發燒?? 你燒定我燒??!!

喺星期三嘅早上, 我叫小Be 落床換校服返學時有以下對話 :

媽咪mo : 小Be換衫衫返學!

小Be : 唔返學呀!

媽咪mo : 點解唔返學呀?

小Be : 發燒呀! (發燒!! 咁都講得出口!!!!)

媽咪mo :  發燒?? 過嚟媽咪度探熱, 睇吓係咪發燒先

小Be : 篤耳仔, 探熱呀! (一邊講一邊指住耳仔)

媽咪mo : 係呀... 快啲!! (一邊摸小Be 額頭) 無發燒呀! 返學啦!

小Be  : 無發燒呀! 好呀! 返學呀! (一臉無邪, 天真地笑 )

劇情發展到呢度, 已經完結.... 係咪好驚呢! 咁細個已經識食人口水尾 (最慘係又食得啱喎....) 所以大人講嘢要小心啲, 小朋友會學架!