怪物(蚊難)小王子

2008年6月9日星期一

2008 日本之旅 ~ 第五天

行程 : 品川 -> 橫滨麵包超人館 -> 品川水族館-> 池袋 -> 無敵家 -> 酒店

嚟到今日, 要同其他同事講 bye-bye! 因為五天團將要結束. 我哋一家亦正式離團. 同 Sue 食過早餐之後, 我哋即刻坐特急去橫滨嘅麵包超人館去也... 小Be 開始出現疲態, 坐唔夠一半路程就覺覺豬. 今日天氣麻麻, 天陰有大雨...

約十一半去到爸爸好鍾意嘅麵包超人館. 小Be 好似聞到浸 "除" 咁即刻彈起身. 我哋非常雀躍同開心, 周圍行. 不過, 小Be 又鬧情緒, 有啲失控同唔肯影相. 我哋睇咗好多嘢, 同埋玩好多遊戲, 仲睇埋麵包超人劇場. 跟住去咗玩大波波. 真係快樂不知時日過, 成三點半先去餐廳食 tea 當飯... 我哋買咗4個唔同人物嘅麵包同特飲慢慢歎!!!

跟住嘅節目梗係 ~ 喺場內 crazy shopping 啦!! 成五點先離開!!! 買咗啲咩?? 有雨褸、幾件衫、玩具同文具添!!!

跟住又係坐特急返品川, 小Be 又係瞓著咗. 我哋返酒店前仲去咗品川水族館睇魚同睇海豚表演. 海豚表演比香港嘅海浪公園嘅規範大好多!! 都幾好睇架!! 跟住返酒店攞返啲行李轉去池袋嘅酒店 ~ Grand City Hotel. 一出池袋站, 我哋 turbo 腳去無敵家吃拉麵, 我覺得ok 啦! 又唔係傳聞中咁好味囉 ... 失望中... 最後, 我哋拖住行李, 掟住小Be 去新酒店 check-in. 小Be 梳洗完, 好快就瞓咗

, 爸爸去便利店買我至愛 ~~ 雪糕三文治俾我吃 (可惜香港無得食... 泣...)

到喇! 到喇!! 到咗橫滨嘅車站喇!!

買入場卷先!! 爸爸個樣幾興奮!!!!

不停玩!!不停玩!!

食咩呀你????

睇咩睇得咁入神??? 咪麵包超人劇場囉!!!

咦! 佢做咩呀 ? 掉轉玩嘅!!!

我好鍾意嗰杯有星星菠蘿嘅特飲, 好味道又靚靚!!! 爸爸杯咖啡都好靘架!!!

2008年6月8日星期日

2008 日本之旅 ~ 第四天

行程 : 品川 ->東京迪士尼樂園 -> 品川

今日去嘅遊點係呢次旅行重點之一 ~ "凳,凳,凳," 東京迪士尼樂園 ~ yeah!!! 一早起身, 約10點到達樂園, 但天氣認真麻麻哋, 天陰可能有雨, 個唔專業嘅導遊離晒譜, 游說我哋天氣唔好早啲走 (6點), 我同爸爸決定唔跟佢(又一次離大隊, 哈哈!!). 未入樂園小Be 已相當興奮, 周圍走, 完全失控!! 喺大門口我哋見到木偶! 梗係影返張相先啦! 到正式進入樂園, 人流都幾多,

第一個遊戲係 "小小世界", 小Be 坐船仔睇得好開心! 跟住玩旋轉木馬, 去Toonland 到逛吓, 呢度排吓隊, 嗰度 hea 吓, 食吓雪條. 到12點零就食午餐, 午餐就係食 - 熱狗!! 小Be 食得好開心, 因為有佢最心愛嘅 ~ 薯條囉!!

下午我哋去玩 Adventureland坐火車,坐船船, 令小小Be 早早入睡 (因為佢今日好扭計又頑皮, 唔肯行,唔肯坐BB車, 好麻煩). 趁佢瞓著咗就諗住食番個tea, 點之 ~ 小Be 好似聞到飯香, 立即醒咗! 跟住玩"白雪公主"抖一抖 ~ 點之原來好鬼恐怖架! 啲場景有90%以上係巫婆做主題... 嚇到小Be 大喊一輪, 仲叫驚驚 ~~ 下一場我哋去咗 Shopping.

小Be 今日超扭計, 唯有同佢玩多次旋轉木馬, 又去 Toonland 坐超低b嘅 Toon car... 仲喺Toonland 玩咗個遊戲, 然後我哋去咗睇 Parade, 小be睇得好開心, 仲話靚靚 tim~~

但似乎小Be 已經到咗極限, 唔肯玩 Winne the Pooh ... 當我哋坐喺架 Pooh Pooh 車嘅時候, 小Be 唔肯坐低同攬到我實一實, 大喊叫"驚驚", 成車人望住我哋一家三口, 我同爸爸咪面朦朦咁落車囉 ... 最後去咗樂園入面嘅 UCC Cafe 食晚餐, 小Be 食晒成個晚餐 (甜品除外)

10 點鐘, 當然係坐小Be 最鍾意嘅"鐵鐵"打道回府 . . . (明天待續.....)

在樂園內遇到嘅卡通人物

影夠未呀!! 仲要等 ...

世界真細小...小...小... 小得真奇妙...妙...妙 ...

轉轉轉, 好好玩

媽咪mo, 條雪好凍喎 ...

Pooh Pooh ~ 我篤~篤~篤~~

爸爸, 我要食呢隻特特...長熱狗, 好味道!!!

食完薯條喎, 點呢!?

小Be 學大人做嘅 ok 手勢 ~ 超搞笑!!

米奇下午茶, 好味道!!

明治奶奶, 好味道!!

型唔型?

呠呠~~

Disneyland 嘅 UCC Cafe 兒童餐

2008年6月7日星期六

2008 日本之旅 ~ 第三天

行程 : 品川 -> 五反田 -> 品川 -> 渉谷 -> 代官山 -> 新宿 -> 品川

今朝一早（7:00am）爸爸人肉速遞自己到酒店，小Be 被噪醒咗，佢見到爸爸以為發夢，所以直刻瞓返．我哋成十一點先出門口，然後去 Mc奴奴食我最鍾意嘅蝦漢堡，小Be 食魚柳飽，至於爸爸呢～同我一樣囉．跟住我哋就去咗五反田車站嘅 Akachan shopping啦，不過今次我都好控制我自己，只係買咗好少嘢 (其實係４月喺大坂嗰時買咗好多)，今次我哋無用到送貨服務，所以要攞啲嘢返酒店．下一站我哋就去咗涉谷慢慢行去代官山，途中小Be 仲好嘆咁瞓咗個晏覺．我就趁呢個機會去買衫．等小Be 起身我哋就食咗個好好味嘅tea，跟住四處行，hea到７點幾就下山，我諗住橫豎都留咁多日，咪行咁多要留力，所以早啲返新宿，但因為約咗幾位 shopping 小姐9點去Don Don食烤肉，唯有早啲去等位啦，點知都要等到９點半先有位～～Don Don真好味！！

蝦漢堡～～Yummy Yummy!!

在Akachan 店內玩玩具

超級戀上JR

代官山 ~ 超好味下午荼

漫遊代官山

濠哭於代官山

嚴重癡戀火車類的交通工具

奇怪的睡姿 ~ ~

2008年6月6日星期五

2008 日本之旅 ~ 第二天

行程 : 富士山河口湖 (靜岳溫泉酒店) -> 和平公園 -> 御殿場 Outlet -> 河口湖 -> 水晶&花館 -> 富士山觀景台 -> 新宿 -> 品川

我同小Be成晚都瞓得唔好, 啲床舖又硬又嗅, 間房又臭. 一早就要起身(7:00am 嗰隻), 無無聊聊咁食早餐, 跟住去咗富士山腳嘅和平公園觀光, 然後就去咗個outlet shopping, 不過我就唔敢買太多, 因為o黎緊仲有8日溜溜長, 驚買到傻 ..... 所以只係同小Be 周圍逛吓, 買少少. 跟住又去咗食飯, 嘩! 俾$24,000 yen, 居然俾隻無味嘅魚生船我哋, 當我哋係水魚呀!! 千其唔好跟 "永X旅遊" (如果唔係公司團, 真係"產爆"佢).....

跟住啲咩舖到睇水晶同花, 又去咗富士山腳影富士山相囉~~ 跟住又長途跋涉咁坐車出新宿, 去到新宿已經係5:00pm 啦! 當然係一落車鳥四散啦! 同jasmine去咗行伊勢丹, 小Be去到玩具部, 居然攞咗個購物籃掃貨, 佢嘅奸計當然唔會得逞啦!

9:00pm 我哋7個人就去咗食shabu shabu, 味道都ok 啦! 一定好過嗰啲所謂團餐啦. 然後返品川嘅酒店.

型嗎?

喺和平公園同姐姐走..走..走...

喺和平公園門口買粟米湯 (人哋入錢佢等找錢!!)

嘩! 媽咪mo, 妳買咁多嘅!!!

喺咩水晶舖門前嘅靚相 (my friends)

喺富士山腳影嘅富士山相

喺伊勢丹入面嘅百厭相

喺新宿歌舞伎町一番街嘅相

2008年6月5日星期四

2008 日本之旅 ~ 第一天

行程 : 香港國際機場 -> 東京成田機場 -> 富士山河口湖 (靜岳溫泉酒店)

今日係我帶小Be去東京旅行的第一日

, 好有挑戰性呀! 因為爸爸因工作關係要喺後日 (7號)先飛過嚟join 我哋! 好刺激呀!

好彩有我嘅同事們幫手, 我可以順利帶小Be到成田機場.

今朝清晨5:45就要同仍睡夢中嘅小Be著衫著鞋, 跟住爸爸幫我哋攞行李上的士, 6:45我哋就到達機場, 辦好所有手續, 就去食早餐同周圍 hea , 8:45上機, 跟住小Be 就覺覺豬~豬至差不多落機. 到達成田機場, 馬上去便利店買糧食補給, 小be仲喺我俾錢嘅時候, 遞上一套飛機玩具, 盛惠1,700yen, 唔該! 諗唔到小Be 人仔細細, 一到步就識得shopping.