平等分享行動

上年年尾開始

知道一位朋友係一個有心人

佢幫另一位發起人

幫助一啲長者、路宿者或基層人仕

為佢哋打點一啲基本需要

自己出錢買一啲飯票俾以上有需要人仕

有需要人仕可以持飯票到指定飯店

換領二/三餸飯盒一個
令佢哋身、心得到一份溫暖

我好認同發起人的信念
我哋唔係幫助人/ 做義工

而係 ~ "平等分享"

即係話有能力, 可以一齊分享

無分階級

佢哋呢個行動亦由深水埗開始

伸延至新界北、土瓜環等地區

同時, 有其他小食肆願意加入

希望 "區區有飯開"

我哋一班朋友知道後

都紛紛自動加入呢個 "平等分享行動"

我都由上年年尾開始加入

每兩、三個月分享一次

我計劃喺暑假時
帶埋 Be 去外勤

身體力行

去支持呢個 "平等分享行動"

為 Be 上身教課~~

讓佢認識社會其中一面~~

呢啲飯票, 起碼可以供應 200 個飯盒啦~~

大家加油~~~