mamemo 重出江湖記 ~

今晚剩低我同小Be 你眼望我眼 (超爸飛走咗lu)... 同佢玩玩吓... 突然醒起... 老師有便條嚟話家長要幫忙搵啲有關花嘅資料、圖片、真花或自製花回校.  弊!!

夜夜媽... 臨時臨急去邊到買真花呢?? 就算買到, 到聽日小Be 攞返學校都變殘花啦!! 真係要諗諗計先得 ... ...    

諗到喇!!! 自小Be 出世後, 我都好耐無玩過手作仔呢家嘢啦!! 所以手痕痕玩 ~ "痴花花".  於是, 喺屋企搵到2卷唔同pattern 嘅厠紙., 其中一卷嘅 pattern 有啲特別 ~ 就係今年新年喺 apm 抽番嚟嘅開運厠紙喇!!  紅紅哋, 可以用嚟做玫瑰花喎!! 仲搵到當年插花用嘅鐵線!! 有得搞! 

剪剪... 橋橋...

▼

▼

▼

▼

▼

▼

▼

一朵小花已經誕生咗喇!!!

另一朵都出世喇!! 呢朵係康乃馨, 產自普通嘅皇冠厠紙喇!! 清清哋都唔錯吖!

小小小Be ~ 清早起床 ~ 提著花籃上市場 ~~~ (自買花姑娘曲)