開心星期六

今朝11點到健康院做兩歲例行檢查, 姑娘話小Be 進度良好, 喺講說話方面, 可以表達到自己需要, 已經係好好嘅表現!! 檢查完畢, 我哋去彩雲邨食嘢同德福商場行街街, 到2點零就返屋企覺覺豬lu~~

到5點零, 我哋就同愰叔叔一家行街街同慶祝小Be 嘅生日(kaka... 又慶祝生日!!).  我哋一行6人先喺海港城行街跟住食飯 (仲有朱古力新地當蛋糕tim). 最後去咗玩具x斗城玩咗一輪就返屋企. 小Be 同桐桐姐姐玩得好開心啊~~ 

喺Ikea張床度扮覺覺豬~~ 似唔似呢?? 

細佬, 咪走呀!!!

手拖手, 做個好朋友!!

兩人對望 ... 有火花??!!

超級扮嘢王! e 咁啱呀!

睇船船~~ 好開心!!

朱古力新地當蛋糕

姐姐, 你影完未呀!!

小僕人

7月31日. 我可以早放工, 立即返婆婆屋企食飯同接小Be.  入到屋, 小Be好開心咁叫 : 媽媽返嚟呀!  當我坐喺梳化同公公,婆婆傾偈時, 小Be 走到鞋櫃攞咗對拖鞋俾我著, 仲要將對拖鞋拍齊放喺我面前... ...  真窩心!!  過程如下:

全港放假一天 (八號風球 ~ 北冕)

諗都諗唔到今日係唔使返工嘅, 最開心嘅緊係小Be 啦! 我同爸爸又喺屋企陪佢啦! 今次個風好犀利, 又大風又大雨, 我哋都唔敢出去啊!!! 直到差不多兩點, 雨細啲, 先同七七佢哋食個 lunch, 跟住上咗姑媽屋企探表弟 (姑媽住喺商場樓上), 然後返屋企瞓晏覺 (4至7) 好正呀! 好耐無試過啦!!! 瞓醒又返爺爺屋企食晚飯... (好似星期日咁囉... )

錫錫表弟先, 表弟乖乖啊!!

睇電視, 飲水水~~

ah Be 廣告篇 ~ 拍攝花絮

6月16日 

爸爸的同事~大小姐叫我俾小Be 嘅相佢, 因為佢有個朋友搵緊幾個talents 拍佢嘅產品硬照, 我就姑且一試! upload 咗啲相片同簡單介紹喺我個blog度俾佢哋睇...

6月19日

喺公司做做下野, 收到 creative agency 電話, 話小Be有機會喺星期六試鏡, 佢哋會安排工作人員到我哋屋企影相.

6月21日  

10點零鐘, Karen 姐姐就到達我哋屋企, 首先佢約略講解一吓個硬照內容同造型, 同幫小Be度身, 跟住就係影相o勒! 其實我同爸爸預咗小Be唔入選做小童星, 因為每當Karen姐姐叫小Be 做東, 佢就做西, 永遠都係做相反嘅動作... ... 影完相, 姐姐要走, 小Be 仲喊住唔俾姐姐走.

6月26日   又係喺公司做做下野時, 收到 creative agency 電話, 話小Be有已被選中做蜘蛛俠造型, 要喺星期日影相... ... 真係好緊張啊!!! 唔知小Be 應知應付呢!

6月28日   

同小Be 食完個 lunch 我哋就搭巴士(當然係想佢瞓一陣)去柴灣嘅studio影相. 我哋成3點先到達, 跟住換衫, 著鞋, 不過小Be 唔肯戴帽, 搞到我頭都大埋!  再warm up 吓, 就開始影相, 小Be 表現尚算ok, 不過佢要做嘅動作都幾難控制, 要喺地下爬爬吓同笑騎騎! 中間休息咗一陣再影過. 影咗兩個零鐘之後, 工作人員要求小Be 瞓覺, 再補返瞓喺度嗰幾個鏡頭, 小Be 用咗30分鐘時間瞓覺, 攝影師用咗30分鐘補鏡. 7點零鐘走人去尖沙咀同Connie 姨姨打邊爐, yeah!! 過程完畢!!

飲啖"他他"熱吓身先~~

準備~ 開始~~ 咔擦~咔擦~咔擦~咔擦~

睡look~~

ah Be 廣告篇 ~ 廣告出街嘅日子 (第一輯)

今日係 ah Be 大日子之一，就係小Be 早前拍嘅奶粉廣告出街嘅日子.  話說我今朝搭地鐵時，見到隔離位嘅太太份頭條日報內出現小Be 嘅奶粉廣告，好開心呀! 卒之等到出街啦!  呢次小Be 用咗大約3個鐘頭拍呢張"硬照"，過程唔係好辛苦，小Be 嘅表現都 OK 啦! 今個平面廣告有3個versions，小Be 嗰個造型蜘蛛俠排第一位，跟住係美人魚排第二位， 第三位係恐龍仔.

小Be嘅Spiderman造型 :

其他主角造型如下 :

農曆2歲生日篇

今日除咗係小Be 農曆生日外，仲係祐祐表哥嘅新曆生日，小Pat姨媽開咗個麥奴奴生日會俾祐祐表哥，小Be 仲可以掹車邊一齊切蛋糕tim，多謝小Pat姨媽！！ 令小Be 有個遲來，但開心的生日會！！！ 

小Be 已經兩星期無去街街啦！所以喺下午我同爸爸帶佢去海港城逛一逛，順道俾小Be 挑選生日禮物．今日小Be好乖，喺”玩具ｘ斗城”時，大部份時間都係拖著爸爸，又無喊住要買嘢，話行就行，話企就企，相當合作．我同爸爸買咗一套Pooh Pooh 煮飯仔+ 一件 Double Bear 嘅長袖tee + 兩本認字書俾小Be 做生日禮物．跟住去咗 Freshness Burger 食完個 tea 就去麥奴奴生日會．

個生日會喺5點開始，去到會場無耐，小Be 就瞓醒，一瞓醒小Be 又再食．食．食，到切蛋糕時，小Be 超級開心，見到啲哥哥，姐姐圍住蛋糕唱歌同影相，笑到小Be 見牙唔見眼！切完蛋糕，小Be 就同哥哥，姐姐出去遊樂場玩，好開啊！

開完麥奴奴 Party，我哋再去小Pat姨媽屋企開 Party，玩到成11點先返屋企覺覺豬啊！

揸砵砵車! 超型仔!!

Shopping ~ 戰利品

洋蔥圈~好味道!!!

仲有"檬檬茶" tim!!!

麥奴奴生日會

有得食!!

有得飲!!!

仲有得玩tim!!!

部份生日禮物~~

說話篇+學習進度

7月30日或之前講 ~ 撞車, 瞓覺, 唔該媽咪, 33樓 (婆婆住33樓), 痛痛, 唔好呀, 爸爸嚟呀, 爸爸/ 媽媽返工呀!

識哼 (未識唱) ~ 三隻白白豬 (唱到頭兩行) 

7月6日或之前識講 ~ 聖火 (奧運), 麥當奴 (以前係講奴奴), 豈有此理 (跟廣告), 快活 (大快活), 他他 (維他奶), 藥藥好味道喎, 唔該借借, 私家車, 識叫老師, 靚靚, 開門, 關門, mimi (叫姐姐), 食糖糖, 無車喎, 契爺, 契媽, 唔要, 下次見, 你好嗎? 趺咗, 無車, 等埋呀... ...

識唱 ~ 1. dun dun 轉, 菊花園, 炒米餅, 糯米慈 ... ...

          2. 點蟲蟲, 蟲蟲飛, ... ...

          3. 婆婆鄉下兒歌 (我唔識繹番廣東話) ... ...

          4. 豈有此理 ~ 廣告歌

戒片進度 ~ 戒片進行中, 日常家裹活動 (不包括外出) 不著片, 但差不多每日都有失手, 在睡眠時間要著片. 大大時, 會有表達, 但會失手