爺爺生日&曼谷之旅預告篇

今日係爺爺86歲大壽嘅大日子 ~ 爺爺生日快樂!!!

*:..｡♡*ﾟ¨ﾟﾟ･*:..｡♡*ﾟ¨ﾟ･*:..｡♡*ﾟ¨ﾟﾟ･*:..｡♡*ﾟ¨ﾟﾟ･*:..｡♡*ﾟ¨ﾟﾟ･*:..｡♡*ﾟ¨ﾟﾟ･*:..｡♡*ﾟ¨ﾟ･*:..｡♡*ﾟ¨ﾟﾟ･*:..｡♡*ﾟ¨ﾟﾟ

時晚同爺爺吃晚飯慶祝, 不過唔記得影相 

臨瞓前, 小Be 問我係咪坐飛機, 我話係.  佢答佢會乖... ( ◎_◎)係真唔係呀!!! 由個零星期前我已經同佢講, 我哋會去旅行, 要坐飛機, 佢又好似好期待咁... 唔知佢真定假呢?? 希望佢到時真係會乖啦!! (*´ｪ`)

今朝臨出門口行雷, 小Be 好驚 (佢由細到大都好驚行雷, 可能驚俾雷... ) 同我講 : ｢媽咪, 飛機好大聲, 好嘈, 好驚呀! 叫佢細聲呀! 抱我.｣  好好笑, 我唯有同佢講, 唔係飛機聲, 係行雷.  佢又好似似懂非懂咁答我 : ｢哦! 原來係行雷... ｣(*´ｪ`;) 真係明??!! 跟住我哋就出門口 lu!!

教導~廢話篇

尋日篇blog講過, 小Be 讀緊間學校好著重心靈教育.  其實我都幾鍾意呢間學校,  都想佢繼續讀上去, 不過我哋住嗰區係無好嘅小學, 所以都要諗諗其他選擇.  我個人應為小Be 除咗有物質滿足外 (盡量都唔俾太多), 佢嘅心靈滿足同個人品格先係最重要嘅.  所以, 我盡可能用一啲譬如法去解釋俾佢聽邊啲事係啱, 咩事係錯.  唔係一味話唔準呢樣同唔準嗰樣... 希望我呢個教法啱小Be 啦! 同埋要培育佢嘅愛心, 要愛護所有(生物同死物).  學識享受與其他人分享嘅樂趣. 

至於學習方面, 如果佢自發性+跟得上進度, 年年考試第一故然好.  如果, 學業中等但中.英.數好, 我都 OK收貨喇.  本人最怕嗰啲要谷仔/女入名校, 又灌輸一套叫"讀書係應該嘅, 玩同興趣係多餘"嘅家長... 同迫其他家長聽佢嗰一套"偉大"嘅"教育理念"... 唔好再攪我啦!! 我唔跟你嗰一套, 唔代表我個仔讀唔到書.  我要我個仔嘅成長路係有各方平衡發展!! 唔好再迫我聽你啲"廢話"啦, 唔該! 

時下啲人話小朋友心靈好脆弱... 好容易被傷害... 會唔會係大家過份保護咗呢?? 啲小朋友從來未試過挫折, 挫敗, 所以唔知點面對壓力, 又輸唔起. 咁呢個問題又係邊個問題呢???

慈善獎券活動

之前收到學校通告, 告知其學校嘅總教會 ~ 竹園區神召會需要籌募經費, 作提供安老, 幼兒及家庭等服務... 所以希望家長幫幫忙協助銷售.  我同爸爸都覺得有意義, 因為學校係非犀牟利團體, 平時學校灌輸好多心靈滿足嘅概念俾小朋友, 例如 :  協助小朋友送衫給需要的人.  所以今次活動我哋一家全力支持....  

喺呢度, 我要多謝幫我哋買慈善獎券嘅朋友.  再一次送上感謝詞. (唔係抽獎券都買仲唔係朋友!!!  )                                                    

http://hk.video.yahoo.com/video/video.html?id=1478957  

說話篇+學習進度

原來已經有5個月無update 到小Be 嘅學習進度.  呢幾個月佢嘅學習能力高咗好多.  咩都識講, 咩都識問.  說話技巧不能盡錄...

唱歌方面, 好多歌都識唱.  最近佢迷上"崖上的波兒" (日文同廣東話版) 同"世上只媽媽好".  請參閱以下片段 (世上只媽媽好 ~ 片段日後補上)   

http://hk.video.yahoo.com/video/video.html?id=1476502

日常自理能力高咗好多, 除外套後懂得放好.  自己除/著鞋.  自己食飯. 玩 Thomas 自己切路軌.  去街街可以自己行同拖住我. 飲完奶, 將奶樽放好.  自己如厠, 沖涼等等, 總之有好多事情佢都要自己做, 不能盡錄...                 

http://hk.video.yahoo.com/video/video.html?id=1478120                                            

戒片進度 ~ 每星期大約有一晚會濕片片, 努力中!

10月9日或之前講 ~ 唔要霸就, 多謝天父, 排排坐, 牌坊, 司機叔叔, 警察叔叔, 搽藥藥, 潘老師, 唔好呀, good morning, good night, carrot, thomas, 太陽伯伯, 魚蛋, 燒賣, 蝦餅, 粟米, 煙肉, 豬肉, 雞翼, 可樂, 麥當奴, 食物, 泊車, 停車場, 唔見咗, 腳趾, 滕條, 唔好打我呀, 錢錢車 (介款車)

開始說完整句子, 例如 : 媽咪, 沖奶奶俾熙熙飲呀!  媽咪sorry, 下次唔敢! ... ...

識唱 ~ 1. 太陽伯伯

          2. playgroup 放學歌

          3. playgroup 茶點歌

          4. Twinkle Twinkle Little Star

戒片進度 ~ 日常活動 (包括外出) 都不用著片, 只在睡眠時間著片, 有時能忍尿到睡醒到洗手間方便.  大大亦能表達和拿potty 到厠板上同叫我們抱他用.

媽咪唔舒服??

小Be 近呢兩個月嘅表達同接收能力都強咗好多.  頭先我陪佢瞓覺時, 我有一下喉嚨痕, 咳咗兩聲, 就出現咗以下對答 : 

事發時我同小Be 平排仰臥喺大床, 當小Be 聽倒我嘅咳嗽聲, 即刻九秒九彈起身望住我問...

小Be : 媽咪, 你咳咳呀?

媽咪 : 係呀! 咳咳呀!

小Be : 咁係唔舒服喎 ( ☉_☉)

媽咪 : 係呀... 有少少唔舒服啦 (*´ｪ`)

小Be : 咁有無發燒呀?? (邊講邊摸我額頭...)

媽咪 : 無呀! ... 快啲瞓啦! 乖

小Be :  咁聽日睇醫生啦, 媽咪! (￫ܫ￩)

媽咪 : 好呀! 快啲瞓覺喇... good nite!

小Be :  哦! goo...nite (音 : 姑... nite) 

~ 全篇完 ~

突然長大了??

今晚同小Be 路經商場, 見到大x活塊燈箱牌, 小Be 突然停低要我幫佢影一張相  搞咩呢???                                             

返到屋企, 小Be攞咗大Pooh Pooh 出嚟玩, 仲係要有對白嗰隻... 例如 : 小Be講 : Pooh Pooh, 小心啲呀!! 小Be扮Pooh Pooh 答 : 知道!

我突然間覺得小Be大個咗好多, 有好多事情佢都應該明白... 加埋佢拖住 Pooh Pooh 時, 發現佢高咗好多, 之前佢矮過Pooh Pooh 同攬唔晒Pooh Pooh, 但依家小Be 真係唔同晒囉... 佢依家會同我傾偈, 問我問題, 有問有答 (雖然佢有時九唔答八) 但真係有交流架.... 兩年半前嘅今日, 我諗都諗唔到小Be會變成咁... 哈哈!!

大家見唔見到小Be左眼頭損咗兩點?? 婆婆問佢點解損咗, 小Be答 : 同學仔, 搣我呀! 到我問老師, 老師話係佢自己弄損... 真係唔知邊個講真話...

自家+契家同樂日+DC 離奇失竊案!!

今日係~情人節, 所以小Be好忙.  因為佢嘅情人除咗媽咪同爸爸之外, 仲有公公,婆婆.  今年再加契爺同契媽o忝... 一早我同爸爸去咗學校見老師, 攞上學期嘅學習報告, 老師同我哋講小Be喺學校好乖, 好聽話...唔係 fa ... 有啲咁嘅事???? 老師仲話佢好慢... 做咩都好慢... 明明係第一個做, 佢都係最後完成... 唉... 小Be搞咩呢???  

中午同公公, 婆婆飲茶, 飲完返屋企瞓晏覺...

下午契爺同契媽喺4點零嚟搵小Be, 小Be即刻彈起身 (明明係瞓嘅覺...)!! 玩咗一陣, 我哋就去咗科大食tea 同玩吹波波!! 不過今日天氣好差, 又大霧又落毛毛雨... 所以好快我哋又返屋企... 差不多8點, 我哋去咗布袋澳吃海鮮! 食完之後, 契爺同契媽又返嚟同小Be玩, 因為小Be唔俾佢哋走, 要佢哋玩多一陣.  喺11點零鐘, 當契爺同契媽要走時, 佢哋先發現部 DC 唔見咗??!!?? 喺邊呢??? 我哋搵晒成間屋都唔見!!! 喺邊鼠唔見架呢???!!!