怪物(蚊難)小王子

2013年5月11日星期六

意外驚喜@校內才藝比賽

(我想打人... 打完篇 blog, 成篇無晒... 要重頭打過!!!!! 唔好怪我呢篇打得咁乸犀...)

♦♫⁺♦･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟ･*:..｡♦♫⁺♦*ﾟ♦♫⁺♦･*:..｡♦♫⁺♦*ﾟ¨ﾟﾟ･*:..｡♦

年初, 收到有關才藝比賽通告

如有興趣, 自行交回條報名

一向懶惰的 Be 家

唔係太熱衷報名比賽

但今次... 我有點唔好意思...

成日對學校嘅活動無反應

我自覺要ah Be 對學校有多啲歸屬感+投入感

所以, 我叫佢自選一項目報名

佢選擇咗 ~ 粵語獨誦

(有點叫人意外... 粵語!!! 真係估佢唔到...)

報名後

我要ah Be 背熟學校指定文章

(學校無訓練提供俾參賽者, 食自己)

我同超爸用謹有少少朗誦知識教佢

例如 : 聲音控制同感情表達...

♦♫⁺♦･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟ･*:..｡♦♫⁺♦*ﾟ♦♫⁺♦･*:..｡♦♫⁺♦*ﾟ¨ﾟﾟ･*:..｡♦

農曆新年假期後

進行初賽

初賽完畢, 問 Be 順利嘛??

Be 答 : 順利, 老師讚我聲音夠響!!

不過, 朗誦到中段時... 突然唔記得 (斷片??!!)

要老師提水...

佢自己有少少唔好意思

我話 : 唔緊要啦!! 呢次係一個教訓, 下次要認真練習啦!!

♦♫⁺♦･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟ･*:..｡♦♫⁺♦*ﾟ♦♫⁺♦･*:..｡♦♫⁺♦*ﾟ¨ﾟﾟ･*:..｡♦

三月收到通告

ah Be 入咗決賽

復活節假期後進行決賽

喺復活節假期尾聲

同佢再練習一下, 執執啲細位...

至少... 唔好再斷片啦...

比賽完, 當日放學問 Be 順利嘛??

Be 答 : 好順利呀!! 今日係喺禮堂個台上獨誦

我問 : 你唔驚咩??

Be 答 : 唔驚! 我仲大大聲表演
.
我問 : 咁犀利??

Be 答 : 係呀! 好勁! 有啲同學好細聲, 好似讀俾自己聽咁...
(邊講, 邊遮住個嘴, 陰陰笑, 好似啲八婆講是非咁...)

一去到呢啲位

佢就會鬆毛鬆翼

個衰樣懶得戚

典型獅子座個樣出晒嚟...

嗰刻真係好想打佢... 囉!!!

♦♫⁺♦･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟ･*:..｡♦♫⁺♦*ﾟ♦♫⁺♦･*:..｡♦♫⁺♦*ﾟ¨ﾟﾟ･*:..｡♦

上星期五 (3/5) 放學

ah Be 話佢攞到季軍!!

好驚喜呀!!!

返到屋企睇通告...

咦!! 亞軍喎....

ah Be 話 : 老師真係話我季軍架!!

哦... ok, 到頒獎禮時咪知囉~~

唔使擔心~~

♦♫⁺♦･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟ･*:..｡♦♫⁺♦*ﾟ♦♫⁺♦･*:..｡♦♫⁺♦*ﾟ¨ﾟﾟ･*:..｡♦

(11/5) 今日家有喜事

要返學校出席頒獎禮
(真係無幾可... 可能呢六年小學生涯得呢一次, 要好好珍惜!! 爆!!)

返到學校報到時

謎團解開啦!!

原來...

ah Be 個同名同姓(唔同寫法) 嘅隔離班同學都有獎

ah Be 係亞軍

同名同學係季軍

老師提醒佢哋聽清楚班別先好上台攞獎...

ah Be 領獎一刻

我真係好開心架

我開心唔係完全因為佢贏咗

輸贏對我嚟講唔係最重要

最重要係

佢贏咗個自信心同成功感返嚟

希望佢可以繼續努力!!

2013年5月3日星期五

五●一黃金日@新界

五●一黃金日

一啲都唔想向外 ~ 鬥迫

(香港真係唔再屬於我哋架嘞...)

朝早喺屋企溫習

差不多兩點喺屋企附近食午飯

三點零

超爸同事臨時call 佢

想同佢交收一啲美國返嘅玩具

於是我哋去咗大埔同同事交收

一路ah Be好想見佢個 Bun 叔叔、Sue 同 Ewok

於是即興問 Bun 叔叔

我哋去佢屋企附近做啲嘢

佢方唔方便俾我哋嚟家訪

當然無問題啦~~

隻狗仔 Be 攬實 Sue 唔放~~

Sue 一貫作風 ~ 理得理你!!

你有你攬, 我有我瞓

搓圓撳扁, 任君選擇~~

B & B 仲玩親子焗鬆餅

心急Be 太心急...

唔跟足 Bun 叔指引

做出嚟嘅鬆餅唔係好鬆...

完成作品, 一睇就知邊個鬆餅係Be 做, 邊個係鬆餅係Bun 叔做~~

咦! 新朋友喎! Hi Peach, nice to meet you~~

點解 Ewok 唔見咗??

Ewok 嫌 ah Be 煩...

一路都扮 : 我時運高, 睇你唔到...

閃開唔啋ah Be

六點幾, 我哋一行四人

出發去沙角邨大排檔食佬飯

味道都幾好味

幾清, 唔鹹~~

價錢又大眾化~~

good good good~~

五●二 ~ 食兩個鬆餅

小息小吃 + 下午茶

五●三 ~ 早餐食鬆餅

佢仲要食得好奄尖架 ...

個鬆餅要配Bun 叔 homemade 士多啤梨 jam 先食...

睇下佢... 食到嗒晒糖咁...

2013年4月30日星期二

迪士尼 ~ 迷離莊園の初體驗

呢篇 blog 唔係廣告嚟架~~

因某原因

我哋一家喺4月28日去咗迪士尼

同"群星"一齊試玩新遊戲 ~ 迷離莊園 ~~

(5月17日開幕)

當日真係有好多星s

各位睇報紙都見到有咩星~~

有無同啲星影相??

咁火羅... 梗係無啦...

呢個就係邀請咭嘅O麥頭嘞~~

當日兩點幾入埸

趁迷離莊園未開 (試玩時間 :1600-2000)

我哋去咗玩跳降落傘

因為唔想等

我哋去咗排單人隊

真係快! 靚! 正!! (仲玩咗兩次添...)

VIP Pass
20130428_145217

跟住ah Be 再次挑戰自己 ~ 灰熊山谷

一睇就知, 挑戰成功~~

嘩!! 到啦!! 到啦!! 好緊張呀!!

因為有人唔入場時唔肯攞啲搞笑小玩意

仲要發老脾

所以無影相...

嘩!! 亨利爵士大宅好靚呀~~

四點零, 有啲肚餓...

我哋用咗派對套餐卷食咗個 ~ 飯餐~~
20130428_173838

去邊處食?? 大冒險家餐廳~~

啲餐嘅味道唔錯!!

好緊張呀~~ 入場啦~~

Hi! 亨利爵士, 阿拔

唔post 大宅旅程啦!!

保持神秘感吖 (仍然好多人已經 post 咗)

玩後感 : 都幾得意同埋幾靚~~ 都幾好 feel 架喎~~~

溫馨提示 : 小朋友 (六/ 七歲以下) 可能會有啲驚...

玩完一次

ah Be 驚咗...

要去玩巴斯光年鬆一鬆~~

仲要係前前後後玩咗三次巴斯...

ah Be 大個啦!!

有成 210500 分呀!!!

為咗練ah Be 大膽

一去樂園佢有一個任務

就係要問演藝人員啲哥哥姐姐送貼紙俾自己~~

今次, 有個姐姐仲同ah Be 玩過三關同送貼紙添

套過三關都幾靚喎...

玩完巴斯同飛船

返迷離莊園玩多一轉兼晚飯

就出嚟睇煙花~~

好溫馨嘅一刻呀~~

然後速速回家去~~

bye bye 迪迪尼~~

估唔到... 我哋今日一家喺樂園係零消費~~

由泊車到晚飯都係免費

我哋今次又破例無買過野~~

好開心嘅一日

2013年4月29日星期一

落鑊煮飯仔~~

經 ah Be 多番要求~~

卒之喺今晚俾佢埋爐煮餸

菜色 : 番茄煮蛋

初次任務係 ~ 幫我煮番茄

首先由我將材料落鑊

然後再由 ah Be 幫我兜住煮~~

手勢有待改進~~

2013年4月13日星期六

最後一餐@牛記茶室

小時至中年家住西環

少時上學和大部份暑假工作在中環

小強爸工作在上環

由細到大喺西環、上環同中環不停轉

留下不少腳印 (毛)

有一份深厚感情...

*** 牛記茶室 ***

以前同老豆耐唔耐食過吓午餐 (我嘅中學年代)

對上一次去牛記

已經係四年前 (老豆出走前大半年... )

嗰日係我哋一家連老媽陪老豆返瑪麗覆診

跟手喺瑪麗遇見大姑姐一家...

然後一齊落牛記食午飯

嗰日, 大家都食得好開心~~

*** *** *** *** *** ***

知道牛記於 2013年4月21日結業

咁啱有朋友識牛記太子爺

可訂枱

鐵定4月12日晚食一餐

ah Be 話唔記得同公公嚟過牛記

要嚟多一次喎

尋找與公公回憶腳印~~ (佢真係好掛住公公架... me too...)