"佢"... 係邊個呀??

早排

每當我同Be 回家時

不分早午晚

Be 都要我同佢一樣

唔可以發出任何聲音

例如 : 無腳步聲、無鎖匙聲、無開門聲

邊行邊催促我行快啲

開門開快啲...

當我唔小心發出咗啲聲音

佢會即時"o殊"我... 

仲要壓把聲同我講 : ｢媽咪, 唔好俾佢聽到呀!  ｣　

我一問邊個佢??

Be 即時閉嘴...

一入屋佢九秒九關門... 

仲要補句 : ｢好彩佢入唔到嚟... ｣

真係俾佢嚇到鼻哥窿都無肉... 

*** *** ***

佢日日歸家都係咁

不過

如果有超爸同行就無事

係咪好驚嚇先??

於是

我日日問佢係邊個"佢"?

Be 開頭唔答我架...

問咗成個幾星期之後

Be 就好含糊咁答... 唔知呀...

再問多個星期

佢就喺我手掌上/ 門上寫字...

但我又唔明Be寫咩喎...

有日

我終於忍唔住

俾咗張紙佢寫

要Be 寫低"佢"係邊個

疑團...

終於解開啦~~~

Be 寫低咗三個大字...

就係....

UFO  (大爆!!!)

Be 再答多句 : ｢外星人呀!! 媽咪｣

我...

投降...

無嘢講啦...