怪物(蚊難)小王子: 2009

2009年12月10日星期四

公公身後事 (一)

公公 (爸爸) 已經離開咗兩日, 心情尚可... 但仍然好唔捨得...

尋日下晝收到醫院電話, 公公嘅死亡證明已經出咗. 今朝一早就同超爸爸去醫院攞死亡證明, 然後去辦理正式嘅死亡證. 下晝約咗婆婆 (媽媽) 同三姨喺紅磡食飯兼傾下婆婆想點辦公公嘅事. 多得三姨嘅幫助同解釋, 知道公公有同婆婆講過下身後事, 所以我哋好快有大方向. 跟住就去咗搵殯儀經紀, 好快我哋就落實咗場地同套餐, 會以佛教形式舉行 (唔使驚... 唔係破地獄嗰種), 不過因為無火爐期同日子唔夾, 所以出殯日子定咗喺 2010年1月10, 11日舉行. 到咗嗰日, 就係見公公最後一面嘅日子... 真係捨不得... ... 泣... ...

2009年12月8日星期二

不能忘記的一天

今日 ~ 2009年12月8日下午2時4分 ~ 我一生中不能忘記的一天...

我最敬愛嘅爸爸喺呢一刻正式離開我 ... 亦係我最後一次捉住佢隻手 ...

呢兩日, 雖然佢無任何反應, 我仍然不停同佢講我好愛佢、好錫佢、好尊敬佢、好唔捨得佢、會好掛住佢同不停鍚佢... 唔知佢聽唔聽到同感覺得到呢?? 我諗呢一切都唔重要... 最重要係我仲可以同佢講我想講嘅說話, 無悔喇!

我最安慰嘅係 ... 爸爸離開嘅方式可以話係無咩大痛苦, 只係唔舒服咗幾分鐘 (醫生話嘅) 跟住就瞓覺覺豬... 雖然佢無講任何說話就走咗... 我諗 (亦希望) 佢應該無任牽掛同遺憾... 樣貌亦好安詳... 所有嘅至親都趕到見最後一面. 多謝大家!!

呢兩日, 小Be 一見到公公, 都會好大聲叫公公起身, 又唱 "有仔雀仔跌落水" 同 "太陽伯伯" 俾公公聽... 又問我公公幾時起身... 等等... 小Be 同公公好有緣, 小Be 係公公嘅心肝命掟, 而小Be 都好錫公公, 佢哋二人感情好深厚...

小Be 嘅學前日子, 公公佔咗好重要嘅位置, 公公每日教小Be 上落梳化、學企、學行、每日同小Be去散步, 每一日都好有規律. 到上學前班時, 公公風雨不改接送小Be 返學同放學. 公公曾經同我講過, 佢好開心小Be 喺佢生命中出現, 雖然係短短幾年, 但佢都好開心同珍惜每一分一秒. 佢話如果唔係小Be... 佢一早已經放棄佢嘅生命... 而小Be 呢幾日都成日同我講 : 我好掛住公公、我好鍾意公公、公公幾時出院?? 公公嘅離開亦令小Be 嘅生活出現咗一啲講唔出嘅變化 (下回分解) ...

我哋 (公公、小Be、我) 三人最後一張合照... 公公, 再見喇...

公公 : 其實我同超爸爸都好多謝您呢幾年咁俾心機照顧小Be (仲有婆婆), 令佢有一個開心又溫暖嘅幼年期. 我好肯定, 小Be 一定唔會忘記您!!!

2009年12月1日星期二

Hydro Boost ~~

有日, 小Be 去咗做 facial, 敷咗個 Hydro Boost Mask.

材料 : 鼻涕、口水加口罩 = 保濕

▼

▼敷 mask 途中, 基因突變...

▼

▼最後進化成以下臉容 ...

特別嗚謝 : 海玲姐姐嘅特技效果!!

2009年11月30日星期一

小Be生病了 + 發脾四

小Be 呢隻仔體質真係麻麻哋, 個鼻敏感同氣管真係好唔掂... 自入冬以嚟佢係鼻水長流 (唔係細水長流呀 ~~ 哈哈!!) 因為十二月之旅即將來臨, 我哋要快啲同佢睇好嗰堂鼻涕先得. 今晚何醫生提議小Be 用有類固醇嘅噴鼻藥... (之前用嘅青蛙仔口服藥對小Be 無效), 何醫生話一定要喺出發前醫好佢, 唔係嘅話... 會好麻煩!! 何醫生即場同佢噴鼻哥, 佢都無乜點反抗... 返屋企之後會唔會咁乖就唔知喇!!

食完藥隻衰嘢扭計發脾四... 我唔啋佢... 要教訓一下佢. 由爸爸訓導下佢, 罰佢自己瞓BB床, 佢好似接受唔到現實, 喪喊唔停!

唔好話我哋殘忍呀!! 有時佢真係｢唔鬧唔C服｣架!!
http://hk.video.yahoo.com/video/video.html?id=1792976 (睇唔倒, click 呢條 link啦! 唔該!!)

大鬧大床連環圖 ...

最後｢含淚而睡｣... 可憐也...

2009年11月29日星期日

蔥花吞拿魚腩卷<大戰>燒油甘魚頭 & 人出人海@一田

蔥花吞拿魚腩卷 vs 燒油甘魚頭

話說今日係本人壽辰翌日, 原訂同我雙親大人是日吃晚飯慶祝, 但公公今早因血糖過低暈倒入院, 所以一度將晚飯計劃取消!! 好彩, 公公好快好返, 即日出院!!! 我哋決定食個放便晚飯... 就喺屋企附近嘅日本料理, 簡簡單單咁慶祝, 已經好開心啦!!!

點解個標題係 : 蔥花吞拿魚腩卷<大戰>燒油甘魚頭?? 咪係兩老一嫩各人有唔同嘅喜好. 兩老鍾意嘅係 ~ 燒油甘魚頭 ; 小Be 鍾意嘅係 ~ 蔥花吞拿魚腩卷. 至於我哋三位青年人 (我、超爸爸同細佬) 梗你隔岸觀戰啦!!! 邊個贏咗?? 梗係年輕力壯嘅 ~ 小Be 啦!!!!

睇下! 佢哋食到停唔倒口!!! yummy!!!!

小Be 食得幾快, 前後食咗六件 ~ 一碟!! 所以勝出!!!

http://hk.video.yahoo.com/video/video.html?id=1751625 (睇唔倒, click 呢條 link啦! 唔該!!)http://hk.video.yahoo.com/video/video.html?id=1790745 (睇唔倒, click 呢條 link啦! 唔該!!)

講返下午, 我哋一家三口咗彩雲邨吃個 brunch (各人至愛...)

然後去沙田嘅一田睇下有咩嘢執!!! 一去到...

唔係嘛!!! 使唔使咁多人呀?? 真係唔使 $$?? 多人到針都放唔入!! 爸爸帶小Be 落樓下嗰層睇玩具同車. 我就殺入戰場血併!! 其實都無咩買, 我只係買咗一套新幹線火車同一件麵包超人衫, 盛惠三佰二十蚊吖唔該. (都平咗兩佰元左右...) 會合超爸爸時, 佢話 Procam-fris 有 booth 大減價, 小Be 啲户外外套減到六佰五十蚊! 但我就覺得唔使買, 唔襟著吖嘛! 如果佢大定咗我會買俾佢囉!! 喺爸爸｢唔買唔C服｣嘅情況底下, 最終買咗一件平啲又大啲嘅風褸俾小Be. 件褸靚唔靚呀??? 四舊水... 有防水、防風同防火功能算抵喇...

2009年11月28日星期六

生日@赤柱牢房+小Be 給媽咪mo 的生日禮物

Happy Birthday to me!!

小Be 給mamemo 的祝福語 (mamemo 自製的)
http://hk.video.yahoo.com/video/video.html?id=1790662 (睇唔倒, click 呢條 link啦! 唔該!!)

生日坐牢???

唔係嘛!!! 啋! 啋! 啋! 其實係去咗赤柱東頭監獄嘅嘉年華會!! 自從幾年前老表出咗冊 (講得誇咗... 其實係搬離咗東頭入面嘅懲教宿舍... 去咗第二區到住...

), 已經好幾年無去過啦!! 以前我哋成日入去BBQ 架!! 今日上完合唱團, 會合埋桄叔叔一家出發去筲箕灣食 lunch, 再向東頭進發!! 一去到爸爸就同小Be 睇電單車等表演, 我呢... 一個箭步去 shopping 是也!!!

桐桐姐姐話 : 出發!!!!!

我喺賣物會買咗個小Be 最愛嘅漢堡飽... 呢張相嘅相中人似反串咗呢??

仲有警犬表演!!! 好睇呀!!!

玩到差不多五點, 我哋就去山頂玩同食晚飯!! 飯前我哋去咗室外遊樂場玩咗一陣, 佢玩到好開心!! 不停跑 ... 不停講...

http://hk.video.yahoo.com/video/video.html?id=1790719 (睇唔倒, click 呢條 link啦! 唔該!!)

桐桐 : ｢咪郁! 打劫!! ｣小Be : ｢你唔好亂嚟, 我俾晒啲錢係吖!!｣ (設計對白)

跟住我哋去咗｢太平山餐廳｣食飯, 氣氛同食物味道都幾好!! 不過... 啲招呼真係好差!!! 完全唔掂!!

點做遊客生意呀???

一家三口嘅合照 ~ 好罕有呀!!!

嘩! so sweet!!! 有個好字呀!! (最弊係借咗人哋個女呢... 泣...)

my birthday cake!! yummy yummy!!!

今日喺賣物會買嘅戰利品, 連埋小Be 個漢堡飽, 都係一佰六十蚊咋!!!

抵!! 又執倒平嘢又可以做善事, 一舉兩得!!!

講返小Be 送俾我份生日禮物先, 就係... 登.. 登.. 登.. 凳... 就係 ~ 嘔吐物一袋...

... 唔係嘛!!! 係真唔係呀??? 係呀! 係呀!! 就係上山頂途中, 隻衰嘢突然要我抱! 我一抱人佢上身, 佢就噴咗出嚟!!! 我唔可以放手架!!!! 桄叔叔架新車今日先落哋架!! 唔整得污糟架!!! 好彩無污糟到啫... 唔係就死火囉... 所以我同小Be 一身都係... 正面啲睇!! 第一日就咁唔好彩!! 即係衰嘢一早嚟咗, 好嘢陸續嚟囉... 係咪!!!

今年行好運!!! yeah!!!