請將音量關細

話說尋晚返到屋企, 我入咗房而小Be 喺廳, 佢又慣性咁開電視, 錄影機同音響 (每次都扭到個volumn 鬼咁大聲~成8x度, 我要眼明手快咁扭返細佢) ... 

但今次我喺房度, 幫唔到佢啦!! 嘈到"boom! boom!"聲, 嚇到小Be 大喊+飛奔入房搵媽咪mo ~ 我.  我唯有安慰佢兼出廳扭細聲啲.

到今晚返到屋企, 小Be 唔敢自己開電視, 佢同爸爸講 : 唔該, 爸爸開電視.  

嘿嘿!   卒之奸計得逞

其實尋晚我入房俾小Be 開電視係一場戲, 要俾個教訓佢... 

要佢知道扭到個volumn大聲係好驚嘅一件事... 

哈哈! 我諗佢唔敢再開電視啦!!! yeah!!!!!  

有時同小朋友係要鬥智鬥力架! 正面糾正佢唔得, 就要諗其他方法囉! 無傷害性嘅撞板, 係可以令小朋友成長.