過去四個月... ...

失踪咗四個月

去咗邊??

因為公司攞咗啲新客

得老細"賞識"

由半日轉咗全日

點知由九月尾起... ...

瘋狂OT... ...

每日朝9晚8 

一星期有1/ 2日朝9晚9以上

仲試過有幾晚通頂呀

好多時因為想清嘢

星期五唔使趕返屋企

做夜啲... ...

呢四個月真係攰到一個點... ...

一空閒... 一坐底就瞓得著...

頭三個月

因為未請齊人

一隊13-15人嘅team

只有4人

忙到一個點

無時間去厠所. 飲水. 食晏... ...

一日十個會... ...

睡眠質素好差

一係失眠 一係發夢喺工司做緊嘢... ...

兩個月未夠... 瘦咗20磅... ...

M 都無咗... ...

個人完全死晒... ...

好彩睇咗一排中醫好咗好多

都而家有啲血糖不穩... ...

所以... 係時間停一停

諗諗新方向啦~~

毛管戙

尋晚同Ｂｅ契媽一家去咗西貢食飯

飯後攞車途中

經過某屋苑

當時同契媽傾緊不同宗教。。。

當佢講到某朋友係ＸＸ教都遇過＂飄＂時

我全身由頭到腳毛孔突然完成擴張。。。

毛管戙＋極度發麻。。。

歷時超過３０秒

持續一段時間感覺毛孔不能收回原位。。。

我當時無同契媽講我嘅感覺

返到屋企

好咗啲啲

去到十一點幾

剩下我一個在廳等洗衣機洗衣物

坐坐下恰著咗。。。

過咗一陣

突然醒咗。。。

但身體好似俾人撕開兩邊

右邊痺痛　左邊刺痛。。。

諗一諗唔多對路

咋咋林入房瞓。。。

今朝一起身

好似俾人打咗一身。。。＝．＝＇

*** *** ***

早幾晚。。。

有一晚

Ｃｈｉｕ　Ｂａ　工幹不再家

瞓到半夜

右邊傳來一聲　～　哈! (男人聲... 惡惡哋) ←_←

嚇到我彈起。。。☉_☉

我以為有賊。。。

起身睇下

無嘢喎。。。

急急腳返上床。。。

*** *** ***

唔知兩件事關唔關事呢??

其實我對＂飄＂都好敏感。。。

有啲地方不能去太多

例如:醫院、庵堂、殯儀館... ...

簽名

返咗學已經兩個星期

功課、通告開始多

Be 狀態尚可

一如以往

甩漏。。。小六。。。仲係多

某晚

Be 遞手冊俾爸爸簽名 

(好少俾爸爸簽, 通常我唔簽佢就俾爸爸簽)

Be : ｢Daddy, 幫我簽手冊吖, 唔該!｣

爸爸 : ｢簽名?! 簽邊度? ｣

Be : ｢呢度!｣

爸爸 : ｢簽咩名好?｣ (玩嘢mode)

Be : ｢嗯。。。金秀賢啦!｣

爸爸 : ｢哦。。。｣

他們今天失業了!!!

今天... 他們失業了!!

希望呢次失業係暫時性

好快可以復工

自己一直都有收集癈紙

朝早輪流分給公司附近的老人們

呢兩個星期日日背著一袋紙品 

送到老人手上

盡量將家中紙品分享

希望佢地可以賺多一分一亳

以往經過分亨癈紙時

大家已經建立一點點感情

一個眼神、一個微笑

都感受到一點點

有時加點節日特別小禮物

老人家的一個開心笑容

遠比中六合彩特別獎😆😆

做多一點點

人人快樂多一點

陪著你走

8月中某夜

睡前講悄悄話

其中一段話 :

我: ｢Be, 如果將來有機會去外國... ...  ｣ (下刪百字)

Be : ｢媽咪, 我唔想去呀!我想同你.....   ｣ (下刪數十字)

我: ｢不過, ... ... ｣(下刪百字)

突然... 

耳邊有一把好輕嘅聲音響起唱... ... (不禁一怔... ... 咩料!)

｢ 陪著你走(走... 有震音...)　一生一世也不分


天天編出兩雙足印　過千山過千海


如果(果... 有震音...)　走到這世界邊端
 (端... 有震音...)

我倆已是無力前行　跟我一起飛去... ... ｣

接著... ... Be : ｢媽咪, 你明唔明呀?｣ ←_←'

我... ... 投降... ...了

我: ｢明... 明... ｣

爛鞋佬

呢幾年

臭Be 返學嘅部份書同校服

都係用表哥的二手貨

我同 Chiu ba 都覺得無所謂

盡量不浪費

不製造垃圾

因為表哥都係著爛鞋一族

所以無二手

臭Be 平均每年都要換一對鞋

左一對 P4 ~ 磨到鞋面爛晒... ...

右一對 P5  ~ 原本諗住執到平貨 ($3XX) 可以著兩年

(其實到而家仲啱著架... ...)

點知... ... 都係爛咗... ...

今次... ... 玩磨爛鞋底... ...  

連脊醫都佩服佢著呢款健康鞋都爛... ...

上星期一回校落雨... ...

對鞋浸水

成對襪底變咗啡色... ... 激死我... ...

唯有買對新鞋俾佢

大個仔! 買绑帶鞋

希望你錫住對鞋著啦!! 

小六開學啦!!

全年最開心嘅月份 6-8月眨眼過去

又開始追趕嘅生活... ...

星期一

Chiu Ba 出差

我帶臭Be 返學校見校長同班主任

又係落雨天... ... 宿命... ...

今年有兩個呈分試要準備

希望臭Be 可以全力以赴 做到最好

可以考到一間啱佢嘅學校

努力呀! 臭Be