我愛的星座 ~~

我好鍾意兩個星座嘅人 :

1. 人馬座 - 對佢哋可以話係惺惺相惜

2. 獅子座 - 欣賞、投契

人馬座其中一種性格 :

最射手受了傷不會躲在陰暗角落，會正面出擊，讓對方不敢再惹自己

射手是正義感十足的人，當他發現身旁的人受到欺負，絕對會站出來力挺對方。當受到欺負的對象是自己，射手受到傷害，也會選擇替自己勇敢站出來，不會躲在陰暗角落，會正面出擊，讓對方不敢再惹自己。

但雖然射手可以表現很堅強的面對攻擊，替自己出氣，但射手的內心其實很脆弱，受到傷害需要非常久的時間才能復原，會在心上築一道牆，讓人無法輕易進入，拉開與人的距離。

我覺得... 堅係我囉~~

MEMO ~ 充電中

家中有位 memo 王

佢成日出 memo/告示俾我哋...

我同 memo王支電動牙刷壊咗好耐

差唔到電

我哋只係用返普通牙刷

呢幾日

memo王身痕

想用電動牙刷

所以佢搵返支牙刷出嚟

再擺好個陣 ~ 試圖差電...

佢仲喺個差電陣上

貼咗張memo 俾我哋 \0/

K&K 戶外婚禮

又到做花球時間

今次個花球係做俾 ~ 新娘子 Kalina San 

新娘子講咗佢嘅心水顏色俾我知之後

我就會去花墟搜羅

然後 whatsapp 俾佢知我買咗以下花種

主花係繡球花+牡丹 

因為今次婚禮主題係簡約、戶外

所以個花球體積比一般細

拼拼剪剪

搞掂～～

新郎襟花 

呢一對都幾襯喎　～～

剩餘的～～　自娛  

今日一早我哋一家轉咗四輪車去到婚禮現場

沿途有指示牌

天朗氣清

牡丹盛放～～　好兆頭

同新娘子合照~~

來賓唔使簽名

玩打手指模

一對新人嘅子女　～　Ｗａｔｓｏｎ ＆ Ｈａｐｐｙ　

現場一枱一木都係由一對新人喺過去幾個月一手一腳製造

新娘子由爸爸帶領穿過隨意門到達婚禮現場～～

好 sweet

  

不得不提餐飲服務

新人選擇咗社企　～　銀杏館

比較起到會水準　～　係好味架！

啤酒類　～　新人選擇咗香港製造　～　麥子

我哋一家都好喜愛呢個不一樣的婚禮～～

一個簡約、可愛嘅田園婚禮～～

（其實係好怕大龍鳳）

如果賓客有興趣嘅話

可以留低一晚 wild camp 架~~

小心地滑

幾年前

Be 貼過一張 ｢小心地骨｣ 嘅告示俾婆婆

幾年後今日

Be 放學返嚟

拎住張紙同我講 : ｢Miffy, 今日小息時, 我個位附近有一灘水喺度, 我驚有人會跣親, 所以我畫咗張告示放喺灘水前面, 提啲同學要小心! ｣

我一望, 咦! 張告示係寫 ｢小心地滑!｣ 喎!

最搞笑係 ~ 畫咗個人講 : Hey ~~

喺非學術層面

Be 係一個幾得意嘅細路

我諗佢可以喺逆境求存嘅人... ...

十八年後。。。做番條好漢

喺好耐。。。好耐以前。。。

我有過捐血習慣。。。

但唔知點解中途中斷咗。。。

近呢幾年好想再捐返

但每次都擦身而過。。。

做唔到。。。

今日Ｂｅ考試早放學

同佢有機會見到流動捐血站

於是一股作氣。。。　捐血吧！！

雖然Ｂｅ只係陪我。。。　但佢極興奮。。。

太耐無捐過血。。。

心情有啲啲緊張

驗血紅素時。。。

男護一吱我隻手指

噴到成枱都係血。。。

我哋三人忍唔住小叫咗一聲。。。

阿男護都話篤咁耐手指第一次見咁多血。。。

我離枱時佢要抺枱。。。消毒。。。

然後見護士

一查之下。。。　原來停咗十八年。。。

估唔到十八年後。。。先做番條好漢

護士安慰我之前有１１次都算唔錯

叫我努力

以後繼續做

嗯！我會！

到插針喉時。。。　真係啲緊張架。。。

今次輕鬆啲３５０ｍｌ

（其實好鬼尷尬。。。瞓底先至知大鑊。。。個站設喺商場大堂中間，左右兩邊有扶手電梯

上落。。。二樓同扶手電梯上啲人眼仔碌碌望住你兼食花生。。。）

十幾分鐘搞掂～～

希望可以保持呢個習慣。。。

Ｂｅ長大後會有呢個意識

期待兩母子一齊捐血的日子～～

舊地重遊

小時家住西環

西環、上環、中環上學

呢十二年甩咗唔少腳毛喺路上

十年前陀Be 時

血糖測試有一次擇界

加上老豆, 嫲嫲, 姑姐們都係糖尿一族...

我一定係高危...

所以耐不耐我都會驗血糖

食清啲

近日搵返當年生Be 贊育封血糖測試報告

睇返... 原來可以繼續喺贊育做血糖測試 (當時湊Be 湊到癲咗, 未有細看內容)

即刻掛號... ...

而家... 搭地鐵好快... (但生態環境已被破壞... ...)

出口轉左...

我喺呢度出世

陀 Be 喺度做產檢 

我最怕嘅糖水...

空肚飲完... 不停反胃... 

抽兩次血... 

飲糖水前抽一次

飲糖水呆等兩小時後抽一次

姑娘手勢好到不得了!!

 做完血糖測試

叫咗老表出嚟短聚

食我老豆至愛嘅胡椒豬肚湯底粉 (去海味街必食)

食完粉同老表逛咗一陣就分手

我一人漫遊西營盤至上環

沿住中學時代上學路徑

重遊舊地

雖然桃花非依舊，面目已全非⋯⋯ 

但我仍然好享受喺我的回憶中～

～～我的快樂時代～～

交通黑點... 奪命長命斜

中秋燈籠聖地

國嘉醫院 

方展博細個學師舖頭

細個睇私家醫生嘅地方

已清拆...  

醫生養咗好多小動物 ~ 兔仔、鸚鵡、金魚... ...

沿途一路左捐、右捐 (細路嗰時又係左捐、右捐... keke)

同學住呢邊 

而家番新咗靚仔晒

以前勁舊勁陰森... ...

  

馳名嘅卜公公園 

醫學博物館~ 超靚仔... ... 眼到我心心眼... ... 

四方街... 變晒... ... 舊式棺材舖變... 西式鬼佬風格~~

游咗兩個幾鐘

慢慢行... 慢慢欣賞...

好開心、好滿足