窩心的餅碎!!

尋晚放工接小Be 時, 佢一見我, 就送上食物盒 + 對我講 : ｢媽咪, 呢盒餅乾係我俾你聽朝做早餐食架!!｣

我 : ｢嘩! 好開心呀!! BB, 多謝你呀!!!｣

小Be : ｢你記得食呀, 知唔知道!!｣

我 : ｢知道, 多謝你呀!!!｣

我今朝開蓋一望 

 ~~ 餅碎!!! 其實啲餅乾係小Be尋日學校啲茶點嚟架, 不過佢食唔晒啲餅乾, 所以攞返嚟同我分享, 但又攞得唔小心, 變咗餅碎... 雖然只係餅碎. 但我都覺得好窩心囉...