提神

估下呢個係咩嚟嘅??

▼

▼

▼

▼

▼

一個又霉又皺嘅糖紙袋

*** *** ***

上兩個星期

我在 Be 校褲袋搵到

我正要掉咗佢時

Be 阻止我

同我講唔掉得

如果掉咗佢

佢上堂會恰眼瞓架!!

原來佢上堂時

要手插褲袋

捽住個糖紙袋 ~ 提神!!!

真係估佢唔到!!!!

*** *** ***

哦...

明白晒~~

我都無堅持要佢掉咗個糖紙袋

佢工時 (返學時間) 咁長

我應該要體諒吓 Be 嘅~~ 

想當年...

學校生活... 唔易過...

心心

唔好意思

又係肉麻嘢

(唔知仲可以寫多幾多年... 有得寫就繼續寫... )

有日在家

有個小朋友喺我身後掠過時

扮作若無其事地

拍拍我背

再指指地下

話 : ｢媽咪, 你跌咗嘢呀!!｣

我心諗... 咩料呀?? ←_←"

我喺地上執到...

▼

▼

▼

▼

▼

▼

原來係一個...

用電器鐵絲屈成嘅 "心"

真係呢...

俾佢甜死呀!!

仲要走埋嚟攬住我

問我鍾唔鍾意??

真係命都短兩年...

我梗係鍾意啦... 囝... 

想像得到...

佢第二時大咗

可以幾咁冧女朋友... (泣...)

我成日諗...

Be 在非學習時 IQ 都幾高吖...

點解在學習時 IQ 可以咁... 低... 架呢??!!!

*** *** ***

呢兩年

成日在家大喊 :

｢媽媽,我好愛你!!｣

/

｢我最愛嘅媽咪/ 媽媽!!｣

有時仲一路講... 一路扭動身體...

*** *** ***

做功課、溫習時

經常要我錫佢 (=俾能量佢...)

*** *** ***

瞓覺時

要閒談一輪...

講一個故事...

錫十幾廿啖 / 唔知要幾多十秒 (佢每晚都有不同要求...)

*** *** ***

佢大個會唔會係一個裙腳仔??

我肯定...

一定唔會...

佢一定係一個跟女朋友走的人...

嗚嗚... 

我最多可以享多三、二年呢啲甜福

到佢踏入青春期...

真係啋我都... 癲...

優異獎@璀璨的生命

上年九月

Be 參加咗 ｢2013年樊高“燦爛生命“繪畫比賽｣

(2013 Van Gogh Brilliant Life Art Competition)

畫畫姐姐話呢個比賽

認受性好高

叫我俾Be 參加

我話Be 畫功一般

畫風亦好另類

得唔得架??

姐姐話試下啦

今次啲評審委員係外國人

評審眼光好唔同

好啦! 試下啦!!

Be 經三個鐘嘅畫... 畫... 畫...

作品完成!!

*** *** ***

上年11月尾

收到主辦單位電郵通知

Be 得到優異獎

可以自費飛去荷蘭領獎

我哋唔會去啦!

成三萬幾一個人...

咪講笑啦!!!

*** *** ***

2014年2月19-21日

作品會喺尖沙嘴文化中心展覽

可以攞埋獎狀

攞到啦!!!

影返張相做紀念先~~

在沉重得小學生涯

帶來一點點鼓勵

Be 都幾開心架!!!

大字報

二月十三至十六日

我同超爸出咗 trip

 Be 到姑媽家托養

十六日

由契爺契媽帶返屋企瞓覺

當晚回家

我一入厠所

充滿霧氣的鏡上出現

｢媽媽, 我愛你! 我愛你!我愛你!!! Be 上｣

嘩!! 我開心到癲咗!!!


雖然

近呢幾個月Be成日喺鏡上寫｢我愛你｣俾我

但今次有啲唔同

小別四日

從電話對話中

我感覺唔到佢掛住我...

我唔多唔少有少少失落... 

我亦明白

佢年紀越大越唔需要我嘅道理... 

所以當我入厠所

見到呢面鏡

我開心到癲咗!!!

我特別開心!!特別癲!! 

*** *** ***

傻 Be 今晚再 encore~~

｢親愛的媽爸, 我愛你!!! Be｣

佢真係

一面天使... 一面

**P.S. 將來冧女仔, 佢一定好灑家~~

淥豬手

年廿九

回娘家食團年飯

今年無姐姐幫手

唯有食自己

自己煮啦!!

*** *** ***

潮州家庭

大節 / 春秋二祭

一定要拜祖先

雖然...

老媽已經將整個拜祖先祭品同程序簡化咗好多

但仍然係... 多!!!

餸都超過十款

喺拜祭前

老媽聲控我

要我依次序排餸

突然有舊椰菜花飛咗落地

我見唔好浪費

執起後

放咗落口

轉頭入廚房睇煲湯

點知...

一開蓋...

領嘢!!!

有隻木筷子飛咗出嚟...

啲蒸氣蒸一蒸...

四隻手指熟熟哋...

心諗...

祖先

我見唔浪費先食咗

唔係有心偷食架

唔好嬲我啦!!

真係好好好痛呀... 

跟住...

成個農曆年假

不停淥到對手...

我下次唔敢啦...

超爸生日咭

我家有個 ~

二月之星

~ 超爸 ~

Happy Birthday to Feb Star

Be 自己設計生日咭

送俾爸爸 

張咭有三頁

Be 佔兩頁

封面 + 第二頁

我有一頁

呢個係封面

佢話呢張咭要彩色嘅

每一個字都要唔同顏色嘅~~

啲字都好用心字~~

希望超爸鍾意!!

生日當晚

有一個簡單小型(仨人)生日會

(其實係叫外賣...)

切生日餅時

有特別嘉賓 ~ 契爺

Happy birthday to Chiu papa~~

(上款+Happy Birthday 字+下款 ~ 全由 Be 自己落柯打~~)

馬年行好運

潛咗成個月水

因為忙都甩轆...

祝大家 : 心想事成! 身體健康!

年廿九休到年初六

*** *** ***

年廿九回娘家食團年飯

無咗姐姐

簡簡單單幾個餸

好好味~~

食完飯

Be 留喺婆家過夜

我同超爸到花墟買花

*** *** ***

年三十晚

到超老爸家食團年飯

好多餸

呢碟係超爸炮製嘅 ~ 金蠔 ~~

超... 好... 味!! 

呢煲 ~ 係沖涼用嘅~~ 

*** *** ***

大年初一

Be 精精神神到爺/ 婆家拜年

然後再陪婆婆去其他長輩家拜年

時晚婆一家去灣仔食齋

今年買花過於保守...

初一開花情況 : 

火百合只係... 微開...

水仙... 微微開咗... 第一花朵 

*** *** ***

初二開年

Be 第一次睇 "功夫足球"

不由自主跟 "鐵頭功" 起舞~~ 

是日都係好忙

返爺家開年

再返婆家跟老表們團拜+晚飯~~

最後佢哋仲上我家雀局耍樂~~

經初二晚人氣頂盛

水仙小姐即時綻放

*** *** ***

初三日赤口

慣例去拜車公爺爺

火百合　～　火熱動感啦啦啦～～

成屋香爆～～

*** *** ***

初四

新春單車團

一眾表兄弟妹一齊去踏單車

爽呀~~

是晚又係食大圍飯~~

*** *** ***

初五

有朋自遠方來

在家 BBQ 聚會

大家有口福啦 (可能係禍... 都未定... 嘿嘿...)

豬扒 + 雞翼係由我醃嘅... 嘿嘿...

我覺得都幾好味架~~

人氣多咗

水仙小姐再靚啲

*** *** ***

初六

Be 追功課

點解有成廿樣功課??

+

十九幾個評估+默書??

已經做咗好幾日...

都做唔完...

*** *** ***

初七啟市

開工大吉!!!

生活照舊!!!

馬年行好運~~