開學文具

今年開學

我哋都無咩特別準備

所有文具、書包都係用返上學年的

木顏色筆同鉛筆都係用到短短哋

特別係鉛筆

喺小一最後一日

老師向每位同學派發咗4至5支鉛筆 + 1塊擦紙膠

呢啲全部都係校工在班房打掃時發現嘅失物

所以一次過分配俾返小朋友

今個學期可以慳返幾支鉛筆同擦紙膠

唔置新文具、書包俾佢

係因為啲嘢未爛或未爛到唔用得

想教佢唔浪費

佢亦知啲用品未爛又換新用品

係唔環保

所以佢收到姑媽送俾佢嘅新書包

佢都叫收起

遲啲舊嘅書包爛晒

先用新書包