由唔知幾時開始, 小Be 愛上McDonald, 不過佢都識得適可而止, 唔算好上癮, 好多時係食粟米杯, 魚柳飽/ 漢堡飽 (小Be 叫佢做 "漢漢飽") 同少量薯條, 至於雪糕... 佢係唔會吼嘅 (佢一見/ 食倒, 就會話 : 凍凍). 我同爸爸一路都好贊成咩都要俾小Be 試食, 佢無被拒絕, 咩都試過, 咁咪無好奇心囉, 咪唔會越禁制越反抗囉... 所以小Be 喺食方面, 係可以好自律嘅. 做事方面, 我從來都唔會好保護佢, 只會喺附近靜靜睇住佢 (當然係可控制情況下), 即使佢會跌倒/ 有輕微損傷, 我都會任由佢撞下板, 我要佢由小到大都要佢習慣撞板嘅滋味, 勇於接受失敗, 可以從錯誤中吸取教訓.
離咗題o忝, 其實我想講小Be 好鍾意喺屋企玩McDonald 玩具, 夾漢漢飽食, 扮飲氣水等等....仲要係扮得好開心!!! 睇圖你哋就會明架喇!!
沒有留言:
張貼留言