緣份

廿年職場生涯

幸運地

我遇過好老闆、好上司、同事、下屬同客

當然黑心、衰、變態、騎呢極品都唔少... ... 仲幾多下...

下屬緣... 正常

喺我手中都培育唔少新人 (面試至係最難... 我揀人... 人揀我... )

至少20+

只要態度良好(我真係堅惡...)、肯學肯做

我會毫無保留地教佢

當中有幾位嘅職位已經超越我

我真心地戥佢哋高興

我一直本著｢緣起緣滅, 歡場無真愛｣ 嘅態度去工作、帶佢哋

又幸運地

先後有幾個多年嚟一直同我保持聯絡 (已經唔同公司)

耐不耐會單獨約見面

傾下近況

工作、家庭、感情、婚姻無所不談

連新認識嘅男友或者決定結婚

都會帶男方同我見面食飯

有BB都會第一時間通知我

好似家人咁...

其中一位仲相約我相方帶埋囝囝一齊做義工

原因係... 一齊做過義工下一世會再遇上~~

超感動...

估唔到佢連下世都想再遇上我~~

**我哋兩個仔係同月同日生~~

另一位就係Be 嘅契媽~~

感恩過去廿年遇上不同的妹

感激在工作上遇過好/壞的人和事...

去核心外圍睇演唱會

以前次次都會睇佢演唱會

但今次無... 

尋晚

黎明演唱會尾場

同林世伯一家一齊去核心外圍聽

兩位媽媽心情立即回到從前

而林世伯就... ... 只有無奈... ...

去到中段

Leon 一句：一半人喺入面，一半人喺出面。

核心內、外圍回應：yeah!!!!

真係冧死人唔使賠...

當年四大天王年代

四個之中我鍾意兩個 ~ 黎明、張學友

一個靚仔、一個唱歌好聽

所以兩位開演唱會實捧場~~

黎明除咗靚仔之外

仲帶點少爺脾氣

仲會自巳挖苦自己

超爆!!

個性比較直

我鍾意~~

Be 同星妹都邊玩、邊聽歌

可惜少爺今日無 Encore

22:15 散場~~

Bye bye Leon~~

四個中女去旅行

我、小龍、燒、Sue

相識廿載

共事數年後

各有前程

不過友情仍在

難得小龍回港

我哋決定嚟一個2日1夜馬交遊

嚟一次 ~ 四個中女去旅行 (14-15/4)

傾下傾下至發現... 合體去旅行係第一次!!!

之前嗰啲只係兩、三個去...

今次係 ~ 無行程、無景點、隨處盪、隨處食

撞鬼... 第一次搭成兩個幾鐘頭船過大海...

仲拋到有啲暈浪...

成3點至到呢間葡式食豬專門店食 lunch

如果喜歡食濃味嘅你

呢間食店啱你

食完 lunch

出發去十月初五行附近逛街

買咗呢個巧手蝦子麵

真。好味~~ 

然後去揾真。炭燒杏仁餅~~ 

逛一逛下見明記開檔又唔使排隊

有兩個半人唔食牛嘅我哋

都要食... 

主力食蘿蔔生腸~~

逛到6點幾去酒店攞房

休息咗一陣

出發去食中菜 buffet 

整體好得

特別係前菜~~ 

呢隻龍蝦係 like 間酒店 fans page 送的

因為要 like 埋fans page 入面張龍蝦相

但我哋搵嚟搵去都搵唔到龍蝦相

我問嗰位小姐 : 可唔可以like 香港嗰隻龍蝦? 佢最近日日有新聞, 易搵啲喎!

全枱爆

小姐忍唔住笑答 : 嗯... 唔得唔得! 唔係我哋嗰隻...

 飲飽食醉

回房繼續傾傾傾...

*** *** ***

第二日中午出發食好西

3 Courses 

Cheers

再後一遊 ~ 官也街 

我哋約定下年探小龍~~

再約小龍下次回歸會出征日本~~ 

教訓~~

尋晚Be 俾手冊我簽時

發現佢俾老師寫手冊 ~ 欠交中作

Be 又用佢嘅言語偽術去企圖淡化事件

Mame : ｢點解會欠交中作?｣

Be : ｢唉... 我一時大意... ｣

Mame : ｢你仲唔補做中作?｣

Be : ｢我做咗同埋交咗｣

Mame : ｢幾時做咗同交咗?｣

Be : ｢媽咪! 唉... 我明明今朝交咗, 但都俾老師寫手冊呀!｣

Mame : ｢吓! 交咗都要寫手冊? 點解?｣

(心諗... 傻得嗎? 交咗都要寫手冊...)

Be : ｢今朝返到學校我先記得未做中作, 所以即刻擰出嚟做.  好彩趕得切交.  不過... 好唔好彩... 俾同學告俾Miss Lee 知, 所以 Miss Lee 咪寫手冊囉! ｣

Mame : ｢行長收功課時見你做緊, 所以告發你? ｣

Be : ｢唔係行長呀! 收功課前已經做完.  係隔離嗰行有個同學告我架!.｣

Mame : ｢叫咩名? ｣

Be : ｢黃XX｣

Mame : ｢女仔嚟架?｣

(心諗... 真係厚多士... 咁細個就咁多事...)

Be : ｢係呀...｣

Mame : ｢其實你唔係唔好彩, 你真係無喺屋企完成所有功課, 你都唔啱架! 只係你補救到, 做返齊. 你唔好埋怨人告發你, 呢次係一個教訓. 知唔知?｣

Be : ｢知道｣

Mame : ｢不過, 如果輪到你發現有同學喺度補做功課, 你唔好去告發佢, 做人要有氣量. 知唔知? ｣

Be : ｢知道｣

*** *** ***

Be 入睡後...

我同超爸講返呢件事

超爸堅火滾~~

我倆齊齊爆粗 ~~ (好 mild 嗰隻... )

｢生命熱線｣賣旗日

26-12-2015

Be 過咗一個 Happy Boxing Day Morning

為｢生命熱線｣賣旗

自Be上咗小三後

功課超忙

少咗出去同人分享

今次活動正正喺聖誕節假期

主辦機構嘅理念亦好意思 

(而家買/賣旗真係要好小心睇清楚)

所以我哋同公主 (林世伯嘅千金) 一齊登記咗賣旗

當日 8:30am

我哋同公主、林太一齊出發

整個活動過程由Be 主導

Be 同所有人嘅對話由佢自己應付

我... 只係佢身後5步嘅 ~ 保鏢

因長假期中

街上行人唔太多

每當Be 遇見佢認為可埋手嘅路人時

Be 會講 : ｢早晨! 請問可唔可以幫生命熱線買支旗?｣

如果路人願意買

Be 會答 : ｢多謝你! 聖誕快樂! Bye Bye｣

如果路人唔願意買

Be 會答 : ｢唔緊要! 聖誕快樂! Bye Bye｣

過程中, 分別有二、三個叔叔、嬸嬸喺買旗前

都問咗Be 知唔知 ｢生命熱線｣係咩機構? 係做啲咩?

(好彩活動前有同佢講過...)

Be 答 : ｢知呀! ｢生命熱線｣係幫助緊一啲心情上出現咗問題嘅人, 好似好想自殺... ... 下刪百字｣

當Be 解答完問題後

幾位都好滿意Be 嘅答案

認為Be 喺賣旗前有瞭解機構性質, 唔係被家長迫出嚟賣旗

所以佢哋好慷慨解囊

活動喺12:00 前完結

Be 好開心! 仲話要繼續参加有關活動!