山竹

山竹走咗差不多一個月

破壞咗好多嘢

好多樹都吹倒了

我屋企附近有一半嘅樹吹倒咗

門前的兩棵洋紫荊係吹斷咗...... 

呢個係我屋企附近的小樹林

樹林消失了😢😢

#山竹

#巨風不再來

我的低能料理 - 椒鹽肉排

今晚試煮新野 — 椒鹽肉排

又OK喎

沾沾自喜中~~

#我的低能料理

高過我

終於...... 都...... 高我 — 1cm 咁多啦😆😆

#我家男生長大了
#我家有個大蕃薯
#我怎麼捨得你咁快大
#12歲是精彩的一年

三號風球下的孩子是個寶

三號風球下

媽媽來電：阿妹，打風呀！我同你買定餸，你放工我叫姐姐拎去地鐵站俾你。

我：好呀！唔該！順便幫我買一舊薑同埋一扎蒜頭吖！唔該媽。

最後變咗3舊薑+5扎蒜頭🤣🤣

老人家始終認為多是好

#有媽的孩子是個寶

S1 生活展開了

轉眼六年過去

小學生活完結

由小學🐔變中學生

踏入求學第三階段啦～～

希望你盡情投入精彩的六年😃

😃

#告別小學雞

#中一生活開始了

十指（趾）痛歸心 ~ 下回 (內容含恐怖血腥場面)

喺撞腳趾第二日

睇一睇傷口

只係微瘀 + 腳甲邊無咗一忽肉

諗住好少事

洗下傷口+貼膠布

等生肉埋口

差不多一星期

傷口已結焦

但傷口仲係痛...... 唔係隱隱痛

係唔郁都痛

所以我手多搣焦 ......

點知爆膿......

原來有個大包生咗喺甲同肉中間......

其實隻甲鬆鬆哋......

所以我要隔住隻甲吱膿

唯有日日清......

救命呀... ...

3D版

上星期六

喺商場搭𨋢時

BaBa 突然問：係咪3D?

我同Be 😳😳

我：吓... ... 咩玩法?? 逆流仲要3D？點3D...... 會嘔喎⋯⋯

仨人對望... ...  然後... ... 狂笑🤣🤣

Marvel 後遺症... ... 

逆流大叔 - 一套70後(男人)真實心聲電影... ...

人到中年真係好容易變成一條鹹魚

笑中有淚... ..

#逆流大叔

#支持真香港電影

#真香港電影

電影

十指（趾）痛歸心

命中注定

每十年一遇

是禍躱不過... ...

我的右中指、右二腳趾都曾經中伏過

今晚自殺式撞腳埋牆... ... 

(其實係... ... 撞咗埋去BaBa 個啞鈴）

左二腳趾... ...

十指（趾）痛歸心😭😭

嗚...... 嗚......

除咗大瘀+腫外

佢仲要... ... 爆流血... ...😭😭

痛到爆炸

洗完傷口

貼上膠布

搵周生

BB來了回帶篇（3）- 初孕產檢

由作小產到產檢足足等咗兩個幾星期

我登記咗公醫院 — QMH

產檢喺我出生嘅醫院 — TYH 做

2005年12月14日早上9:00am

去到登記、抽血、驗尿等一般程序

然後等見醫生

約11:00am 入房啦

原來係... ... 見助產士（其實佢地有經驗過醫生，後談）

冷知識：可能係資源問題，一般公院產檢係唔會次次照超聲波，可能整個懷孕過程只係照3、4次，其中一次係照BB結構。除非一啲特別case ，會有額外次數。唔係次次照，咁會做咩檢查？除咗例牌驗血、尿同埋唔同階段有唔同檢查外，係會「聽BB心跳」，代替超聲波。）

一見助產士

問咗一啲自身同家族病歷後

照產檢第一次超聲波

一落Gel+超聲波

（無得睇BB,只聽到心跳聲，不過都興奮！🤣🤣）

助產士即話：太太，你知唔知「副偈」有好大粒瘤呀？等我睇下有幾大先。

我同Baba 😳😳😵😵😱😱

我：吓！😵😵唔知呀！之前作小產入急症室，醫生話係「副偈」大... ... 😢😢

助產士：唉！而家啲醫生真係... ... 嗯... ...你粒瘤約7cm大，應該屬良性纖維瘤。因為佢係靠血維生，所以會同BB 一齊大。至於位置，有待觀察。唔好擔心。一陣醫生會同你地解釋一下。最緊要放鬆心情。照BB size睇，佢而家有6-7 週。

（公院助產生真係寶嚟架！有經驗又有醫生功能）

我：唔該姑娘。

入到醫生房

又見到助產士

佢準備好文件俾醫生

醫生照稿講一次

醫生：因為你有粒咁大嘅纖維瘤，所以我地會安排多幾次產檢俾你。


預產期：8月6日

我同baba ：好！唔該曬！

*** *** ***

過多兩個星期

第一次見私家醫生—F醫生

F醫生係一個好有醫德、風趣、溫柔、崇尚順產嘅醫生

（我而家都係搵佢年檢）

佢幫我照超聲波

我同Baba 好興奮！

第一次同 Be 👶🏻 見面

佢而家一粒豆咁大

佢嘅診斷同助產士一樣。不過佢講多啲纖維瘤嘅結構我地聽，纖維瘤係佈滿血管，同阿B搶營養，唔好進補，食得太補係益咗個瘤，尤其是蛋白質，忌太多。最緊要放鬆心情，開開心心做女皇。
至於點樣生產，要睇下尾段發展成點先。有咩唔舒服，即刻打電話嚟同姑娘講，我會優先處理。OK?

預產期：約8月3-6日

我：明白！唔該醫生！

*** *** ***

同Baba 、老表姐們傾過

佢地提議我睇多一個私家醫生

幫我預約埋L醫生

佢係而家成日出鏡名婦產科醫生嘅師父

佢有幾間診所

所以四圍走

整個照聲波過程

佢不停打喊路（呵欠😴😴😴）🙄🙄🙄

佢嘅診斷同意見同助產士、F醫生大致相同

其實佢都係好醫生

不過佢太攰啦！

唔想打搞佢

所以我地決定睇佢一次就夠

繼續喺公院+F醫生做產檢

～ 待續 ～

BB來了回帶篇（2）- 作小產

出現2條線之後

開心唔夠三日

醫生都未約到

就發現分泌物異常

帶有血絲

頭兩日不以為然

到第三日發現越來越多

嗰晚去完洗手間

同baba講我想去睇急症

Baba 話好近，行過去（十五分鐘）

我忍唔住碌大對眼👀話：仲行？你係咪整古我呀！（皮質醇爆升）

Baba : 咁... ... 搭.... 搭的士... ...

去到急症室講咗已懷孕

即時入診症室（公院）

問咗啲基本資料，如對上一次幾時嚟經等

然後吱gel喺肚皮

一落超聲波

女醫生：太太，你「副偈」有啲大，比正常大！

我同Baba 😳😳：點解呢？

女醫生：嗯... ... 可能你比較大隻，所以比正常大！

（吓！我五呎三吋高，12x磅，唔算好大隻... ... 啦！）

女醫生繼續邊皺眉頭、邊幫我照超聲波

女醫生：太太，搵左咁耐都見唔到有BB喎！有冇驗孕？

我同Baba 碌大對眼👀，嚇呆咗😱😱😱😵😵😵

我話：梗係有啦！醫生....... 

女醫生：咁... .... 而家有3個可能性

1. BB太細未照到佢

2. 可能宮外孕⋯⋯

3.根本係從來都無！

我同Baba 再碌大對眼👀，再嚇呆咗😱😱😱😵😵😵

女醫生：其實照「內超」係會清楚啲

Baba：咁可唔可以幫佢照？

女醫生：可以嘅。不過，急症室嗰支壞咗，婦產科嗰支無人識用，所以今晚同聽朝都冇得照。

再一次吓！！！😵😵😵（我已經六神無主、靈魂出竅... ...)

Baba：咁我地可以點做？

女醫生：今晚可以留院觀察

Baba : 點觀察？淨係臥床？如果係，就唔留院嘞！

女醫生：係呀！咁我寫幾日假俾你，喺屋企瞓床啦！如果再大量出血就返嚟！

我同Baba 😳😳：哦⋯⋯

回家後囉囉攣入眠⋯⋯

（當年實在太單純、無知....... 居然去咗間出名唔多掂公院😂😂, 仲要無過睇私院）

其實我本人由細到大都喺QMH睇醫生

所以唔多信私院....... (到而家都係....... 固執mode上身)

*** *** ***

即打電話去公院、私家醫生預約

希望快啲有得睇

最快都要兩星期後😢😢好㿗⋯⋯

跟住⋯⋯急電我表姐們

佢地帶我去睇相熟女醫生

陳醫生：以我估計BB 應該仲係好細，約4週，超聲波照唔到唔出奇，唔好急！唔好驚！你照唔到「內超」都唔係壞事。同埋你未必係作小產，可能係清緊啲舊經。就算作小產，現階段都做唔到嘢！放鬆啲，返屋企休息多啲，兩星期後做產檢就可以睇清楚晒！知道未？

個心定咗好多

唔敢同爸、媽講

自己留喺屋企休息

但因為工作關係（又唔講得🤐🤐）

休息咗兩日之後嗰3日都返半日工⋯⋯的士來、的士去... ...

有心水清同事估到

幫我頂減啲工作（感激😭😭）

返到星期五後

之後開始放大假

説好了的泰國之旅（抽獎的禮物）都要泡湯了😖😖😭😭

留在家囉囉攣

打電話俾宅男中醫

話佢知我真係有咗

順便問佢可唔可以去睇佢安胎

中醫話：唔好嚟住，如果個胎係唔健康， 保住佢都無用。免強保得住，但佢唔健康，到時苦了BB。所以到個胎無事先至嚟安胎

聽完佢講覺得佢講得好啱

突然釋懷，輕鬆晒... ...

～ 待續 ～

BB來了回帶篇（1）- 中獎

最近夜晚食飯睇一線劇

勾起我同baba 12年前發生過的事

有時睇到啲似曾相識嘅劇情都忍唔住對望一下

然後大笑

呢段回憶係好好笑

但當時係漫長同痛苦嘅

燃起我想寫返生Be頭兩年嘅生活點滴⋯⋯

*** *** ***

2005年11月20零日

同同事打泰拳兩個幾鐘

某日

陪朋友看中醫，貪得意把個平安脈

宅男中醫皺著眉頭問：最近嚟經未？

我：未

中醫：對上一次幾時嚟？

我：um...... 唔記得......

中醫：平時準唔準？隔幾多日嚟一次？

我：準！不過唔知隔幾多日喎！

中醫（反👀🙄）：其實你係咪女人嚟㗎？！！

我：😳😳 梗係啦😖😖

中醫：你個脈象有啲怪，我而家懷疑你有機會有BB，可能啱啱有，所以脈象未係好出。今次唔開藥俾你，你嚟完經再嚟搵我。

我：吓！😳😳哦⋯⋯

然後同朋友去咗推拿

推推下個肚

推拿師（相熟的）：小姐，你個肚谷谷地，係咪有咗呀？

我：唔係啦！

師：可能谷m, 我唔同你按肚住！下次先按肚。

我：哦！

日子一路繼續過


但日日都作病

月尾食完生日飯

同baba 講起我同中醫丶推拿師嘅對話

Ba：唔係喎⋯⋯驗吓好喎！

我：哦！

一驗

2條線～～ 中奬！🙀🙀

又話唔易嘅！！！

我明明想生豬女🐷架嘛！

～ 待續 ～

中一統一派位

今日

終於到中一統一派位啦!!

我... ... 一路以為我可以平常心

點知前晚同尋晚我都喺三點零醒咗

然後每小時醒一次

尋晚漏夜填咗四份入學申請表

兩手準備

希望用唔著... ...

*** *** ***

今朝全家總動員出動

男 (baba) 嘅做阿成

女 (我) 嘅做管家

同少爺回校攞派位結果

*** *** ***

7:40 am 到校

阿成喺校外 standby

管家喺禮堂等

少爺上課室接派位結果

一眾家長喺禮堂呆等

時間一分一秒咁過去

家長們急到呢... ...

頻頻check 住電話

睇下細路whatsapp 佢未

不停吱吱噚噚

等到8:10 都無動靜

阿成都忍唔住 whatsapp 我

問我知未?? 同埋附近啲學校放晒學啦~~ 

早會鐘嘅鐘聲響起啦~~

老師拎咪發聲啦~~

原來學生啱啱先做完早會

依家開始派派位表

OMG!!!

家長們又再起哄

仲要等?? 要叩門都無時間啦!!

等到8:24

少爺終於call 我啦

語帶失望咁話 : 媽咪, 係B學校呀~~

係咪真架!!

到Be whatsapp 我派位單

我先相信係真架!!

YES! BINGO!!! 我精心計算出嚟嘅派彩結果成真啦!!

成功轉會

呢條數學题 (Probability) 係我一生人計得最準嘅數!!

综合各種線索

B校已喺自行分配學位時收咗Be

我同baba (仲有老師們) 都好開心!! 

雖Be 都幾鍾意 B 校

但佢好想係A校

所以佢有一點失望... ...

應佢要求

我哋都入紙A校叩門

祝Be 好運!!

大手包小手

出世時

我一隻手可以包住你的手掌

大手包小手

*** *** ***

今天的你

可以在人羣中

伸手一拖

將我的手掌包住了

把我從人羣中帶出來 

我家男生真的長大了😏😏

真係唔捨得你大 ... ...

#我家男生長大了

#我家有個大蕃薯

#我怎麼捨得你咁快大

#misstheolddays

員工之子

每一日都會同臭Be 傾下偈

學校丶生活趣事丶新聞丶上至天文下至地理同鬼古(佢近期愛上了)

今朝早

二人攤喺床度又傾下 

(自上小一起, 每年六月初大考後至八月尾係一年之中最美麗嘅親子時光)

同Be傾吓佢嗰班嘅WhatsApp群組

平日傾啲咩內容架呢？

Be：平日呢... ... ... ... ...

mamemo：哦... .... 哦.... ... 哦... ... 咁搞笑... ...

Be：尋日, 有同學將會轉電話no. ，叫admin 加返佢入嚟！admin同埋其他同學個個都回覆'nobody cares'，好好笑！

mamemo：佢咁慘 😂  😂

Be：仲有就係傾吓打online game 啲嘢！←_← (戲肉嚟啦......）有乜乜game 同乜乜game (下刪百字） 不過，我無乜乜game喎！我可唔可以download 呀？

mamemo：吓！ 梗係唔得啦⋯⋯

Be：媽咪，作為xXXx其下員工個仔無download 個game, 即係唔支持公司啦！係咪？

mamemo：我唔覺喎！要公還公，私還私～～

故事應該... ...  

完～了吧～如無意外～～

鴨脷洲口音

小六最後一個考試

如火如荼進行中

學校一直安排

星期四丶五 + 一、二

中段回一回氣

（我好鍾意呢個安排）

小三第一次轉校長玩新嘢

測驗連考三丶四天

大人丶細路吃不消⋯⋯

好快轉回正常運作

*** *** ***

今晚

有位中童讀緊佢最鍾意嘅GS

我問題目

佢口答

我囗痕問：xxx(答案)點串?

中童答：starvatio_ 🙄🙄 （好明顯係同佢阿娘玩遊戲⋯⋯）

我：咩口音呢？點解咁串？

中童答：鴨脷洲口音囉！你唔係唔知呀～～媽咪... ... 

（懶得戚地笑）

只可以講中童已日漸長大

唔會再任阿娘搓圓撳扁丶任人魚肉了......🤔🤔

中學學位分配

躲也躲不了系列... ...

眨下眼六年過去

原本以為離我好遠

四月中要填學位分配表

由派表到交表

過程只係一個星期鬆啲

chiu ba 喺呢個星期出差

只有我一個返學校聽講座、填表 (交正式表前, 要交一次(初版)俾班主任睇睇) 

好大壓力... ...

我驚揀錯咗... ...

因為校網女校多

中上/中等男女校少... ... 男校更少... ...

所以每晚等Be 瞓咗

同chiu ba 略傾完之後

都呆諗幾小時

去到死期至交到份初版俾老師過目

老師微執後派回

到chiu ba 回歸

我要佢自己排一份

然後對比一下大家嗰份表格次序

有咗共識!

交表~~

祝 Be 好運!!

小六常識小組專題研習

小六GS Group Project又嚟啦!!

今年主題係 ~ 環保概念

所以佢哋決定做一個環保車庫

今年好好彩

無家長插手呢個 Project

不過佢哋嘅 time management 同人手調配有待改善

5月20日約咗一個同學仔 ~ 班長喺 mega box 做模型

約好10點見

去到一望

嘩! 好開心呀! 無家長在場

我幫佢哋將啲板割好

就同Chiu ba 去嘆早餐同行街

兩個幾小時過去... ...

返去望下佢哋

吓!! 點..... 解...... 好似咩都無做過嘅??!!

兩人投訴膠水黏唔實又難乾... ...

我終於要出手啦... ...

叫佢哋去搵牙籤

幫佢哋喺板中加'榫'位

再用白膠槳黏實

呢個時候班長媽媽都返嚟

都嚇咗佢一跳

點解係原地踏步嘅... ...

於是

我哋問佢哋想點佈置個模型

仲有咩材料需要買?

然後班長媽媽去樓下書店買材料

Chiu ba 教佢哋駁太陽能板加燈膽

加咗榫位佢哋就好容易裝好個車庫

中間我同Chiu ba 都去咗$12 店買材料 (抵啲嘛!)

經過佢哋一輪Turbo 

加埋我哋3位家長嘅監督

終於喺下午4點幾完工

聽日 (5月31日) 佢哋要做 Presentation 啦

  

4個同學仔都用不同理由推辭唔寫自己嗰部分嘅講辭

一直保著｢ 人人為我、我為人人 ｣精神嘅Be

一口氣寫咗5份講辭稿 

希望佢聽日報告成功!!

為小六生涯畫上完美句號~~