由上星期六開始, 我就教佢小Be 講一啲新年恭賀嘅說話. 為農曆年做好準備. 我唔係迫佢做一啲佢唔鍾意嘅嘢, 而係教佢唔同時節有唔同嘅說話同做唔同嘅應節準備. 小Be喺呢方面都好受教 (可能佢喺學校都學到呢啲內容加上我嘅配合), 第一日教佢已經識講 : 恭喜發財!! 星期日再教佢講 ~ 身體健康! 到今日小Be已經可以拱手講 : 恭喜發財!! 身體健康!!! 所以今晚臨瞓前再教佢講 ~ 龍馬精神! 但佢講咗 : 圓眼精神! 
佢搞咩鬼呢?? 糾正咗2次佢先講到 ~ 龍馬精神!
我突然心血來潮錄底佢, 留俾佢大個自己睇返, 一定好攪笑!! (我又一廂情願覺得小Be會受落我今日為佢做嘅一切tim 
)
佢搞咩鬼呢?? 糾正咗2次佢先講到 ~ 龍馬精神!我突然心血來潮錄底佢, 留俾佢大個自己睇返, 一定好攪笑!! (我又一廂情願覺得小Be會受落我今日為佢做嘅一切tim )
喺呢度, 小Be 想同小龍拜個早年 ~ 小龍記得睇呀!!
我upload 咗呢條片俾大家睇睇, 請欣賞!!!
沒有留言:
張貼留言