小小義工日@賽馬會復康中心篇(2)

上星期六 (14/4/2012) 我哋一家又去探訪老友記嘞~~ 開叔、胡婆婆、儀婆婆等各人都身體健康, 人人龍精虎猛!! (THANKS GOD).  班老友記見到我哋都好開心架~~  今日無狗醫生, 所以主要由各人(包括老友記) 輪流表演唱歌, 老友記們都好踴躍表演獻唱. 有幾個朋友開始煲腐竹蛋糖水. 

ah Be 一共唱咗五首歌 ~ 轉轉轉綠燈、校歌、親愛的老師、快樂的一天開始了、那誰 (爆!!)

Ah Be 間場地獻唱完五首歌之後, 埋位食糖水~~~  佢真係唔多客氣... 食咗一大碗+1.5隻蛋...... 食量驚人......


今次同老友記歡聚兩個小時.  臨走前, ah Be 揸住相機同公公、婆婆影相 (個人私隱問題, 不便公開佢哋嘅容貌), 個傻仔仲影自拍照, 超 hyper~~
嘩~~ 好大個黑眼圈呀~~~ 小朋友, 瞓多啲啦~~

自備啦啦球~~ 不過臨場唔肯用嚟表演, 只係用嚟玩~~  激死人~~


我哋由3:30 玩到 5:30 走.  初步約定下次探訪會改為 outing, 帶老友記衝出院舍~~ yeah~~ 期待中~~~