眨眼一年！老豆，你呢一年去咗邊處玩呀？你收唔收到我寄俾你嘅嘢呀！？
呢一年, 我都未習慣你已經離開呢個事實... 到今日, 我仍然內疚你出事前一晚無同你食晚飯... 如果嗰日我有同你食飯... 我會覺得無遺憾. 雖然你走得如你所願 ~ 好舒服, 不過如果你可以同我講聲 bye bye, 我諗我會無咁牽掛住你! 除咗我好掛住你之外, 你個孫 ~ ah Be 都好掛住你呀! 佢耐唔耐就會同我講佢好掛住你, 又問我你幾時返嚟! 佢同我講, 話公公好錫佢! 佢仲會為你流眼淚... 又同我講佢會永遠都記住你!!
老豆，我真係好多謝你!! 湊得 ah Be 咁好!! 佢好鍾意你呢個公公!!眨眼一年！老豆，你呢一年去咗邊處玩呀？你收唔收到我寄俾你嘅嘢呀！？
寫岀來舒服d
回覆刪除係呀... 其實... 已四年.... 我都仲係好鬼掛住佢.... 一提佢眼淚即到...
刪除你唔好成日check住你老豆去咗邊啦!
回覆刪除佢梗係同我阿公婆婆打緊麻雀啦
今晚凍凍地
就約埋舊街坊四婆+張伯落樓下稻香打邊爐
然後食飽飽大覺瞓
你老豆依家無病無痛, 龍精虎猛
梗係周圍玩啦
你得閒whatsapp阿仔d相俾佢
佢會收到架
天國牌S5雙核芯258G
我都買咗2部俾細佬+瞄瞄
好快好好用架
你放心你老豆啦