病魔入侵 @ Halloween

原本今日小Be 要參加 K2 班舉行嘅 Halloween Party !! 仲相約咗佢嘅同學話會著 Superman T-shirt (佢兩個女同學話扮公主...). 

可惜, 佢由尋晚開始... 出現多次嘔吐...  三個鐘內在睡夢時嘔咗三次！

 仲要係有兩次嘔落我地張大床度... 枕頭、床褥全報 銷... 頭兩次, 我仲未返到屋企... 十二點鐘倒收到超爸電話, 話小Be 好唔舒服, 喺我哋張床嘔咗兩次, 速回!!! 我咋咋淋返屋企啦!! 坐的士時, 小Be 打電話俾我, 一邊喪喊、一邊大叫, 問我點解仲唔返屋企、係咪唔要佢之類嘅問題...

返到屋企開門...  嘩!! 全屋充斥著嘔吐味

  一望... 見到小Be 瑟縮喺梳化... 我一抱佢... 佢即刻喊兼講 : ｢媽咪, 對唔住... 我整污穢咗你張床呀... 嗚... 嗚... ｣ (好一個先下手為強!!! 自動投案!!! 等我都交吓戲先!!)  我摸住佢個頭仔話 : ｢唔緊要, 你唔舒服嘛!!! 乖豬!!｣ 最後, 我同超爸清潔到零晨兩點幾!!

今朝, 見小Be 好似無咩事, 加上佢期待咗Halloween Party 好耐, 所以決定俾佢返學.  其實佢嘅精神真係麻麻哋... 睇下... 個樣都好病下架!!!

呢張 ~ 扮晒好精神... 其實不知幾唔掂

約十點零, 婆婆打電話俾我, 話小Be 出現發燒同嘔吐... 婆婆即刻帶佢去睇醫生.  原來又中腸病毒... 可憐嘅小Be... 開學兩個月中兩次毒... 今次又參加唔到 party!!! 佢好傷心呀!!!

BB從哪裡來??!!

小Be將會轉新書 ｢我的家庭 ｣, 新書內容好有趣!!  書中介紹各家庭成員▼

▼有媽媽同爸爸

▼平時生活情況

▼形容爸爸有大肚腩、媽媽有個大肚仔

▼

 嘩!! 媽媽肚仔內有個BB!!! 有一天, 大肚子變出一個小娃娃!!! (仲連臍帶架!!)

登高@南丫島

秋高氣爽, 跟住契爺、契媽去南丫島登高!! 坐船出發!!

一開始, 不停食、食、食!! 呢串串燒好好味架!!

大街大巷玩到彎晒腰....

好嘢!! 小Be有人湊, 我哋兩老可以拍吓拖 lu!!!

排隊食豆腐花, 小Be 玩肥皂波波!!

同契爺嘅親子相!! 見唔見佢兩位都瞪大對眼架??

小Be見到洪聖爺灣沙灘, 真係開心到飛開!!

上到山頂, 大家抖一抖, 坐下飲下嘢!! 個傻豬仔好開心、興奮!!

同 Hadrian 弟弟玩合照!!

咦! 點解 Hadrian 弟弟舉手喎... 有問題??

被偷拍的無聊兩母子!!

* 以上數張相係由 Hadrian 嘅爸爸提供...

好快, 行到六點零行到終點 ~ 榕樹灣, 然後食海鮮!!  今日小Be 好叻呀!! 全程自己行, 唔使抱.  佢真係大個仔啦!!

4歲健康檢查

今朝同小Be 去健康院做 4歲健康檢查,  檢查包括 : 眼睛檢查、基本身高、體重檢查同埋情緒、習進度問卷.

一輪體檢之後, 結果如下 :

眼睛 : 左眼遠視度數 ~ 125 ; 右眼遠視度數 ~ 150 (正常)

身高 : 104.1cm

體重 : 18kg

首先, 我要填情緒、學習進度問卷.  邊等叫名.  由視光師哥哥同小Be 做一連串 test

跟住, 去體檢房除鞋度高同埋磅重

然後我哋坐係資訊廳睇 video, 等姑娘接見做簡單情緒、學習進度評估

基本上個評估都合格, 但因為我喺問卷上填咗對小Be 學習進度有懷疑, 所以姑娘重點問小Be 一啲英文字母, 佢都發覺小Be 喺認英文字母比較差.  姑娘安排小Be 喺11月10日見醫生再作進一步評估.  希望係我敏感, 唔係佢有問題啦...

2010 熊熊合唱團音樂會

日期 : 19-8-2010

呢篇 blog 坐咗好耐... 唔 post 又唔得, 驚小Be 大啲時無得睇, 而我又唔得呢件事 (無辦法... 年紀大機器壞 ...).  當日, 我哋要兩點鐘鬆啲到達屯門大會堂踏台板彩排一次 (跟 rundown), 但小Be 同 Hayden 都要喺 Lalaland 上 summer course 至十二點半先放學, 所以由接佢哋放學到食 lunch 同車佢哋入屯門都係好趕... 好趕...

準備入場踏台板跟 rundown 彩排啦~~ 好緊張呀!!! 手拖手, 做個好朋友!!!

佢哋入去彩排... 可憐嘅三對父母... 喺人生路不熟嘅屯門中心做 "老泥仔、老泥妹..." 四處遊蕩... 逛咗兩個幾鐘 ... 五點零, 要去接返三位幼熊去食晚飯, 補充體力... 三隻攰賴賴嘅幼熊真係無咩電...  飲番盒 "古古力奶" 先!!

食完晚飯, 又送番佢哋返會堂, 佢哋真係一臉倦容 (其實大人都係...) 小Be, 加油呀!!

接埋婆婆時間啱啱好!! 八點鐘開埸啦!!  Hayden 哥哥出場先!!

小Be 出場時都無機會影倒佢... 點解?? 咪一路俾前面嗰兩位小朋友遮住咗... (又左數起第四塊臉... 得1/3臉見到...)

走位時都見到佢三秒嘅...

中場休息, 小Be 佢哋返入嚟坐, 繼續睇餘下嘅表演

有雞雞、有雀雀、有龜龜、有蛋蛋

有不同嘅零食道具彈下彈下!!

十一點幾完埸, 返到屋企成點鐘... 下次熊熊可唔可以安排得好啲呢?? 起碼安排喺週日而唔係星期四囉!!! 同埋可唔可以早啲開場早啲完場架呢??

2010 熊熊合唱團音樂會綵排

日期 : 14-8-2010

今日係熊熊合唱團音樂會綵排日, 我哋同Z一家一齊出長沙灣 ~ 熊熊總部綵排.  大人唔可以入去睇綵排.  Elaine 姐姐話, 如果班馬騮仔綵排得好, 最後十分鐘可以俾我哋啲大人入去睇總綵排.  睇吓下面佢哋總綵排時嘅情況 :

綵排完, J一家邀請我哋兩家人一齊去深水埗三和田食 buffer... 好唔好食?? 見人見智啦.... 好味到... 我忍唔住喺 openrice 留咗個 post ~ 不可一... 不可再!!! 向垃圾食物說不!!!  

http://www.openrice.com/restaurant/commentdetail.htm?,commentid=2109125

時晚... ah Be 攰到... 沉沉睡了...