塘夏三正半山親子兩天遊

大家唔好怪我咩都加 ｢親子｣兩個字... 無辦法啦... 我哋呢啲在職父母... 要搵食, 邊有咁多時間陪囝囝吖... 一有機會... 梗係要｢親子｣一番!!

一連兩日嘅 ｢游水吃喝玩樂團｣由尋日 (24/7) 日開始, 團員有 Esther 姨媽一家 (4人) + 小青姨媽一家 (4人) + 我一家 (3人), 共11人相約喺上水火車站十二點集合.  喺九龍塘同小青姨媽一齊出發.  車癡又同火車影相喇!!

去到上水... 超級無記性嘅 mamemo 突然醒起...

小Be 無帶 passport 呀!!!  就算身份証同回鄉証都唔可以硬闖過關架喎...  咋咋淋打電話叫舅父飛車攞俾我哋 ... 真係唔好意思... 連累大家同我哋一齊等...

上到深圳, 天黑黑想落雨... 唔係咁好彩嘛... 真係貴人出門招風雨??  真係有少少雨呀!!! 最後我哋三點半到達 ｢三正半山酒店 ｣.

坐 Golf 車去A區返房!! 亦係小朋友們最鍾意嘅環節!!! 佢哋真係坐得好興奮架!!

趁停雨, 咋咋淋搵泳衣落水先!! 小Be 真係大個仔啦!! 唔怕水喇!!

游咗個半鍾頭之後, 又行雷又落雨... 救生員哥哥要我哋上水, 唔淮再游水... 唯有係房 hae 下啦!! 小Be 幾嘆!! 長霸呢張椅...

環境都幾雅致架!!

我哋六點就去咗食飯, 一食就食咗兩句鐘!! 點解咁耐?? 真係食咗好多嘢囉... 前後18碟... 其中有 3打炸饅頭、2打水餃、2打小籠包、1打鍋貼、1打生煎飽同埋4-5樣各半打嘅甜品... 食量好驚人...

小Be 扮小王子中...

圍埋玩呀~~

食完飯, 四圍行, 落格後, 我哋去咗室內泳池玩水, 玩到十一點幾又去食宵夜... 

第二朝好早起身 (七點) 食早餐 (又係食...) 跟住係 ~ 游水是也.... 玩到十二點 check out.  食埋 lunch 大約二點半離開酒店.  bye bye 啦! 影張相留念先.

包車一到, 小朋友們立即.  下一站係 ~~~ 深圳灣 (蛇口... 真係 N 年無嚟過... ) 四圍逛等六點鐘去 ｢大飽口福 ｣ 食 Buffer... 又食!! 小青姨媽 book 咗嘛!! 抵呀! $170 一位大人! 不過我同超爸覺得貴... 因為種類多, 但質素只係好一般嘅一般.   下次我哋應該唔會再去食.  九點幾, 要過關返香港啦!! bye bye!!

兩日一夜親子遊完滿結束! 小Be 好開心呀!! 好玩到唔捨得走!! 話下次要再去酒店玩過!! 好啦! 如果你乖乖, 下次再同你去酒店啦!!!

熊熊合唱團 ~ 音樂劇場刊

話說小Be將會參與熊熊合唱團於2010年8月19日喺屯門大會堂嘅演出.  今年主題係 ~ ｢一人至少有一個壞習慣之飲食篇 ｣.  而小Be 係幼熊組嘅關係, 佢會同其他幼熊一齊大合唱. 

上星期六收到通告, 通知可以買版位出賀稿喺場刊裹面...  版位分全版、半版、1/4版同埋1/8版呢幾種.  價錢由千幾到四佰元不等.  最好笑嘅係 ~ 有排位出名!!  盛惠 $200 大元一個... 真係當 ｢長生祿位 ｣咁賣 (啋! 啋! 啋! 大吉利是!!) 經過同心悠媽、雪浠媽一輪討論之後, 一致通過合資購買1/4版為佳, 盛惠 $800 大元吖!! 算啦!! 除開二佰幾, 都負擔得起...

我哋立即行動!! 叫三位小演員埋位! 我有理無理係咁影! 三位小姐、大少, 唔該望呢邊吖! 一、二、三笑!! 

影咗十張、八張之後, 揀咗一張相, 由J媽加工執執佢!  嘩!! 靚晒!! 咦! 仲有三個唔同嘅設計喎!!J媽又真係砌得幾靚喎!! 最後選出中圖同埋右圖呢兩張,  登喺場刊出入. 點解係兩張?? 唔好貶俾佢吖嘛!! 放得幾多得幾多啦!! 成 $800 大元架!!        

多謝J媽媽拔刀相助, 令大少可愛 100 倍!!

小Be 的第一次@Toy Story 3

就嚟4歲嘅小Be, 卒之第一次入戲院睇戲.  佢嘅第一次入戲院係獻給 ~ Toy Story 3!!

未開場, 我哋呢啲 ｢自由神｣梗係唔放過任何機會啦!! 影番幾張相留念!! (*´ｪ`)

小Be 表現都算唔錯! 係去到堆填區嗰段有啲頂唔順想走... 好彩佢都識性, 無大吵大鬧!  最後都順利睇完!! (不過要除咗個眼鏡囉... )

不得不讚 Toy Story 3!! 真係好好睇!! 好有意思!!

小Be K1 暑假班 (2010 7~8)

仲有14日, 小Be 就4歲喇!!  今年卒之可以讀暑期班啦!! 開頭只係報咗星期一、二、五下午喺婆婆屋企樓下啲社區中心嘅興趣班.  不過, 我同超爸見完家長之後, 就諗住同佢惡補一下啲英文囉!!

7月16日 - 8月27日的時間表如下 :

星期一 ~ 下午 02:15 ~ 03:15 紙黏土班

星期二 ~ 上午 10:00 ~ 12:30 Bi-lingual class、下午 02:15 ~ 03:30 大廚班

星期四 ~ 上午 10:00 ~ 12:30 Bi-lingual class

星期五 ~ 下午 02:15 ~ 03:15 圖像記憶法

8月2日 - 13日不會在上午 10:00 ~ 12:30 上Bi-lingual class. 改去另一學校上英文班 (10:00 ~ 12:00).

嗱!嗱!嗱! 唔好話我谷小Be 呀!! 下午嗰啲班全部係興趣班, 純粹俾小Be 打發時間之餘, 可以俾婆婆同埋工人姐姐抖抖氣咋!! 只有上午英文班比較學術性一啲, 希望佢上完暑假班之後, 唔好再抗拒英文啦!!

Q's Gallery (3)

眨下眼, 小Be 學咗差不多三個月畫, 又到 baby painting course 嘅尾聲.  今日已經係最後一堂, 下星期開始另一個課程.  睇下尾嗰三堂嘅作品先!!

第七堂 (26/6/2010) 作品 : 水母游呀游 ~~ 

第八堂 (3/7/2010) 作品 : 蝸牛爬下爬 ~~

第九堂 (10/7/2010) 作品 : 毛毛蟲

校園會+7、8月生日會

小Be 知道學校7月份嘅生日, 係佢有份做主角之後, 佢好開心! 早喺幾日前已經同我講星期五學校開生日會俾佢, 叫我一定要去參加佢嘅生日會.  呢個生日會係佢學校生涯第一個生日會 (上年因豬流感提前放暑假, 所以小Be 無咗學校生日會)  我都放半日假同佢一齊參加, 難得超爸都參加吖嘛!!

首先, 園會喺二點半開始.  小Be 班演唱 ｢做運動 ｣ 

各班表演演之後, 小朋友返課室同排洗.  之後各壽星家長入課室睇小朋友唱生日歌同演唱.  小Be 頂生日帽係佢自己油顏色嘅...

老師一彈某一首歌, 小朋友會即刻安靜兼伏開枱面, 等老師下一個指示.

七月之星合照!! 1 ~ 2 ~ 3 ~ 笑!!

http://hk.video.yahoo.com/video/video.html?id=1936035
唱完生日歌, 老師要大家回位, 然後重唱 ｢做運動 ｣、｢媽媽辛苦了｣
http://hk.video.yahoo.com/video/video.html?id=1936068

表演完, 所有家長都要離開課室.  超爸買咗四十幾包 Disney 餅仔送俾小Be 嘅同學.  根據小Be 放學時講, 食完蛋糕之後, 老師帶住佢派餅仔俾同學仔