港殤... (更新)

願死者得到安息...

願領隊 ~ 謝先生安息、一路好走! 已下班了...

願傷者或死者家屬快點忘記傷痛, 從新振作!!

請各傳媒不要再訪問傷者或死者家屬，別在他們傷口上灑鹽了！

真係好荒謬!!! 估唔到廿世紀, 仲會有咁唔文明嘅事件發生!!  明明可以喺無人傷亡嘅情況底下結束事件...  但偏偏遇上一班無能、愚蠢、自私、不知所謂嘅 ｢特警｣ (註 : 特別低能警察),  令7位無辜遊客、1 位專業盡忠職守嘅領隊, 共8人枉送命!!! 7 人受傷... 

挾持者的錯不用置而...  再錯係...  菲律賓政府、｢特警｣... 而最錯嘅係 ~ 菲律賓總統... 堂堂一個國家元首... 居然喺事發時, 左閃右避... 到今日先出嚟發言... 仲要振振有詞地解釋因忙於指揮拯救人質... 呸!! 連基本禮貌都無, 如何統治一個國家呢??  簡直係零智慧!!!  上樑不正、下樑歪! 有個咁嘅總統, 就梗係有啲咁雞嘅｢特警｣!!!

  真可恥!!!  就算死傷者唔係香港人, 我都係好嬲囉!! 佢哋真係廢到不得了嘅垃圾!!

更可恥嘅係 ~ 今日總統妹出巡探訪傷者時, 態度輕挑, 神情輕鬆, 好似做 show 咁!!  不知所謂!!!

  我唔覺得你要扮傷心, 但你連最基本嘅人性都無!! 我真係接受唔到囉!! 頂!!

香港旅遊業（外遊）領隊及導遊工會向會員呼籲籌集慰問金，有心人可將慰問金存入工會的恒生戶口：385-807094-001，把存款收條寄回或傳真工會（ 2770 7388），並註明是「謝廷駿慰問金」

ah Be 甩掉第二、三隻乳齒

Be 繼上年 (17/10/2012) 甩咗第一隻乳齒 (右下正門牙)之後, 喺2012年11月21日朝早甩埋左下正門牙.  嗰朝, 我沖沖下涼, 有個細路突然拍門大叫:｢媽咪, 我隻牙甩咗呀!!｣.  跟住, 我叫佢等等我.  我沖完涼出去, 發現佢瞓返. 最後喺張床嘅某處搵返隻牙... 原來佢係瞓瞓下覺時, 隻牙甩出嚟嘅... (唔通發夢佢食緊野??) 其實我細個都試過瞓瞓下覺甩牙, 不過我爛瞓啲, 無起身, 只係含住隻牙... 到瞓醒, 隻牙已經失蹤...

喺今晚 (9/8/2013), Be 甩佢第三隻牙 ~ 右下側門牙~~ 我執執下行李, 又聽到個細路大叫:｢媽咪, 我隻牙終於甩咗啦!!｣.  呢隻牙困擾咗佢好耐, 搖咗幾個月都唔甩, 令佢周身唔自在好耐... 佢終於得到解脫 lu~~
無牙仔~~

最近食咗 ｢唐細拾義｣, 食得又瞓得~~ 體重、身高暴升~~
儲定脂肪留待開學後暴跌~~

Happy Birthday to Be

感恩!

七年前今日

喺半意外下

生咗呢條｢頂心杉｣~~ 
我希望｢頂心杉｣將來可以

~~代我放眼世界

~~延續生命~~
祝Be :

** 生日快樂 **

** 日日開開心心 **

** 做一個正直好人**

早喺月頭

Be 已經喺婆婆家月曆上

自己記住生日記號

自定咗7月25日

會有生日會嘅安排
7月23、24日

不停提醒我同婆婆生日會事宜

** 7月25日 **

我俾咗二百大元佢

叫佢自己安排一下生日會事宜

佢同姐姐去買蛋糕、佈置
我放工後

幫佢吹波波

佢好開心

不停將啲波波周圍放

差不多八點

超爸返到嚟

跟住神秘嘉賓到~ 契爺、契媽

** 7月26日 (今日) **

有咁啱得咁繑

謙謙哥哥同澧澧哥哥約Be睇戲

睇壞蛋獎門人2

下午去咗做自由神

出尖沙咀食拉麵

食飽飽之後

去朝聖 ~ どんぐり共和国

好多人呀~~

平日都要排隊...

*** *** ***

即慶去迪迪尼食自助晚餐

Be 都幾開心~~

呢幾隻嘢走嚟走去~~

**7月27日 (預知未來) **

晚上去咗Bella 姨姨屋企聚會

咁啱Hayden 又係7月生日

佢大Be 4日

所以我訂咗個蛋糕俾佢兩位7月之星切吓

開心吓~~

題外話 : 我一路都好想Be 係7月27日出生

點解??

因為同 Eason 同一日生日囉~~

keke~~

Happy Birthday to Eason~~~

Captain Q

Captain Cool 的魔力~~

沒法擋...

Captain Q 晚晚喺屋企

將啲玩具左拼加拼

自製機場

燈塔 (紅燈用單車尾燈做)

口中念念有詞

**Skylette 224**

晚晚自娛一番

衝上雲霄~~

小心地骨~~

今日返老媽子家 hea

去洗手間時

見到洗手間門上

貼咗一張小便條

▼
▼
▼
▼

小心地骨??!!

問問老媽子

咩係小心地骨??

原來, 有個曳人喺朝早去洗手間時

整到洗手間濕咗

佢驚佢婆婆滑底

所以寫咗呢張便條提醒婆婆

"小心地骨"

我大笑完

都讚一讚佢細心

跟住再教佢個 "滑" 字

修正後
▼
▼
▼
▼
▼

小一生活最後一天~~

新鮮滾熱辣

ah Be返埋今日學

佢嘅在校小一生活

即將完結

多謝ah Be過去十個月的努力

嚟緊呢兩個月

我要同ah Be 要過一個開心、溫馨又有溫習的暑假~~

(如果唔溫習, 兩個月後要重讀小一啦~~)

我哋要好好享受呢個沒有"洪水猛獸"式學業壓力嘅暑假~~

Happy summer vacation~~~

真係開心到想放煙花~~~

我每日可以瞓多兩粒鐘~~ yeah~~~

小一成績年結表

小一成績年結表

2013年7月2日下午11:40朋友及親人累積瀏覽 284

隨著暑假即將開始

ah Be 嘅小一生涯亦快將完結

一直都無報告佢嘅學業成績

我唔係報喜不報憂

係因為我太懶...

想同佢一次過埋單

嚟一個 ~ 小一成績年結表 (ah Be 私隱, 不變公開詳情)

由左至右 (第一學期、第二學期、第三學期)

品行 B+ / B+ / B+

整體平均分 84 / 76 / 81

順利升上小二

老師評語:
語文科, 特別係中文課, 要加緊溫習, 睇多啲課外書, 做多啲閱讀理解.  做卷時, 不小心... 大意... (可以扣成十幾廿分架... 真係唔係講笑.. 佢可以照抄都抄錯字... 串字串到係咁意... 唔知以為電腦咁有 auto spell check....)  為人友善、關愛同學、守秩序、上堂尚算專心 (不過有時都會... 靈魂出竅... ...) 個人唔夠主動...
個人評語:
第一學期 - ah Be 仲係一舊飯... 一俾卷佢做, 即做.  轉數唔太快, 勝在要佢勤力, 佢都肯勤力.
第二學期 - 免強過關, 成績比第一學期差.  好明顯唔再一舊飯, 一俾卷佢做, 就呀支呀咗... 扭扭擰擰, 極唔專心... 我日日好似亞"對穿祥"咁... 噴血...
第三學期 - 蠱蠱惑惑, 開始試搵捷徑讀書應付考試... 我要將佢個搵捷徑同真讀書比例由佢嘅10:0 調較成 1:9 先, 基本巧唔可以無架嘛... 佢好似有少少開竅... 可惜"懶"蓋過一切... 要keep 住鞭策佢... 唔係佢就懶鬼上身架啦... 今次輕輕鬆鬆讀書應付考試, 成績比第二學期好.

*** *** ***

對於ah Be 嘅小一成績

雖然成績唔標青

不過, 我都收貨架嘞!!

鬼叫我早幾年選擇咗俾佢有一個｢快樂的童年｣咩!!

有朋友問 : 擔唔擔心ah Be 平均分咁低, 會跟唔上或者會跟得吃力啲??
我唔算好擔心嘅... 係有少少吃力架!!

不過, 我信可以同佢一齊克服囉!!

我最擔心係佢啲大意分落差好大

分分鐘扣十幾廿分架

大意分可以導致佢唔合格架嘛...

*** *** ***

講真, 我由細到大讀書唔叻

啲成績一路都係中中間間

好彩,出來做事

自己努力 + 加點貴人

工作同人際關係都算ok 啦~~

係性格有啲古怪囉...

所以, 我真係唔介意 ah Be ｢輸在起步線｣為咗提高 ah Be 嘅士氣

我同ah Be 有句口號 : 無九十分? 唔緊要, 最緊要有七十分以上

希望佢每次都有進步

每日一小步, 將來一大步~~