做功課返嚟...

不過算數啦!!

佢畫多啲呢啲 mind map

佢個腦筋都可以動多啲~~

最新畫功

臭Be 畫功好一般

風格走偏鋒... 另類...

最新一張畫 ~ 端午節

第一張水墨畫

臭Be而家畫嘅畫

好著重眼部表情

佢筆下嘅生命

好多時係用眼去表達主角嘅情感

上圖~ 端午節

佢用咗"腰果眼" ~~

呢張復活節

都好好笑

啲小雞嘅眼都好抵死...

隻隻唔同

呢張...

連企鵝對眼都... 樣衰衰咁... 

常識工作紙的 ~ 華... 蛇...

雙眼炯炯有神~~

今年小二英文閱讀報告

畫嘅畫...

再見瑪莉. . .

2004..05 認識瑪莉

你原本喺隔離組

因靚組頭唔易相處

所以調組到我其下

一年相處

大家關係都算幾好

至少你離開公司後

我哋仍有見面

打後幾年至今

再喺同一公司工作

睇住你拍拖、失戀、再拍拖、然後結婚... 到...

估唔到... 到生b...

你會因為咁而離開我哋...

尋晚

見到像睡公主的你

感覺好痛...

好希望你可以快啲起身

可以同老公、一對寶貝開開心心

每天快樂在一起

我好想好想... 如我哋上星期嘅約定

你坐月時嚟探你同孖B...

*** *** ***

剛剛收到短信

你已經走了

一路好走

唔好帶有牽掛

大家會好好睇住冰生同孖B

孖B 會喺你嘅愛下成長

你放心走...

Mary, 再見!

永遠懷念你~~

有"龍"自遠方來

臭Be 日盼夜盼的愛人

小龍

终於返嚟探親

上上星期五 (9/5)

即刻約出嚟

食個晚飯

我要俾大叔一個"驚喜"

所以無同佢講小龍返咗嚟

我約咗小龍喺地鐵站等

我一見小龍

腳步減慢

小龍緊貼 Be 

同Be 講嘢

Be 開頭不以為然

但越行越唔妥

越行越急

最後擰轉身...

吓??!!

下圖... Be 仲都發現係小龍...

哈哈哈!!!

臭Be 望真啲!!!

係小龍呀!!!

佢自己都忍唔住傻笑...

小龍送俾臭Be 嘅神奇畫板

因為Sil 惡濕疹纏身

醫生驚佢會細菌感染

所以呢兩個星期常入醫院住

我哋決定去佢屋企探佢

臭Be 同 Fi 女 (臭Be 對 Fluffy 嘅暱稱)

最後超爸入嚟煮飯俾我哋食

白色嘅豬骨湯係通叔買嘅

好好飲!!