超爸的禮物

今年超爸的生日禮物係 ~ 

生日咭乙張

+

神秘禮物乙份

生日咭呢...

製作單位陣容強勁!!

由 : 

抽象派畫家 - Be 

+

烏sir sir 大嬸 - mamemo

主理

咭內其中一幅畫

咭封面 ~ key 圖

真係key真樣架!!

原圖

我同Be 認為

呢張咭係超水準作品!!!

自吹自擂中...

keke!!

保安系統

我家喺上年年底

出現咗一個傻傻哋嘅保安主任

喺屋企唔同嘅地方

安裝咗呢個密碼門鎖...

密碼門鎖分佈喺... 佢自己張床、衣櫃、房門同埋我嘅房門

仲要有唔同嘅密碼...

呢個裝喺床入面

註明 -> '出口' 嘅按鈕

因有大量嘅密碼要記

我提出抗議

所以傻人保安主任幫我做一張保安咭俾我

方便我在家中出入

識咗幾耐??

聽日默中文

我煮晚飯時

邊煮, 邊讀

Be 坐喺厨房邊默

我讀讀吓

Be 默默吓

Be 突然講 : 哎呀!呢個字寫得咁肉酸, 要擦咗去, 費事俾人打呀!

跟手擦走個字

我: 係呀! 真係會打架! 你第一日識我?

Be : 係呀! 今年我第廿二日識你囉! 媽咪!

.... 烏鴉... 飛過中........ 

媽媽幾多歲?

早兩星期

超爸要向公司証明我、Be 同佢嘅關係

所以要交結婚証書同Be 出世紙副本

已經識字嘅Be 

發現枱面上嘅結婚証書副本 (超爸隨手亂放)

俾佢見到... 我當時嘅歲數!!!

登時問 : 媽咪, 點解唔係27歲嘅??

我的天呀!!!

佢對我起疑心啦!!!

希望唔好咁快懷疑我生肖就好 lu...

耍咗一輪...

都無正面回答過

*** *** ***

今晚

睡前悄悄話

Be : 媽咪, 你幾多歲呀?

吃驚!! 又嚟...

我 : 50!

Be (瞪大對眼) : 吓, 咁老? 呃人... 你幾多歲呀?

我 : 你估吓?

Be : 40?

我 : 唔係

Be : 30?

我 : 唔係

Be : 媽咪, 你話俾我知你幾多歲啦?

我 : 48囉...

Be : 吓, 48? 咁... 爸爸幾多歲呀?

我 : 爸爸50囉...

Be (再瞪大對眼) : 50歲!!! 媽咪, 記得叫爸爸去睇醫生

 我 : 吓...  點解爸爸要睇醫生?

Be : 因為 50歲以上人士好容易生蛇

 我 : 邊個講架??

Be : 電視廣告講嘅, 佢話呢如果出過水痘... (下刪百字廣告內容...)

我 : 嗯嗯.... 瞓啦...

塔門遊

今日

一行幾人

塔門一日遊

全日 hea

無時間表

中午到黃石碼頭

坐大飛過塔門

$20 一位

好好玩

好刺激

好藍的天~~

好綠的海~~

兩父子放風箏

Be 大個仔後的第一次放風箏

好鬼興奮~~

有好多牛牛

在場有人因要保護同行美女s

免被牛牛"嚇"親

不停用木枝"嚇/打" 想走近的牛牛s

我哋6大1小看不過眼

對佢哋表示不滿

嗰幾位壯男(自以為)至略為收手

去玩嘅

要自重

分下莊閒

去牛牛屋企玩

仲要趕佢哋走...

傻的嗎??!!

兩點零出去碼頭食午飯

味道唔錯

回程又係坐大飛

今次兩父子一齊坐~~

回到西貢後

喺西貢又 hea 一輪

最後

出尖沙咀食韓國菜

誤打誤撞去咗呢間餐廳

好好味喎

會再去的...

The Phantom of the Opera

成個聖誕假期無咩節目

只係食, 食同食

有Musical 睇

叫超爸買飛~~

一家三口坐平位~~

咦! 個位唔錯喎!!

側位但好前

只有一個盲點位

下次買飛識搵位

*** *** ***

二零一四年十二月三十一日晚

Be 人生第一次睇音樂劇

佢好興奮

完場後

問佢好唔好睇?

佢話好睇!

問佢明唔明對白講咩?

佢話明!

問佢點解咁犀利, 明對白?

佢話有啲聽唔明白, 可以睇字幕.

真係大個仔喎!!

識睇字幕!!

佢話, 鍾意睇 

下次有其他音樂劇上

佢都想睇...

我同超爸想帶佢睇嘅下一套 Musical 係 ~

Les Miserables

编劇

有日

見到Be 中文書中

啱啱教緊呢課書

問 : "吹嗎?" 點解??

Be答 : 因為"吹咩!"係粗口, 唔可以寫.  "吹嗎?"斯文啲.

我問 : "吹嗎?" 斯文啲?? "吹嗎?"同"吹咩!" 係唔同意思, 下次唔好亂寫呀!

Be答 : 知道!

我問 : 點解你會識"吹咩!"??

Be答 : 我有個同學成日講"吹咩!"! 我哋問佢問題, 佢一定答"吹咩!"

我 : 以後唔好再講"吹咩!", 好無禮貌架! 知無??

Be答 : 哦! 知道...

(我真係... 俾佢吹漲...)

**後記 : 某日, 發現佢已經擦走"吹嗎?"