屎撈人

尋晚, 姐姐話ah Be 件校服有屎屎, 所以喺婆婆屋企洗咗. 

ah Be 話佢喺小息時急poo poo, 所以即刻去洗手間.  去完poo poo 有抺乾淨 pat pat, 但唔知點解啲條褲會沾咗啲 poo poo.  我覺得有啲奇怪... ah Be 喺屋企都係自己抺 pat pat, 都唔會整污穢條褲.... 點解會咁架呢...   再問多兩句, 佢話佢係用學校啲厠紙 (質地麻麻地... 好易爛), 我唯有叫佢下次用自己帶嘅紙巾.

個傻豬仔仲話, 佢一出洗手間, 啲同學仔笑佢好臭... 我問佢啲同學笑佢有無唔開心?有無叫佢哋唔好笑佢??  佢話無唔開心, 無出聲!! 因為佢覺得佢已經自己學緊自己清潔, 遲啲唔會臭.  所以唔多理佢哋講嘅嘢.  (有進步... 有啲位唔使理人點睇~~ 好開心佢係一個簡單小朋友, 我有少少欣賞佢嘅情操...  不過佢嘅好勝心都仲係好強, 要繼續調節一下先~~)

♦♫⁺♦･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟﾟ･*:..｡♦♫⁺♦*ﾟ¨ﾟ･*:..｡♦♫⁺♦*ﾟ♦♫⁺♦･*:..｡♦♫⁺♦*ﾟ¨ﾟﾟ･*:..｡♦

今晚 ah Be 又同我講今日上英文堂時又去poo poo...  我問佢點同老師講要去洗手間?  佢話佢舉手, 然後同老師講 : ｢Miss Kam, 我想去大便.｣  (點解講中文嘅?)  佢仲揞住半邊嘴陰陰笑話 :  ｢媽咪, 唔使講英文架... ｣  我覺得...我想去大便... 呢句說話好核突...   ah Be 話今次用自己帶嘅紙巾, 但係條底褲仲有有少少C... 我同佢講唔好太介意, 已經有進步, 至少啲衫褲無沾到.  下次會再好啲. 

跟住我再放我隻手指喺佢個 pat pat 度 (隔住褲架...), 俾佢感受下抺pat pat 時應該喺邊一個位置有感覺.  佢應該明白下次點樣抺會好啲. 

跟住隻衰野又揞住半邊嘴陰陰笑話 :  ｢我痾完poo poo 返課室, 啱啱上完英文堂.｣ 吓...   我話下次要盡量忍到小息至去, 上堂唔可以隨便去洗手間.  遲啲老師唔俾去架.  佢話知道啦!  (真係懶人多屎尿...)