"介片"進度

其實小Be 已經學緊"介片"差不多兩個月, 由唔肯除褲,坐"坐厠"到依家識表達要"尿尿" 同 "屎屎" (當然隅有失手啦!), 差唔多可以完全"介片".

真係要多謝婆婆, Mi 姐姐嘅努力. 

仲要特別鳴謝 : 駿駿表哥 (駿駿表哥真人示範如何如厠-咁都得?!!).  小Be, 你要努力同加油呀!!

在婆婆家如厠情況 (密絕曝光) :

說話篇

今朝小Be 又有新嘢講, 就係 "撞車"!!! 話說我喺洗手間梳洗時, 小Be 將架大巴士撞埋個 "厠所" 度, 然後同我講 : 媽咪mo, 撞車喎! ... ... aiya! 點解佢會識講 "撞車" 架!!!! 我唯有同佢講 : BeBe, 唔好撞車啦, 車車會痛痛架! 錫番車車啦!  小Be 又真係聽我話錫番車喎!  不過轉頭又將架大巴士撞埋我隻腳度, 同我講 : 媽咪mo, 撞車喎!  激死!!!

7月30日或之前講 ~ 撞車, 瞓覺, 唔該媽咪, 33樓 (婆婆住33樓), 痛痛, 唔好呀, 爸爸嚟呀, 爸爸/ 媽媽返工呀!

識哼 (未識唱) ~ 三隻白白豬 (唱到頭兩行) 

7月6日或之前識講 ~ 聖火 (奧運), 麥當奴 (以前係講奴奴), 豈有此理 (跟廣告), 快活 (大快活), 他他 (維他奶), 藥藥好味道喎, 唔該借借, 私家車, 識叫老師, 靚靚, 開門, 關門, mimi (叫姐姐), 食糖糖, 無車喎, 契爺, 契媽, 唔要, 下次見, 你好嗎? 趺咗, 無車, 等埋呀... ...

識唱 ~ 1. dun dun 轉, 菊花園, 炒米餅, 糯米慈 ... ...

          2. 點蟲蟲, 蟲蟲飛, ... ...

          3. 婆婆鄉下兒歌 (我唔識繹番廣東話) ... ...

          4. 豈有此理 ~ 廣告歌

戒片進度 ~ 戒片進行中, 日常家裹活動 (不包括外出) 不著片, 但差不多每日都有失手, 在睡眠時間要著片. 大大時, 會有表達, 但會失手

其實小Be 已經識講好多嘢, 大多數係跟我哋口水尾. 佢有時會掌握到點樣運用.  例子1 : 我幫佢做咗一啲嘢, 小Be 會講 : 唔該媽咪!! (聽到我覺得好 lum, 好渦心!! 

婆婆, 睇吓我隻"臭臭腳" ~~

跳跳舞~~ 扮恐龍先!!

俏皮ma?? 請保持 ~ 微笑!!

同公公,婆婆嘅合照~

嘩!湯湯呀!

興奮的一天

今日係小Be 2歲嘅第2日, 下午1:20 如常到上playgroup , 今日係小Be病後復課嘅第一天, 佢好似唔係好記得啲同學仔咁... ... 

今堂主題係 ~ 船船, 易老師帶咗好多船仔俾小朋友認識, 仲同佢哋玩撐船仔tim, 小Be坐喺塊滑板上面, 我就喺後面推, 爸爸mo 負責拍攝, 小Be玩到 "咔咔聲".  落堂前老師派咗學期成績表, 結果係 ~~ 不過不失啦! 跟住我哋去食麵麵, 然後返屋企瞓覺覺豬.

到接近6點, 我哋去爺爺屋企切蛋糕同食晚飯. 食完飯正準備離開時, 收到五姑丈電話話五姑媽要生BB啦! 我哋立即同伯伯, 大姑媽, 伯娘到醫院見"新表弟", 新表弟得意同 好搞笑, 小Be仲成日叫新表弟做妹妹tim... ... 小Be今晚相當興奮啊~~

今日玩咩呢??!!

吓! 用搥仔??

上堂騎膊馬~~ 乖極有限!!

切蛋糕都唔專心嘅!!

好Yeah!! 好味道!!

7月26日~2歲生日大日子

祝小Be  : 生日快樂! 身體健康! 快高長大! 活潑可愛!

今朝小Be 為咗慶祝自己生日, 所以7點幾就起身 (我諗... ), 要我喺廳度同佢玩 ... 

由於小Be仍未完全康復, 所以無慶祝活動, 只係同婆婆食餐飯仔同食件餅. 今朝10點幾我哋同小Be去 "大X活" 食早餐, 佢好有胃口, 除咗起身時飲咗一支奶奶, 仲食咗一碗通心粉tim, 跟住帶小Be去睇何醫生, 因為小Be對小眼睛仍然佈滿紅根 ... 何醫生話可能係啲病毒未清, 所以對小眼睛仲係好紅, 要滴眼藥水.  然後我哋喺商場行咗陣同食咗個糖水先返屋企瞓覺覺豬 (街 ~ 實在太熱啦!).  瞓到4點幾, 我哋就準備同婆婆去探公公. 探完公公之後, 我哋去咗大坑食晚飯, 飯後點咗一件 Blueberry Cheese Cake 佢食, 食到好開心 (本來訂咗個蛋糕架, 因為要探公公, 所以趕唔到去攞, 唯有留番聽日去爺爺屋企食啦). 食完晚飯(9點幾)我哋就返屋企lu! 小Be仲喺車到瞓咗覺覺豬 tim !

早晨呀!

打番陣鼓先, 然後出街食早餐!

嘩!早餐到lu! yummy yummy!

幫爸爸"搞"吓杯咖啡先 ~

馬豆榚~好味道喎!

有氣嘅水都幾得意喎~~

應媽咪mo 要求, 扮開心笑嘅様 ~ 真 . . . 浮誇!!

浮誇!!! 咁咪唔笑囉!

我要食呢個, 我要食嗰個!!

見過"烏嘴狗"未? 未見過就睇吓熙熙壽星仔個Look 啦!

小Be再次入院記 ~ 第三天

今日喺醫院等報告，小Ｂｅ啲燒開始退，啲疹退得八八九九，眼睛無咁紅，醫生話中”川崎症”嘅機會大大減低，所以可以出院，但仍要留意佢嘅健康進度．

出院後返婆婆屋企食飯，不過小Ｂｅ食得唔多，我發現佢口腔生咗幾粒～飛滋同出緊一隻大牙所以唔想多食啦！

食完飯我哋就返屋企，跟住契爺同契媽就嚟探小Ｂｅ，同佢玩得好開心，契爺同契媽走時，小Ｂｅ仲好唔捨鬼同喊ｔｉｍ．

粥粥．．．好味道喎！！

小Be再次入院記 ~ 第二天

小Ｂｅ尋晚瞓得好差，今朝仲超百厭，唔肯喺床玩，要我抱抱．．．玩死我啦！！

小Ｂｅ啲燒時退時起，對眼仍然好紅，擔心死我啦！

到１１點，婆婆同姐姐嚟接班，我就返公司．到３點幾就到爸爸接班，下午醫生見第五個病徵仲未出現，就話小Ｂｅ有機會中另一個病～扇病毒，又要抽血啦，決定俾小Ｂｅ返屋企渡假一晚．

不過要時時記錄低佢嘅食量，飲水量，探熱同”便便量”．返到屋企見到舅父嚟探小Ｂｅ，佢好開心！小Ｂｅ今晚好痴身，一步不離，一定係喺醫院到嚇親～～　聽朝９點要返醫院啦！

請睇下我隻”木乃伊”手．．．

好似”擘完友”咁！

小Be再次入院記 ~ 第一天

經過勞碌嘅一日, 決定準時離開公司，帶小Be 去何醫生度睇睇小眼睛．

何醫生幫小Be 診過症後， 佢懷疑小Be 感染"川崎症"，提議寫紙再入院，因為"川崎症"有五個病徵，小Be身上已出現四個病徵，其中有對"紅眼睛"，於是我打電話俾爸爸，我哋決定再帶小Be入院，不過今次近近哋入將軍澳醫院．

醫生話只係出現四個病徵 (醫生係擰住本書睇病徵．．．問你驚唔驚??) ，未能確診，要留院觀察，入院後小Be再一次抽血．．．我再一次心痛．．．　

今次小Be好勇敢，只係喊咗幾聲就收聲，仲同姑娘傾偈tim．最後我留院陪小Be．．．

小Be入院記 ~ 第三天

小Be 喺尋晚一覺瞓天光, 懶理其他環迴立體聲喊聲.  醫生巡病房時 (11點), 幫小Be檢查完之後, 發現佢嘅燒退咗好多同淋巴腺都好咗啲, 所以醫生決定批准小Be 出院, yeah!! 我即刻打電話話俾爸爸知, 仲叫佢唔使到醫院, 我自己同佢返屋企.  但返到屋企我發現小Be 對小眼睛好紅... ... 點解呢?? 唯有聽朝去睇醫生啦... ...

出院 lu, yeah!!!

GoGoGo!!

小Be入院記 ~ 第二天

今日係小Be入院嘅第二日, 佢嘅情況有啲好轉, 不過仲係發燒同淋巴腺發炎.  喺病房入面任何人都唔可以周圍走, 只可以喺自己張床嘅範圍活動, 小Be都算乖, 肯留喺床度玩.  今日本來係小Be同謙謙表哥聯辦嘅生日會, 原本喺下午5點舉行, 我哋仲向醫生申請放假半日去生日會, 但醫生話小Be仲發燒, 所以拒絕我哋嘅申請.....

小Be 喺1點幾就瞓著咗, 我同爸爸急急腳去咗Grace姨媽屋企沖番個涼同傾吓偈, 到3點幾返到病房, 小Be已經醒咗, 仲好乖咁瞓喺床度睇電視, 姑娘話佢好乖, 瞓到中途醒咗喊, 佢哋陪小Be同佢玩一陣佢就唔喊, 後尾仲瞓著咗tim.  佢下午茶食咗一條粟米+提子.

近黃昏開始, 小Be忍唔住啦! 開始想周圍走, 但姑娘唔準, 唯有扭計啦! 喺我身上鑽來鑽去, 玩到我 dun dun 轉... ... 由於隔離床啲BB嘅超級喊聲, 小Be成10 點先瞓得著 ... ... 好彩佢一旦瞓著, 點嘈都唔醒仲一覺瞓天光tim !!

媽咪mo, 等我擺番個pose先影啦!

Dun dun 轉, 菊花園, 炒米餅... ...

仲有咩可以做呢?!!!成日流流長... ... 唉!!!!

唯有試下眠一眠啦... ...

鳴... 鳴... 放我出去呀... 鳴... 鳴... 媽咪mo... ...

小Be入院記 ~ 第一天

小Be由15日(星期二)晚起發燒，喺16日(星期三)晚我哋發現佢左邊頸生咗塊硬硬哋嘅野，圓周有乒乓波咁大，於是即刻去睇醫生，但何醫生當日放假，唯有睇當值醫生，醫生話佢似係淋巴腺發炎，所以要食抗生素．

但到咗今日小Be仍然持續發燒，朝早仲嘔黃膽水tim，粒乒乓波無細反大，於是我哋去見何醫生，何醫生話小Be好嚴重，要寫紙入院接受治療，

我同爸爸帶小Be去佢出世嘅醫院 ~ 瑪麗醫院，去到急症室登記後，好快有得睇醫生，醫生話要照X-ray同入院，當爸爸帶小Be去照X-ray時，聽到小Be大叫媽咪mo，爸爸mo，"驚驚" 同 "我好驚驚" + 大喊，我個心當堂"實晒"，好唔開心!!  

過咗十幾分鐘後，小Be終於出返嚟，即刻攬住我叫媽咪mo，驚驚同大喊． 到上病房，仲要檢查同抽口腔分泌物，鼻水（抽到流晒血）同 "vv"，最後一環係～抽血，由五位姑娘捉住小Be＋五花大綁．．．小Be超級驚恐＋狂喊叫媽咪mo，但我只可以企喺房外等＋心痛．．．

有位清潔嬸嬸勸籲我同爸爸去食個tea，因為可以聽唔到小Be嘅求救聲，二來可以食飽啲，有排都無得食．於是我同爸爸turbo腳去canteen．後尾返到病房，小Be已經抽完血，仲好乖無喊同醫生玩緊．然後我留守陪佢，爸爸就返屋企攞日用品．其間小Be不停咁問”爸爸嚟呀？”到８點幾爸爸返嚟買飯我食，小Be爸爸玩．到９點小Be飲完支奶奶就覺覺豬．真乖乖!!

入院前一晚的大頸 look

鐵窗... 呀唔係... 係鐵床生涯原是... 悶!!!