壓力爆煲

今次考試

Be 嘅狀態好差

明明識嘅課本

做練習都係會錯...

讀極都讀唔入腦...

因為咁

我都好掹... 同好燥...

(我知我係唔啱... 但真係忍唔住...)

聽日係考試最後一日

要考 GS 同 Composition

所以,

今日我同佢作最後衝刺

 點知... 隻臭 Be 不停錯...

喺我又掹, 佢又燥之際

突然

佢聲嘶力竭地 ~ 呀!!!! 

臉紅紅, 露出青筋, 發狂咁大嗌

我拍拍佢佢都無反應...

佢大嗌咗兩三分鐘後

我問佢咩事?

佢一輪嘴講 : 你哋都唔鍾意我嘅! 你哋都唔關心我嘅! 你哋都唔愛我嘅!

續 : 你哋好憎我架! 你哋成日講電話!! (講電話?? 佢有幻覺??)

再續 : 你哋咁唔鍾意我, 我要去死呀!! 我死咗你哋最開心呀!!!

佢不停重複講呢段說話

不停講... 不停講...

我問佢咩事覺得我哋唔關心佢?

Be : 上次我手足口呀, 你哋成日講電話, 你哋都無關心過我呀??

(心諗 : 我哋真係無講電話喎...)

約二十分鐘後

Be 冷靜咗落嚟

我慢慢同佢傾

佢先無事... 平靜返...

佢應該係有好大壓力...

一次個爆發出嚟...

我自己都要檢討一下

喺溫習時

俾咗好大嘅無形壓力佢...

真係要一齊減壓至得...

唔可以為咗學業輸咗個仔...

Be, 其實爸媽係鍾意你! 好關心你! 好愛你架!!!