話說小Be將會參與熊熊合唱團於2010年8月19日喺屯門大會堂嘅演出. 今年主題係 ~ ｢一人至少有一個壞習慣之飲食篇 ｣. 而小Be 係幼熊組嘅關係, 佢會同其他幼熊一齊大合唱.
上星期六收到通告, 通知可以買版位出賀稿喺場刊裹面... 版位分全版、半版、1/4版同埋1/8版呢幾種. 價錢由千幾到四佰元不等. 最好笑嘅係 ~ 有排位出名!! 盛惠 $200 大元一個... 真係當 ｢長生祿位 ｣咁賣 (啋! 啋! 啋! 大吉利是!!) 經過同心悠媽、雪浠媽一輪討論之後, 一致通過合資購買1/4版為佳, 盛惠 $800 大元吖!! 算啦!! 除開二佰幾, 都負擔得起...
我哋立即行動!! 叫三位小演員埋位! 我有理無理係咁影! 三位小姐、大少, 唔該望呢邊吖! 一、二、三笑!! 
影咗十張、八張之後, 揀咗一張相, 由J媽加工執執佢! 嘩!! 靚晒!! 咦! 仲有三個唔同嘅設計喎!!J媽又真係砌得幾靚喎!! 最後選出中圖同埋右圖呢兩張, 登喺場刊出入. 點解係兩張?? 唔好貶俾佢吖嘛!! 放得幾多得幾多啦!! 成 $800 大元架!! 
多謝J媽媽拔刀相助, 令大少可愛 100 倍!!
沒有留言:
張貼留言