中一面試

時光飛逝

Be 將踏入12歲

如無意外

將會由小學雞升格成中一雞

一月中入紙自行分配申請

我地入咗兩間中學申請

到二月收到面試通知書

一睇... 大件事....... 

兩間中學同一日早上面試... ... 時間只係差65分鐘...... 

 我超擔心... ... Be 會遲到參加唔到第二間 (B中學) 面試 (我心儀的一間)

面試係3月10日星期六早上

所以三月頭嘅星期六

我哋一家去預習幾次由A校到B校的最快路線 

(當年生Be都無綵排去醫院... ...)

確保當日不會遲到到B校

但都擔心A校面試超時... ...

*** *** ***

到咗面試日

準時(早到) 到達 A校

好彩的是 ~ 面試時間約35分鐘

有30分鐘到B校~~

有驚無險過關  

準時(早到) 到達B校

*** *** ***

A校面試4人一組, 面試內容 :

1. 英文自我介紹

2. 英文同老師交談

3. 看圖英文簡報 (Presentation)

4. 中文小組討論 (5 分鐘)

面試後問Be 小組討論題目是?

假期應否零功課 (我一定知佢會答: 贊成!)

佢答 : 贊成! (Bingo!)  因為.......

其他人係反對的... ... 

佢話無人願意第一個出聲討論

所以佢做第一個發聲 (因為佢係辯論隊員, 識控制... )

但跟住就無機會出聲... ...

因為其中一位同學一個人獨霸三分幾鐘... ...

佢一句都插唔到... ...

*** *** ***

B校面試約4-6人一組, 面試內容 :

1. 中文自我介紹

2. 中文同老師交談

3. 中文小組討論 (10 分鐘)

面試後問Be 小組討論題目是?

小學生應否上網

佢答 : 不應該! 因為... ...

佢又話無人願意第一個出聲討論

所以佢做第一個發聲

同埋做總結

*** *** ***

以上內容唔知真定假架... ...

我最希望喺自行分配階段

B 校已取錄 Be

咁我就安樂晒... ...

但... ... 結果有待7月10日連同統一派位一齊揭曉

有排驚呀... 我... ...

*** *** ***

依家努力填統一派位表~~

防波堤

啱啱同Be 傾開

港珠澳大橋人工島防波堤嘅把石躉散咗啲
（應該係，除非唔係）

姑且不談係真特登定假特登

喺我地睇緊人工島設計圖 vs 實物圖時

Be突然指著人工島圖話 : 媽咪，個設計有問題！

我：有咩問題？

Be：個人工島應該升高啲嚟起，點解起得咁低？如果有海嘯點算？咪冲冧曬個島？啲水湧入隧道?

我：你諗多咗⋯⋯

Be：唔係呀！有機會海嘯㗎！起高啲，安全啲呀！

我：係嘅，你都講得啱嘅！

正義英雄

Be 學校會喺每個長假期時

要求同學寫中英文各一篇生活隨筆

喺新年假呢篇生活隨筆題目係 — 正義英雄

剛剛派返嚟

我一睇忍不住偷笑

個傻瓜居然寫我😂😂

我問：點然寫我？

Be : 作文，無特別

我問：你幾時同人打架？

Be：作咋，唔係真。

我：吓！

Be：作文，求其交功課... ...

Cool 到一個點🙄🙄

使唔使咁Cool 呀！🤔🤔

**佢已進入青春期.......

現代小學常識科

現代小學常識科

真係唔易讀

而家嘅小學生係萬能小寳寳

有點預先消費... ...😰😰

相比我的讀書年代

佢地小學已讀我初中年代的書😪😪

自問本人若生於這世代... ...

應該會被人道毀滅... ...

對現今學生心感佩服

*** *** ***

現今高小課程包括 :

小四那年 ～ 讀全身器官

上至支氣管下至膀胱

～ 香港地理環境、歷史

～ 地球生態.......

小五 ～ 香港政治、 經濟體系

～ 中國歷史

～ 太空、銀河系⋯⋯

小六 ～ 政府功能、架構、運作、選舉、公民權利、義務

～ 中國近代歷史

～ 全球暖化、能源危機、地形等⋯⋯

今晚同Be 溫習考試⋯⋯

串生字已經串到掹掹地呀 ~ 我⋯⋯😖😖

呢度只係少部份串得唔太熟嘅生字⋯⋯😖😖

啱啱至可以上床覺覺豬... ...😴😴

祝佢明早好運!!🤣🤣

短別離、後感

我諗我喺公司嘅人緣都幾ok

啲組員都有啲唔捨得我走

組頭同HR 、IT 講要留住我個位俾我

驚我喺新崗位唔慣

會發毛

所以留俾我得閒上嚟抖悶氣

感恩可以同佢地遇上

亦有finance 同事知道我離開

覺得愕然😳😳

定一定神

以為我休息無嘢做

想請我做part time 😂😂

問我介唔介意錢少少

真心覺得

好滾動 😭😭

媽媽全職小兒大進步

全職以來

都無諗過請姐姐幫手

自己晚飯自己煮

有時遲咗走

連超市都無咩買... ...

唯有喺 Be 上完功課班後

叫佢去買啲菜. 肉

電話 remote 佢買菜

佢揀啱心水就會影相俾我睇

作最後決定

有時佢都會滲定啲菜同洗定米等我返嚟煮

有時放早, 婆婆唔得閒

無人照顧佢

佢都會自己食lunch

然後去功課班

其實佢都辛苦咗

好攰

成日唔可以好早返屋企 (不能獨留兒童在家)

因為每日都好趕

我又無咩時間同佢跟功課進度

所以成績都差咗

母子關係又差咗。。。。。。

同埋佢都好寂寞。。。。。。

希望嚟緊會好好多啦！！

另外

我阿娘每星期都至少煲一次湯接濟我。。。。。。

又會幫我醃定啲肉同買菜

又會有餃子

煎＋淥

雪箱都儲定啲貨

有烏冬。肥牛。蠔。

有時叫Ｂｅ買３個蕃茄

又速食一餐～～ 

今晚之後

一切回復正常～～～

柳暗花明... ...

原定今日３月２日

最後一個工作天~~

點知早兩個星期

我前。前工作崗位嘅現任同事

因病請辭

所以大老闆問我有無興趣轉頂佢個位。。。　。。。

我諗咗一個 weekend

同 chiu ba 商量過

佢話下一份工盡量以唔影響家庭為大前提

如果唔得，寧願休息下

我自己想法係。。。希望有工作能力都賺下錢

不過唔要困身

所以我開出重回半日工作

大老闆話可以試下

試下３個月先

好吖！試下囉～～

為咗撒退而唔影響日常運作

我喺呢組嘅 Last day 會改喺３月１３日

然後我會放一個小休

３月２６日重新上路

請祝福我。。。　。。。