又係尋日...
做功課前...
Be :「媽媽, 我知我係點樣出世嘅!」
我 :「嗯, 點出呢??」
Be :「我係由你粒卵子加爸爸粒精子撞出嚟架嘛!」
。。。(☉_☉)
我 :「咁... 你都知... 
」
」
Be (不以為然...) :「係呀! 老師講架!」
然後...
佢一邊摸我個肚
一邊講 :「bb, 你快啲出嚟啦~~ 哥哥等咗你好耐啦...」
再錫咗我個肚一啖... 
我... 又再無言...
*** *** ***
到埋位做功課
隻衰嘢又喺度支支佐佐
扭扭擰擰
我忍唔住拍咗一下枱
我 :「你快啲... 啦...」
(自小一起, 我每日至少講十次...)
佢碼上接 :「嗱... 媽咪, 你咁嬲... 生唔到卵子架... 我會無細佬架...」
我真係俾佢... 激... C... 啦!!!
哈哈哈哈哈哈哈哈…… 都唔知講乜嚟安慰妳好？！
回覆刪除佢再扭擰，妳就望住佢唔出聲（嗌十次傷元氣呀！），睇佢會唔會自動埋位；唔快趣埋位，妳就話佢咁嘅表現細路都唔願出嚟陪佢！
我條中氣已經斷咗....
刪除少d耐性都唔得吖
回覆刪除係想死架, 有時...
刪除佢下次會入房監督阿媽粒egg+老豆的sperm結合
回覆刪除你又.... 玩嘢....
刪除真係唔知好嬲定好笑!
回覆刪除俾佢玩死...
刪除以家d 小朋友好聰明架
回覆刪除最弊讀書時唔聰明呢....
刪除哈哈哈哈，好聰明的小朋友，真係俾佢激到彈起
回覆刪除好百厭....
刪除