口罩荒

因為有年邁媽媽

由上年12月尾起

每次經過藥房

都會睇下有無信得過嘅口罩賣

如果有

就買一盒 (非搶購)

連同台灣網購

都有7盒

最後分給媽媽細佬一家同朋友們

到1月尾

2人剩返2X 個口罩... ...

兩人默默等待1月初網訂嘅口罩

盡量留家Home office

不搶購任何日用品同口罩

2月中

分別有2位朋友打救

送我一盒日本口罩😆😆

2包超立體😄😄

雖然有口罩用

仍然要慳住同互相分享

到2月2x日

 之前訂落嘅口罩終於到步

將少部份5個一包

去街時分俾需要嘅人

呢啲係媽媽個姐姐幫手搵嘅口罩

都係分成5個一包

雖然5個一包好少

只係盡做

希望盡量幫到人

今次我哋真係要團結同自救啦!!

自求多福!!

香港人加油!!

無限輪迴2019。5... (續)

無限輪迴 2019。5 

只係為一連串嘅PK揭開序幕!!! 

8月尾某日... 同媽媽外遊時

差錯腳... 又PK了

傷勢嚴重過上一次...

手臂、手側、雙膝

痛足一個月都埋唔到傷口

11月尾某晚

同朋友食完飯

黑麻麻的街上...

又再一次差錯腳... 又PK了

今次直情係... 跪嗰下聽到好清脆嘅｢扑｣一聲... 

再向前打咗兩個關斗...

傷勢嚴重過上一次...

手臂、手側、雙膝 仲要大瘀... ...

褲都穿埋!!

痛足三個月都埋唔到傷口

而家都仲隱隱痛... ...

舊年犯太歲... 由5月起每3個月仆一次... ...

重創

無限輪迴2019。5

命中註定身體差

手、腳、口、腦不協調

4月中前始不停落雨

日日出街時

不停提醒自己

小心地滑

唔好PK 呀!!

終於... ... 領嘢... ...

5月8日

參觀完 Vendor 新公司

喺銅鑼灣地鐵站

啱啱落完樓梯 (心裡不停叫自己小心)

突然一野跪低

媽呀!!😭😭😭 好肯痛呀!!! 😭😭😭

忍痛9秒9企起身

我驚後面啲人剎唔切制

撞C人

一路痛到飛起... ...

心知呢嘢有手尾跟

一定磨薑... ...

第二日

背脊由膊到後腳好痛

急住去脊醫急救

脊醫都忍唔住叫我小心

一星期後...... 

磨薑位表面結焦

但入面仲係好痛

經驗話我知發炎

做好晒消毒

用針一挑......

膿+血湧出嚟

第二日去睇醫生

5日抗生素... ...

膝頭再痛多個幾星期......

留疤痕😭😭

至於背脊

到今日都未完全好番... ...

繼續一星期兩次脊醫

中一成長紀錄

Be 中一開學初期

我出過一篇高過我 1 cm 咁多嘅 blog 

8個月後嘅佢

已經標高咗好多

同 Chiu ba 相差唔夠 10 cm 

最近有份身體狀況報告要填

尋日去搵何醫生填

量血壓、量體重、度身高

而家嘅佢 164 cm 高 ; 46.8 kg 重

chiu ba 一直都話Be一定要大隻過佢自己

haha

不一樣的母親節

今年母親節同老豆有個約會

老媽準備齋菜

我準備靚靚大菊花 + Chiu ba由馬拉帶回來的貓山王

老豆一定食到心心眼

拜完老豆

老媽話要返屋企午睡

因為今晚同姐姐去佛法大會

約六點

細佬打電話俾我話姐姐搵佢老婆

姐姐甩底... 唔同老媽去法會

老媽知道... 😲😲 一定嬲死... ...(點解佢 (姐姐同細佬) 唔自己搵老媽🙄🙄??)

蠱蠱惑惑🤔🤔

我打電話俾老媽......

老媽反應當然係嬲嬲豬啦!!!

老媽：之前問咗佢肯唔肯陪我去，佢話肯我至買飛架。。。

（下刪百字．．．．．．）

最後... ... 喺老爺屋企倒咗啲飯落肚

然後一家護送太后去紅館

我陪太后入埸

聽完衍空大師一席話

心舒暢 ~ ~

法會完咗

Be 同 Chiu ba嚟接我哋去食糖水

老媽開心晒!!

臨送佢入家門前

溫馨提示佢 : 記住唔好話姐姐, 要以德報怨

老媽笑笑口... 哦! 哦!

希望佢真係做得到啦!!

爆呔

呢位中一大叔

朝朝早早廿至三十分鐘返到學校同食晏之後

都會同同學踼波、打藍球、足球機

條白褲由開學時嘅雪白色漸變灰色到而家... ... 灰黃色... ...😵😵

真係好恐怖!!!! 😲😲

男仔真係可以好嗱咋... ...😨😨

臨放復活節前

大叔返到屋企話佢爆咗呔... ...

我一望... 😱 成個 pat pat 咁大... ... 😱😱

睇唔到個窿有幾大??

咁大囉!! 😆😆

臉咁大!!

連車衣姨姨都話 : 有無咁誇張呀!!!

車衣姨姨忍唔住同佢車多幾針😁😁

挑戰

5.1

Be 嘅游水sir 係一個好率直嘅大叔

教游水唔係睇$出發

Be 每星期日跟sir 同其他隊友游水+傾偈2小時

sir 嚴格得嚟又有啲搞笑

小朋友好鍾意圍住佢

除教游水之外

仲會教佢哋做人, 講道理

今次佢同幾個教練一齊帶40~50個小朋友

參加水上安全日

游1,000 公尺

Sir 同 Be 講要挑戰下自己

鼓勵 Be 參加

佢哋好有心機安排當日一切流程

學生只需要交報名費同車費 (旅遊巴士)

安排其他教練分組義帶

早一晚到淺水灣會埸佈置

各教練泳鏡上綁住氣球

俾學生喺水中容易見到教練

好有心思!

落水前講清楚學生注意事項

仲講明今次係team work

留意身邊組員

一人退出, 全部人一齊退出

齊上齊落!!

落水啦~~

45 分鐘後上水 

得到紀念獎牌一個 + 紀念獎狀一張

Be 完成人生第一個1,000 公尺