暴風後的溫情

雖然颱風 ｢韋森特｣ 已經走咗,,, 不過... 可憐嘅樹木慘被佢嘅威力蹂躪、摧殘... 

今晚放工返到屋企已經差不多十點, 落小巴後至發現領野...

路邊有幾棵大樹俾 ｢韋生｣吹倒了... 成條行人路都俾大樹瞓覺...

唯有硬著頭皮行出馬路邊 (都算快速公路...) 急急腳行返屋企...

返到屋企成身濕晒...

ah Be 一邊拖住我, 一邊話: ｢媽咪, 你跟我嚟吖!｣ 

我問 : ｢去邊?｣

ah Be 一邊拖我入洗手間, 一邊話 : ｢我要幫你吹返乾個身呀!｣

跟住佢要我坐喺厠所上面, 然後攞咗支風筒出嚟同我吹頭同個身~~

真係開心死我... 不枉我當初冒險生佢, 真係值得架~~  

ah Be, I love u too~~ 

相象之旅 ~ Yahoo X Bom City

7月14日, 應 YAHOO 邀請去咗Yahoo X Bom City 嘅相象之旅, 玩吓 FUJI Film 部即影即有相機 (我好鍾意玩即影即有架, keke~~ 開正我嗰範), 然後小朋友要做一本屬於自己嘅私人相簿.

當日個舞台 (啲小朋友會分為八對, 一對對出場, 每對扮一個國家~~  分上下兩埸, 每埸有四對小朋友上台, 另外嗰四對小朋友會喺台下用即影即有相機幫台上小朋友影相)

主持人~~ (後面嗰位黃衫先生係 Bom City 嘅老闆)

呢位係 M.T. 叔叔 (粉紅衫者, 佢係影即影即有最多嘅世界紀錄保持者) 佢喺度教我哋點用即影即有相機

ah Be 係上半場最後出埸嘅 ~ 印度小朋友~~

牙擦擦~~

卒之到下半場~~ ah Be 化身為龍友 (沙龍之友)

ah Be 好開心, 影到笑哈哈~~

揸起相機似模似樣喎~~

影到單起隻眼... 咪起個嘴~~~

ah Be 的作品~~ 每部相機有十張相紙.... 唔知點解 ah Be 嗰部出得七張... (好戲在後頭...) 我哋將呢七張相分返俾相中嘅小朋友

點知...當大家交換相時發現,印度組係一張相都無... 因為係最後一組, 所以無晒相紙影呀!! 咁我哋嚟做咩呀?? 我點做相簿??

最後, 好彩 M.T.叔叔有影咗兩張印度相又幫 ah Be 補咗幾張相, 再加超爸向工作人員借部相機影多兩張相, 先夠相做 '相像之旅" 相簿咋~~

(M.T.叔叔, 唔該晒~~)

剪剪貼貼~~ (最後緊係我執手尾啦~~)

ah Be 好似好認真咁喎~~

完成啦~~ ah Be自家製 '相像之旅" 相簿靚唔靚呀??

小朋友大合照~~

玩完'相像之旅", 我哋喺 Bom City 逛咗個圈, 個場好似台灣嘅 Baby Boss (ah Be 好鍾意玩Baby Boss 架~~) 不過, 好似未完全開晒啲職業, 所以好似無 Baby Boss 咁多種職業.  如果價錢唔太貴, 可以一試... (我個人認為小朋友要4歲或以上先識玩呢啲職業遊戲, 同埋佢哋要成4歲先識得享受過程同認識每份職業嘅特質)

警察車

嬰兒室

仲有牛奶牧場、救傷車、急症室、修甲中心等等...  有機會下次會嚟玩下~~

~~多謝 Yahoo! 小編同大會嘅邀請~~  我好鍾意玩即影即有架~~~

FB分享http://www.facebook.com/#!/media/set/?set=a.392539287461669.78186.370780189637579&type=3

*** *** *** *** *** *** *** *** *** *** *** *** *** *** ***

離開 Bom City 行去奧海城食下午茶, 跟住坐東涌線出發去迪迪尼

同車仲俾我發現坐我對面嘅老伯係~張英才呀~~ 我仲叫ah Be 叫佢同揮手, 張伯伯好有禮貌咁同我哋點點頭, keke

老迪車呀

其實我哋係去迪迪尼嘅好萊塢酒店同Hayden慶祝生日, 食buffet~~ 未搵到 Hayden, 我哋同 Jaden 喺花園跑吓~~

Javin 弟弟, 好鬼重手架佢~~

同米奇的合照~~

阿伯食雪條呀... (俾成兩舊幾水...食雪條... 蝕...本...)

欲知 Baby Boss 係咩東東, 可到以下網址睇睇 :
2010台灣親子五天團 ~ 第四天

ah Be 的幼稚園生活 ~ K1第一天和K3最後一天

好唔捨得.... 

終於嚟今日嘞~~

2012年7月17日 ~ ah Be 最後一日的幼稚園生活...

佢將要離開快樂的幼兒期
(我會盡力將ah Be嘅快樂童年延續落去~~ 因為我相信快樂童年係人世間最真貴嘅禮物...)

由九月三日起, 佢會踏入人生嘅第二階段 ~ 正式成為一隻"填鴨小學雞" (我都唔想佢... 咁...)
(我一定唔要自己成為"怪獸家長", 我要ah Be 有愉快學習 )


今日睇返 ah Be ~ K1 第一日返學嘅相片, 我有啲感慨... 有啲激動...

我好想同 ah Be 講 :

K1第一天和K3最後一天的ah Be, 整個人有很大的分別~~
但在媽媽的心中，您永遠是媽媽的一塊肉。
無論您將來是一個怎樣的人，媽媽也會很愛您！
媽媽對您沒有很大期望，只希望您能做一個光明磊落、有同理心的人！
 同時亦要做一個快樂人！

與爺對話

有日爺爺同ah Be傾偈,

同ah Be 數ah Be去過邊到旅行.

爺爺數完之後,

同ah Be講 : ｢你都去咗好多地方喎! 日本都去咗幾次!｣.  
跟住大伯父話: ｢係囉! 你真係去咗幾多地方喎!!｣

ah Be 好誠懇地答 : ｢唔係呀! 我仲有好多地方未去架! 英國未去, 美國都未去....  ｣

 爺爺同大伯父即時唔知點反應...  

亮化詞語

近呢兩個月, ah Be 講說話技巧又進一步.  好多時會避重就輕, 又或者亮化一啲詞語, 美化咗成件事.

例子一 : 做功課寫錯生字時 ~ ah Be 會自言自語講 : ｢弊家伙!! 寫錯咗, 等我攞"魔法擦紙膠"出嚟變走個字先得....  ｣  ~~ 魔法擦紙膠... 個名真係好得體呀...

例子二 : 夜晚刷完牙, 我耐唔耐會檢查一吓佢刷得佢乾唔乾淨.   有晚要檢查佢時, 佢依起棚牙話 :  ｢你睇吓 ~ 閃令令架!! 好乾淨... ｣ (又自己讚自己啦...)

例子三 : 當佢見到啲佢好想食嘅食物, 佢就會形容啲食物係 ~ "香噴噴"、"so yummy"、"超好味"... 等等...

例子四 : 每當超爸爸煮飯佢食, 佢食緊啲佢覺得好好味嘅餸嘅時間, 佢就會同超爸講 : ｢爸爸, 你真係全世界最叻嘅廚師... ｣  誇張到無朋友...

串燒豬柳

今晚係公司 annual dinner, ab Be 唯有留喺婆婆屋企等我哋返去接佢, 最慘係...  婆婆跟咗佢細佬返咗鄉下玩~~ 悶到ah Be 發毛~~  耐唔耐就打電話俾我, 問我幾時返?? 到差不多十一點, 開始喊住咁打電話嚟話要返屋企~~    我唯有安慰佢叫佢等下啦~~ 媽媽好快返~~ 約十一點半, 佢好開心咁打電話俾我, 話舅父買咗串燒俾佢食, 啲串燒好好味!! 仲話要留啲俾我食.

annual dinner 完咗之後, 我同超爸即刻返婆婆家接已熟睡嘅 ah Be (如果當晚唔接佢返屋企, 佢第二朝會好早起身兼勁喊架...), 姐姐送上一個袋子~~ 原來係ah Be留給我的一串~串燒豬柳~~

Be, u r so sweet~~