手足口病毒....

八月尾起

病君入宅...

Be 近呢一年好少病

點知...

臨返學前一星期

嚟一個氣管敏感

天呀!! 成年無氣管敏感喎!!

搞咩呢??!!

食咗成個星期藥

連抗生素都食埋...

都無好轉呀!!!

點算呀!!

開學了...

*** *** ***

九月三日

(開學第二日)

放學返嚟

做做下功課

叫住話要瞓覺...

(um... 又係懶蟲蟲上身...)

入房睇吓佢

咦! 個樣唔多掂喎...

去瞓, 去瞓...

佢瞓醒之後

一摸佢額頭

好慶... 喎...

咋咋林食藥...

之後就無再燒

*** *** ***

九月四日

放學返嚟

表姐打電話俾我

話佢有啲唔多妥

做做下功課走咗去瞓覺...

手有紅點...

我返去表姐屋企接佢

真係發燒呀!!

最弊傢伙係...

睇開嗰兩位醫生都放假...

諗咗一陣

都係去睇開間診所

起碼有佢病歷吖嘛...

一睇...

醫生確診係... 手足口病毒...

死囉...

好辛苦架喎...

無藥食架喎...

陰公豬...

*** *** ***

上圖 : 氣管藥 ; 下圖 : 手足口+氣管藥

*** *** ***

最新瘦身廣告

二天減五磅 (重點肚腩)

左圖 : 減肥前  ;  右圖 : 瘦身中 (二天後...)

新學期。新開始

眨吓眼

Be 由今天起

已經係一位小二生啦!!

希望你 :

身體健康!

天天開心!

努力讀書!

快高長大!

努力! 努力!!

mamemo 都會每日準時早起!!

對你多啲耐性~~

大家一齊努力! 加油!!

心淡...

在婆婆家服務咗5年半嘅姐姐

於8月4日出發回鄉省親

回鄉前

我多次同佢講

如果返到鄉下

唔捨得走

唔緊要

最緊要打電話返嚟

講聲我哋知

知唔知道呀??

姐姐多次回應 : 太太, 唔好講啦! 我一定返嚟架!

大派定心丸

回鄉後

一如之前回鄉咁

姐姐返刑自己屋企後

佢會打電話回婆家

同婆婆講 : 婆婆, 我返到屋企啦! (下除百字...)

臨收線一句 : 過兩個星期六見...

點知...

8月25日等咗一日...

影都無...

8月26日打電話問航空公司

姐姐有無上過機?

回覆 : 無上機

鄉下、香港嘅電話...

已經再打唔通 ... ... ...

直到今日...

音信全無...

我唔係嬲佢...

只係驚佢有意外...

+

心淡...

自問... 全家待佢如家人...

只要求一個電話報平安+交待...

都無...

唉...

忍住淚說再見

因為"鴉污扑"將會光榮結業 

我... 只好另覓新地方

反覆諗咗好耐搬去邊處去呢??

(唔係我唔表態... 係真係要諗好幾日架嘛...)

最後... 決定應該係呢度嘞 (blogspot)...

因為... 樹大好遮蔭嘛...

希望以後順順利利~~

暫時會將新 blog 同步喺 Y! Blog 同 Blogspot 更新

希望呢個過渡期又係順順利利啦~~

*** *** ***

我都想多謝 Y! Blog 過去五年半嘅支持

另我可以出 758 篇網誌

Thank You

原本呢個 Blog 係想留俾 大個咗嘅 ah Be 睇嘅...

(佢大個咗要分兩部份睇啦~~)

意外地... 識咗一班素未謀面嘅你哋啦~~

雖然大家唔識大家

不過, 又幾好傾喎...

互相交流一下

真係幾開心架~~

(打破咗我人生其中一個格言 ~ 歡場無真愛~~ )

真係朋友唔使多, 最緊要啱 key~~

希望我哋可以保持聯絡

我的新網址 : http://www.monsterbe.blogspot.hk/

喺嗰邊見啦~~ 

 Bye Bye~~

Bye Bye Y! Blog~~

天下太平

尋日

同個衰人玩「天下太平」

佢將我哋細個時玩嘅 ~「防護罩」

改裝成「反彈簧」

佢仲話... 

無論點攻擊佢都無用

只會令自己受傷... 

因為「反彈簧」係會彈返去發彈人嗰度...

如果係咁... 

唔使玩啦...

港殤... (更新)

願死者得到安息...

願領隊 ~ 謝先生安息、一路好走! 已下班了...

願傷者或死者家屬快點忘記傷痛, 從新振作!!

請各傳媒不要再訪問傷者或死者家屬，別在他們傷口上灑鹽了！

真係好荒謬!!! 估唔到廿世紀, 仲會有咁唔文明嘅事件發生!!  明明可以喺無人傷亡嘅情況底下結束事件...  但偏偏遇上一班無能、愚蠢、自私、不知所謂嘅 ｢特警｣ (註 : 特別低能警察),  令7位無辜遊客、1 位專業盡忠職守嘅領隊, 共8人枉送命!!! 7 人受傷... 

挾持者的錯不用置而...  再錯係...  菲律賓政府、｢特警｣... 而最錯嘅係 ~ 菲律賓總統... 堂堂一個國家元首... 居然喺事發時, 左閃右避... 到今日先出嚟發言... 仲要振振有詞地解釋因忙於指揮拯救人質... 呸!! 連基本禮貌都無, 如何統治一個國家呢??  簡直係零智慧!!!  上樑不正、下樑歪! 有個咁嘅總統, 就梗係有啲咁雞嘅｢特警｣!!!

  真可恥!!!  就算死傷者唔係香港人, 我都係好嬲囉!! 佢哋真係廢到不得了嘅垃圾!!

更可恥嘅係 ~ 今日總統妹出巡探訪傷者時, 態度輕挑, 神情輕鬆, 好似做 show 咁!!  不知所謂!!!

  我唔覺得你要扮傷心, 但你連最基本嘅人性都無!! 我真係接受唔到囉!! 頂!!

香港旅遊業（外遊）領隊及導遊工會向會員呼籲籌集慰問金，有心人可將慰問金存入工會的恒生戶口：385-807094-001，把存款收條寄回或傳真工會（ 2770 7388），並註明是「謝廷駿慰問金」

ah Be 甩掉第二、三隻乳齒

Be 繼上年 (17/10/2012) 甩咗第一隻乳齒 (右下正門牙)之後, 喺2012年11月21日朝早甩埋左下正門牙.  嗰朝, 我沖沖下涼, 有個細路突然拍門大叫:｢媽咪, 我隻牙甩咗呀!!｣.  跟住, 我叫佢等等我.  我沖完涼出去, 發現佢瞓返. 最後喺張床嘅某處搵返隻牙... 原來佢係瞓瞓下覺時, 隻牙甩出嚟嘅... (唔通發夢佢食緊野??) 其實我細個都試過瞓瞓下覺甩牙, 不過我爛瞓啲, 無起身, 只係含住隻牙... 到瞓醒, 隻牙已經失蹤...

喺今晚 (9/8/2013), Be 甩佢第三隻牙 ~ 右下側門牙~~ 我執執下行李, 又聽到個細路大叫:｢媽咪, 我隻牙終於甩咗啦!!｣.  呢隻牙困擾咗佢好耐, 搖咗幾個月都唔甩, 令佢周身唔自在好耐... 佢終於得到解脫 lu~~
無牙仔~~

最近食咗 ｢唐細拾義｣, 食得又瞓得~~ 體重、身高暴升~~
儲定脂肪留待開學後暴跌~~