鴨脷洲口音

小六最後一個考試

如火如荼進行中

學校一直安排

星期四丶五 + 一、二

中段回一回氣

（我好鍾意呢個安排）

小三第一次轉校長玩新嘢

測驗連考三丶四天

大人丶細路吃不消⋯⋯

好快轉回正常運作

*** *** ***

今晚

有位中童讀緊佢最鍾意嘅GS

我問題目

佢口答

我囗痕問：xxx(答案)點串?

中童答：starvatio_ 🙄🙄 （好明顯係同佢阿娘玩遊戲⋯⋯）

我：咩口音呢？點解咁串？

中童答：鴨脷洲口音囉！你唔係唔知呀～～媽咪... ... 

（懶得戚地笑）

只可以講中童已日漸長大

唔會再任阿娘搓圓撳扁丶任人魚肉了......🤔🤔

中學學位分配

躲也躲不了系列... ...

眨下眼六年過去

原本以為離我好遠

四月中要填學位分配表

由派表到交表

過程只係一個星期鬆啲

chiu ba 喺呢個星期出差

只有我一個返學校聽講座、填表 (交正式表前, 要交一次(初版)俾班主任睇睇) 

好大壓力... ...

我驚揀錯咗... ...

因為校網女校多

中上/中等男女校少... ... 男校更少... ...

所以每晚等Be 瞓咗

同chiu ba 略傾完之後

都呆諗幾小時

去到死期至交到份初版俾老師過目

老師微執後派回

到chiu ba 回歸

我要佢自己排一份

然後對比一下大家嗰份表格次序

有咗共識!

交表~~

祝 Be 好運!!

小六常識小組專題研習

小六GS Group Project又嚟啦!!

今年主題係 ~ 環保概念

所以佢哋決定做一個環保車庫

今年好好彩

無家長插手呢個 Project

不過佢哋嘅 time management 同人手調配有待改善

5月20日約咗一個同學仔 ~ 班長喺 mega box 做模型

約好10點見

去到一望

嘩! 好開心呀! 無家長在場

我幫佢哋將啲板割好

就同Chiu ba 去嘆早餐同行街

兩個幾小時過去... ...

返去望下佢哋

吓!! 點..... 解...... 好似咩都無做過嘅??!!

兩人投訴膠水黏唔實又難乾... ...

我終於要出手啦... ...

叫佢哋去搵牙籤

幫佢哋喺板中加'榫'位

再用白膠槳黏實

呢個時候班長媽媽都返嚟

都嚇咗佢一跳

點解係原地踏步嘅... ...

於是

我哋問佢哋想點佈置個模型

仲有咩材料需要買?

然後班長媽媽去樓下書店買材料

Chiu ba 教佢哋駁太陽能板加燈膽

加咗榫位佢哋就好容易裝好個車庫

中間我同Chiu ba 都去咗$12 店買材料 (抵啲嘛!)

經過佢哋一輪Turbo 

加埋我哋3位家長嘅監督

終於喺下午4點幾完工

聽日 (5月31日) 佢哋要做 Presentation 啦

  

4個同學仔都用不同理由推辭唔寫自己嗰部分嘅講辭

一直保著｢ 人人為我、我為人人 ｣精神嘅Be

一口氣寫咗5份講辭稿 

希望佢聽日報告成功!!

為小六生涯畫上完美句號~~

由51cm到155cm

出世時你只有51cm長

轉眼已過151cm 啦！（我諗🤔已經有155cm 呱.....）

可唔可以唔好高得咁快？

唔係唔捨得你大，係怕你好快停止生長......

#misstheolddays

#我家有個大蕃薯

#我怎麼捨得你咁快大

中一面試

時光飛逝

Be 將踏入12歲

如無意外

將會由小學雞升格成中一雞

一月中入紙自行分配申請

我地入咗兩間中學申請

到二月收到面試通知書

一睇... 大件事....... 

兩間中學同一日早上面試... ... 時間只係差65分鐘...... 

 我超擔心... ... Be 會遲到參加唔到第二間 (B中學) 面試 (我心儀的一間)

面試係3月10日星期六早上

所以三月頭嘅星期六

我哋一家去預習幾次由A校到B校的最快路線 

(當年生Be都無綵排去醫院... ...)

確保當日不會遲到到B校

但都擔心A校面試超時... ...

*** *** ***

到咗面試日

準時(早到) 到達 A校

好彩的是 ~ 面試時間約35分鐘

有30分鐘到B校~~

有驚無險過關  

準時(早到) 到達B校

*** *** ***

A校面試4人一組, 面試內容 :

1. 英文自我介紹

2. 英文同老師交談

3. 看圖英文簡報 (Presentation)

4. 中文小組討論 (5 分鐘)

面試後問Be 小組討論題目是?

假期應否零功課 (我一定知佢會答: 贊成!)

佢答 : 贊成! (Bingo!)  因為.......

其他人係反對的... ... 

佢話無人願意第一個出聲討論

所以佢做第一個發聲 (因為佢係辯論隊員, 識控制... )

但跟住就無機會出聲... ...

因為其中一位同學一個人獨霸三分幾鐘... ...

佢一句都插唔到... ...

*** *** ***

B校面試約4-6人一組, 面試內容 :

1. 中文自我介紹

2. 中文同老師交談

3. 中文小組討論 (10 分鐘)

面試後問Be 小組討論題目是?

小學生應否上網

佢答 : 不應該! 因為... ...

佢又話無人願意第一個出聲討論

所以佢做第一個發聲

同埋做總結

*** *** ***

以上內容唔知真定假架... ...

我最希望喺自行分配階段

B 校已取錄 Be

咁我就安樂晒... ...

但... ... 結果有待7月10日連同統一派位一齊揭曉

有排驚呀... 我... ...

*** *** ***

依家努力填統一派位表~~

防波堤

啱啱同Be 傾開

港珠澳大橋人工島防波堤嘅把石躉散咗啲
（應該係，除非唔係）

姑且不談係真特登定假特登

喺我地睇緊人工島設計圖 vs 實物圖時

Be突然指著人工島圖話 : 媽咪，個設計有問題！

我：有咩問題？

Be：個人工島應該升高啲嚟起，點解起得咁低？如果有海嘯點算？咪冲冧曬個島？啲水湧入隧道?

我：你諗多咗⋯⋯

Be：唔係呀！有機會海嘯㗎！起高啲，安全啲呀！

我：係嘅，你都講得啱嘅！

正義英雄

Be 學校會喺每個長假期時

要求同學寫中英文各一篇生活隨筆

喺新年假呢篇生活隨筆題目係 — 正義英雄

剛剛派返嚟

我一睇忍不住偷笑

個傻瓜居然寫我😂😂

我問：點然寫我？

Be : 作文，無特別

我問：你幾時同人打架？

Be：作咋，唔係真。

我：吓！

Be：作文，求其交功課... ...

Cool 到一個點🙄🙄

使唔使咁Cool 呀！🤔🤔

**佢已進入青春期.......