K1 親子香港動植物公園遊

小Be 學校舉辦咗親子香港動植物公園遊,  我喺一點四十五分到學校, 老師邀請我入課室睇下小Be 喺學校嘅生活, 嗰日唔使上堂, 小Be 只係攞住啲玩具同同學仔玩.  佢一見到我就好開心咁笑.  然後帶我睇佢個課室, 又介紹佢啲勞作作品.     

家長們喺兩點鐘先後到達課室, 同自己個小朋友去洗手間, 然後老師講解一下行程同派發小吃.  小Be 已經識得自己收拾自己物件入書包喇!!   http://hk.video.yahoo.com/video/video.html?id=1779309(睇唔倒, click 呢條 link啦! 唔該!!)

個行程係 ~ 第一站溫室 -> 鳥籠 -> 獸籠 -> 噴水池公園 (影相和吃茶點) -> 回校解散.   兩點十五分坐學校巴士出發.  小Be 第一次坐自己學校嘅校車, 佢好開心同興奮. 

第一站係 ~ 溫室, 小Be 話啲花花好靚, 要同佢影相喎. 

呢位係小Be 同車兼同班嘅女同學 ~ 卓嵐.  卓嵐爸話根據保母車黃太所講, 佢哋兩個好好朋友架, 小Be 仲好照顧卓嵐添...

跟住我哋去鳥籠睇雀仔, 小Be 都俾啲大雀仔嚇親, 因為啲雀仔叫得好大聲...    http://hk.video.yahoo.com/video/video.html?id=1779324 (睇唔倒, click 呢條 link啦! 唔該!!)    

再行埋獸籠睇馬騮、猩猩、大草龜同浣熊等動物, 我哋就喺噴水池到休息, 小Be 同其他同學仔唱歌影相, 好鬼開心!!

同卓嵐有幾 friend?  唔多講啦!! 睇下面哩幾張相就會明架喇!!

~ 行程完畢 ~

後記 : 活動中, 同小Be 嘅兩位班主任傾開偈, 佢哋都話小Be 上堂好多嘢講, 有時周圍走, 仲有啲唔專注添... 咁點算呢... 好難搞架喎... 點算好呢???

第一次吹口風琴

經過一年半嘅星期日 playgroup 課程, 小Be 已經由一個一歲半鬆啲嘅 BB 成長為三歲鬆啲嘅小朋友, 所以我哋喺9月27日正式為星期日 playgroup 課程劃上句號!!  將課程轉到另一個興趣班 ~ 口風琴.  由上星期日 (11月8日) 開始, 由易老師教授 + 四個舊 playgroup 同學仔一齊上堂!! 有一樣唔同嘅係 ~ 無需家長陪同. 

第一堂 ~ 教五線譜、高音符、C 音調

小Be 第一次試吹口風琴, 由易老師教睇譜.  第一次彈都 ok 嘅...
http://hk.video.yahoo.com/video/video.html?id=1767134 (睇唔倒, click 呢條 link啦! 唔該!!)

打開個琴上堂先!!

易老師教緊何謂五線譜 (喂! 小朋友專心啲!! 唔該!!)

係咪似模似樣呢??  最弊係... 一睇就知手勢唔啱兼擺錯位啦!!!

上完堂之後, 我問佢鍾唔鍾意彈口風琴, 佢話鍾意呀!! 仲主動攞琴出嚟溫習添!! 希望佢唔係三分鐘熱度啦!!!

大茄!!! 路人甲乙丙!!!

今朝坐車無無聊聊咁上 facebook

發現小Be 老師 upload 咗啲｢大雞肉活動｣相. 

當堂人都醒晒, 即刻碌入去睇睇!! 

一共有29張相

心諗快啲睇、快搵, 睇下小Be 玩緊咩先!!! 

一睇 ~ 唔係嘛!!!  29張都無佢嘅!!! 

再由尾睇番上頭!! 都係無!!!! 

點解會咁架!!  

佢梗係掛住玩唔影相啦!!!

於是, 我再接再厲咁搵多一次!! 

卒之俾我搵到啦!!! (破涕而笑 ) 

大家唔使驚!!! 

唔使搵放大鏡睇嘅!!! 

只係要考你少少眼力啫!!!

見唔見呀?? 

右下角嗰個大茄就係 佢喇!!  

係咪唔係好覺眼呢!!!

哩張呢! 紅圈內嘅路人甲乙丙就係佢喇!! 唔係佢阿媽都真係會認唔出架!!!

校園哈囉喂

上星期五, 小Be 學校有萬聖節活動, 所以唔使著校服返學, 學生可以自行決定扮鬼扮馬或著便服返校.  原本我買咗一籃棉花榶, 打算俾小Be 帶返學校同學仔一齊食... 但大頭蝦嘅我... 居然唔記得帶返屋企呀!!! 

我只好準備另一盒朱古力餅仔俾佢帶去 party 食.  我又問小Be 扮唔扮鬼扮馬?  佢堅持話唔要... 我惟有幫佢著咗件應節顏色嘅衫 ~ 橙色衫返學啦!! 後尾我發現小Be 個書包有好多糖果喎!! 應該係同學送嘅!!!

星期日, 老師已經 upload 咗啲相上 facebook... 真係好快呀!! 依家啲老師真係好忙架喎!! 一睇相... 唔妥!!

大部份嘅同學仔都有扮鬼扮馬喎!! 下年要做足準備先得!!!

估唔到啲佈置都幾認真架喎!!!

呢張相只係1/3 班人影架咋!!!

呢張應該係全班相.  我有問過小Be 喺 party 度見唔見到有公主, 佢話見到呀!! 原來真係有架!!! 仲有超人、雞雞、巫師呀!!!

呢包糖係老師派嘅, 小Be 好珍而重之咁攞出嚟食!!! 仲不停同我講話係老師俾佢嘅...  Trick or Treat???

~~完 ~~

今朝一早起身, 我就遇到一個開心嘅笑容, 呢個可愛嘅開心笑容係嚟自小可愛 ~ 小Be

sweet! sweet!!!  見到佢笑真係人都爽啲!! 醒神啲!!!!

哈哈!! 因為呢個笑容, 我今日有好大嘅推動力返工啦!! 開工大吉!!!

小Be, 媽咪多謝你呀!!

俾大家睇睇佢嘅開心笑容, 希望大家今日順順利利!!! 呵呵!!

呢張唔關事, 佢只係等緊車啫 (*´ｪ`;)

OT...ing...

仍然係 OT...ing... 等緊阿妹嘅 data... 等到好似隻... 咁 ... ... 等到謝晒皮... 

今日係死期!!! 但連基本嘅 raw data 都未有... 真係我嘅死期到!!! 等到花兒也謝了

成車大象、長頸鹿、熊仔喺我眼前飄過...  唔係嘛... 唔通回光反照??!!

幾點先可以走 ?? 天曉得 ???  泣...

小Be 早抖!! 唔好等媽咪mo喇!!

聽朝見!!! Good Night!!

阿妹, 加油!!!!!! (我知你已經好努力... 但我年紀大... 機器壞... 等唔得幾耐... 我可能會行先過你...)

同事 D小姐同 J小姐仍在商議中．．．

睇唔睇倒仲有幾多人喺度呀？？？？？？

我不是一個人住

由上星期中起, 開始出現勁 OT 嘅情況... 其實每年嘅呢個時侯我都會好忙, 所以我同超爸爸都已經習慣咗 (超爸爸係習慣咗我咁夜先返屋企 ... 泣 ).  好彩我同爸爸都做同一個行業, 好清楚知道忙起上嚟可以有幾癲!! 如果唔係, 跟本無機會結婚添啦!!  所以大家每每OT 都無咩情牽掛.  但自小Be 出世後, 我就叫做有少少牽掛啦, 佢係勁癡我架嘛!!  引致我都改變咗我嘅 OT 態度 ~ ｢如無必要, 謝絕任何 OT、向磨爛蓆說 "不" !! ｣    ￣へ￣

之前, 一路以為小Be 只係要我喺佢身邊陪住佢就夠, 但到咗今朝我先知佢唔止要我陪佢咁簡單, 仲要顧及佢心靈感受, 要用多啲時間同佢溝通多啲先得架!!  話說今朝早我沖完涼, 入廚房準備沖奶佢飲之際, 我聽到小Be 大喊, 出廳睇睇, 原來佢瑟縮一角喺度大喊, 我問佢咩事? 佢只係攬住我搖頭, 我繼續問佢, 佢只係喊 我又問佢係咪唔見我, 佢答係, 跟住佢又話尋晚見唔到我, 我又唔接佢返屋企喎... 問我點解好多日都唔帶佢返屋企?? 去到呢個位... 我個心有啲酸... 小Be 雖然物質豐富... 但媽咪同爸爸唔可以早放工湊佢, 佢每晚最早都要成九點鬆啲先返到屋企... 同佢傾一陣偈又要覺覺豬喇... 而家小Be 已經大個咗... 有自己嘅思想... 唔可能唔理佢嘅感受... 我突然發覺我不是一個人住... 我有超爸爸同小Be!!  幾忙都要同佢哋溝通溝通... 好啦!! 小Be, 媽咪mo 會俾多啲時間你!!! 你唔好唔開心啦!!!  今個長周末陪返你夠本啦! 好唔好??? 

唔好意思!! 我唔係成日都咁忙, 要晚晚 OT 嗰隻... 不過都唔係準時六點鐘可以收工嗰種...  (*´ｪ`) 平均係 (盡量) 七點半嗰隻, OK 啦!! 只係路途遙遠咗啲啫!!!  我唔係投訴, 只係覺得小Be 好陰公豬... 佢嘅世界好簡單... 只係需要爸、媽嘅愛同時間, 佢就會好開心.  點解... 佢咁簡單嘅要求, 我都滿足唔到佢呢... 囧  依家諗返起, 我嘅童年不富有, 但我開心、快樂, 至少我有媽媽全職照顧我嘛!!! 以前嘅小朋友幸福好多!!!

同佢撘車, 佢都可以鬼鬼馬馬嘅!!!